ပန်းကိုလူပျိုလှည့်တဲ့ လိပ်ပြာ

လိပ်ပြာ….
မင်း ပန်းကို လူပျိုလှည့်တာတော့ ဟုတ်ပါပြီ
မင်းမှာ….ကဗျာ ပါခဲ့ရဲ့လား…။
ကဗျာမပါရင်လား No ပဲ လိပ်ပြာ။ မင်းရဲ့ ရွှေတောင်ပံတွေ…ငွေတောင်ပံတွေနဲ့ ပန်းအနီးမှာ လွန်းပျံရွက်ဖွင့် မင်းပျံတာ မနည်းဘူး လိပ်ပြာ။ အဲဒါဟာ ကဗျာ လို့တောင် ထင်စရာကောင်းပါ ရဲ့…။ ဒါပေမယ့် အဲဒါ ကဗျာ မဟုတ်ဘူး လိပ်ပြာ။
အဲဒီလောက်လေးနဲ့ မင်း ပန်းကို လူပျိုလှည့်ရင် ပန်းရဲ့အဖြေက No ပဲ လိပ်ပြာ…။
ကြည့်စမ်း ပန်းအနားမှာ မင်း ပျံဝဲ ရစ်ခွေတွေနဲ့ အတောင်ပံ အနှုတ်အသိမ်းတွေဟာ …. လေကျသာ…ပါရဲ့။ မင်းလှုပ်ရှားပုံ လေ တစ်စက်တောင် လှုပ်သွားမယ်မဟုတ်ဘူး။ ဒါလောက်လေးနဲ့ မင်းပန်းကို လူပျိုလှည့်ရင် ပန်းအဖြေက No ပဲ လိပ်ပြာ။
ပန်းတွေ ဘက်ကတော့ လိပ်ပြာဖြေရမယ့် မေးခွန်းတွေ ရှိနေတယ်။ ပန်းတွေက ကဗျာ ကို အရမ်းချစ်ကြတယ်။ ပန်းတွေဆိုတာ ကလည်း ကဗျာနဲ့ပဲ နေထိုင်ကြတယ်ဆိုတာ…မင်း သိရဲ့လား လိပ်ပြာ။
အတောင်ပံမှာ…ကဗျာ ဝေ မဝေ
ပျံဝဲခြင်းမှာ…ကဗျာ ကြွေ မကြွေ
လိပ်ပြာပေါ်မှာ ….ကဗျာ နေ မနေ…….
ပန်းပွင့်ဆို တာ ဒါပဲ စဉ်းစားကြတယ်….ကဗျာ ရှာကြတယ် လိပ်ပြာ။ ပန်းပွင့်လေး ငယ်ပေမယ့် ပွင့်ဖတ်ကတော့ ခိုင်မာတာ ချည်းပဲ လိပ်ပြာ။
မေးရဦးမယ်…မင်းမှာ သော့ ရှိသလား။ ပွင့်ဖတ်တွေ ပွင့်ဖို့ ကဗျာမရှိရင် …သော့တော့ ရှိရမယ် လိပ်ပြာ။
တစ်ခုတော့ ပြောလိုက်မယ် လိပ်ပြာ။ သော့နဲ့ အဖွင့်ခံရတဲ့ ပန်းဟာ ဘယ်တော့မှ မမွှေးဘူး လိပ်ပြာ။
တစ်ချို့က ဆိုရင် ခူကောင်တွေ…။ ဒီခူကောင်တွေကလည်း အတောင်ပံ အတုတွေနဲ့ သော့တွဲသံ
တချွင်ချွင်အသံပေးရင်း ပန်းတွေကို လူပျိုလည့်ကြတာ ပဲ။ ခူကောင်က ပန်းတွေကို သော့တွဲ အပ်ချင်လို့တဲ့။
သော့တွဲမျိုးစုံ ရှိလို့ကတော့ ဘယ်ပန်းဖွင့်ဖွင့်ရတယ်လို့ သူတို့ထင်ကြတယ် လိပ်ပြာ။ သံပွင့်ဖတ်…မျိုး မတွေ့
သေးခင်တော့ ထင်ကြပေါ့။ ထင်…ကြ။
အဲဒီ သံပွင့်ဖတ်တွေကတော့ သော့တွဲလေးတွေနဲ့ ပန်းကို လူပျိုလှည့်ရင်…ပန်းရဲ့ အဖြေက No ပဲ လိပ်ပြာ။
ထပ်မေးလိုက် ဦးမယ်…။
လိပ်ပြာ
မင်း ပန်းကို လူပျိုလှည့်တာတော့ ဟုတ်ပါပြီ
မင်းမှာ ကဗျာ ပါခဲ့ရဲ့လား…။
ပြောရဦးမယ်..။ အိနြေ္ဒမ ရဲ့ အလှရောထည့်ထားတဲ့ ရှက်ပြုံးလုလု မျက်နှာမျိုး မြင်ဖူးလား။ ကဗျာ ဆိုတာ အဲဒီ
မျက်နှာမျိုးထက် ဖမ်းရခက်တယ် လိပ်ပြာ။
လိပ်ပြာ…မင်း အတောင်ပံအခတ်မှာ…လေဟပ်ပြီး ပွင့်ဖတ်ကလေး အသည်းအေး သွားရင် ကဗျာပြိုးပြက်ပြီသာ
မှတ်လိုက်…လိပ်ပြာ။
ပန်းကလေးတွေက သိတယ်။
ကဗျာဆရာမှာ သော့တွဲ မှရှိဘူး…ဆိုတာကို…။
လိပ်ပြာရေ….
ကဗျာ ရပြီလား။ မင်းဟာ ကဗျာမပါဘဲ ပန်းပွင့်ကို လူပျိုလှည့်တုန်းလား..။ ပန်းပွင့်လေးက ကဗျာမပါ No နော်။