လူ့စွမ်းအား (၄)ပါး

1

 ဖတ်မိတဲ့စာအုပ်လေး...

ရန်ကုန်မြို့ ဗဟန်း နန္ဒ၀န်လမ်း မဟာဝိသုဒ္ဓါရုံ ရွှေကျင်တိုက်သစ် တိပိဋကဓရ အဂ္ဂမဟာပဏ္ဍိတ အရှင်သိရိန္ဒာဘိဝံသ (ယော)၏ သာဓုလေးပါး မြတ်တရား စာအုပ်လေးမှ မှတ်သားမိသလောက်ကို ပြန်လည်
ပြောပြရရင်.....

အိမ်ရာတည်ထောင် လူ့ဘောင်မှာနေကြတဲ့ လူများအတွက် သာဓု ၄ပါး မြတ်တရားကို ဘုရားရှင်ဟောကြားထားပါတယ်။ လူ့စွမ်းအား (၄)ပါးလို့ခေါ်ရင်ဖြစ်သလို လူ့တန်ခိုး (၄)မျိုးလို့လဲ ခေါ်နိုင်ပါတယ်။ အဲဒီ ၄ပါးကတော့-

၁။ စီးပွားဥစ္စာ ရှာဖွေစုဆောင်းမှု၌ လိမ္မာ ကျွမ်းကျင်ခြင်းလို့ ဆိုတဲ့ ရှာဖွေစုဆောင်းနိုင်တဲ့ စွမ်းအား တန်ခိုး (ရှာဖွေမှု စွမ်းရည်)

၂။ ရလာတဲ့ ပစ္စည်းဥစ္စာကို ခွဲခြမ်းဝေဖန်သုံးဆောင်မှု၌ လိမ္မာကျွမ်းကျင်ခြင်းလို့ဆိုတဲ့ သုံးစွဲတတ်တဲ့ စွမ်းအားတန်ခိုး။ (အသုံးချမှုစွမ်းရည်)

၃။ အကြောင်းအားလျော်စွာ စီးပွားဥစ္စာ ရာထူး ဂုဏ်သိမ် အရှိန်အ၀ါများ ရရှိကြီးပွား တိုးတက်လာတဲ့အခါ မမောမကြွား မထောင့်မလွှား ခြေဖျားမထောက်ဘဲ မဖြုန်းတီးဘဲ၊ အလွဲသုံးစားမပြုပဲ တည်တည်ငြိမ်ငြိမ် ဣနြေ္ဒရရ ထိန်းသိမ်းထားတတ်တဲ့ စွမ်းအားတန်ခိုး။ (ထိန်းသိမ်းမှုစွမ်းရည်)

၎။ ရရှိထားတဲ့ စီးပွားဥစ္စာ ရာထူးဂုဏ်သိမ်အရှိန်အ၀ါများ အကြောင်းအားလျော်စွာ ကုန်ဆုံးပျက်စီး လျော့ကျသွားတဲ့အခါ စိတ်မညိုးနွမ်း မပင်ပန်းရအောင် ကြည်လင်အေးမြ တည်ငြိမ်စွာ စိတ်ကိုထိန်းထားနိုင်တဲ့ ခံနိုင်ရည် စွမ်းအားတန်ခိုး။ (ခံနိုင်မှုစွမ်းရည်) 
အဲဒီ ၄-ပါးပဲဖြစ်ပါတယ်။

 လူဘ၀မှာ ရှာဖွေစုဆောင်းရမယ်ံ စီးပွားဥစ္စာမှာလည်း ၂မျိုးကွဲပြားစွာ ရှိပါတယ်။

၁။  စားဝတ်နေရေးအတွက် ရှာဖွေစုဆောင်းရတဲ့ ပစ္စည်းဆိုတဲ့ စီးပွားဥစ္စာ။
၂။ ရှာဖွေမှုစွမ်းရည်၊ အသုံးချမှုစွမ်းရည်၊ ထိန်းသိမ်းမှုစွမ်းရည်၊ ခံနိုင်မှုစွမ်းရည်ကို ပေးစွမ်းနိုင် တဲ့ တရားဆိုတဲ့စီးပွားဥစ္စာ။

အဲဒီ ၂မျိုး မှာ ပစ္စည်းစုရေးအတွက် ခန္ဓာက တာဝန်ပေးပြီး တရားစုရေးအတွက် ကိုတော့ သဒ္ဓါတရားက တာဝန်ပေးပါတယ်။

ပစ္စည်းတစ်မျိုးတည်းသာ ရှာနေရုံနဲ့တော့ လူ့စွမ်းအား ဟာ မပြည့်စုံသေးပါဘူး။ ဘာကြောင့်လဲဆိုတော့ လူ့စွမ်းအား တန်ခိုးဆိုတဲ့ ပြည့်စုံခြင်းမှာလည်း ၂မျိုးထပ်ကွဲပြန်တယ်.

၁။ ပစ္စည်းနဲ့ အရှိန်အ၀ါပြီးပြည့်စုံခြင်း
၂။အကျင့်တရား ၏ပြီးပြည့်စုံခြင်း လို့ကွဲပြန်တယ်။ တန်ခိုးဆိုတာ မြေလျှိုးမိုးပျံနိုင်တာကို တန်ခိုးခေါ်တာမဟုတ်ပါဘူး လိုအပ်တဲ့ အကျိုးကိုပြီးပြည့်စုံစေနိုင်တယ်ဆိုမှ တန်ခိုးလို့ ခေါ်တာပါ။

ပစ္စည်းဆိုတာ ခန္ဓာ တာဝန်ပေးလို့ စုရပေမယ့် ဘုံဆိုလဲဖြစ် ရန်သူကလည်းဝိုင်းနေတာမို့ ရှိသလောက်ပူနေရတတ်ပါတယ်။တရားမပါရင် ရှာလိုက်ရလိုက် ကုန်သွားလိုက်နဲ့ မောဟိုက်မဆုံးနိုင်အောင်ပဲ ဖြစ်နေတတ်ပါတယ်။ ကောင်းမှုတရားပါ တွဲစုပေးမှ ကိုယ်ပိုင်အစစ်ရလို့ ဧကန်ချမ်းသာမှာဖြစ်ပါတယ်။ စိတ်စွမ်းအား ကောင်းမှုတရားများ လုံလောက်အောင် စုဆောင်းနေသူဟာ စိတ်စွမ်းအား ပြည်ဝလာလို့ အမောလဲပြေမှာဖြစ်ပါတယ်။ ကိုယ်ပိုင်ရလာလို့ စိတ်လဲ အေးရမှာ ဖြစ်တယ်။

စိတ်အားထက်သန်စွာနဲ့ စုဆောင်းထားတဲ့ ကိုယ်ပိုင်တရားဆိုတာ အရေးကြုံတိုင်း ကိုယ့်ဘက်က ရပ်တည်တယ်။ အာမခံလဲခံတယ်။  ဘ၀ကူးလက်မှတ်လည်းထုတ်ပေးတယ်။ နိဗ္ဗာန်ကူးလက်မှတ်ကိုပါ အပ်လိုက်တယ်။ အရိပ်ပမာ ကိုယ်နဲ့ထပ်ချပ်မကွာ လိုက်နေတယ်။ ဒါကြောင့် အနေရဲလို့ အသေရဲတယ်။ တကယ် အသိမှန်နဲ့ အစု အဆောင်းမြန်သလောက် ကိုယ့်ဖို့ကျန်တာမို့ တကယ်ပျော်ရွှင် အားတက်ချမ်းသာစေတဲ့ ကိုယ်ပိုင်အလုပ် ဥစ္စာထုပ် ဖြစ်ကြောင်း ရေးသားထားပါတယ်။

ကိုယ်ပိုင်စွမ်းအား မြတ်တရား

*စိတ်တက်ကြွစွာ၊ လှုသူမှာ၊ ဥစ္စာပစ္စည်းလုံခြုံသည်။
* စည်းကမ်းသီလ၊ စောင့်ထိန်းက၊ ဘ၀ခန္ဓာလုံခြုံသည်။
* ဘာဝနာပွား၊ ရှုသူများ၊ စိတ်ထားလုံခြုံသည်။



ညခင်း 
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

အနေမှန်ရင် မပေကျံပါ

3

 အနေမှန်ရင် မပေကျံပါ

 လေဒဏ်ကြောင့်
မတုန်လှုပ်တဲ့ကြာ၊
ရွံ့နွံနဲ့ မငြိကပ်တဲ့ကြာလို
လောကဓံလေကြောင့်
မတုန်လှုပ်တဲ့လူ၊
လောကဓံရွှံ့နွံနဲ့
ငြိကပ်ပေကျံခြင်းမရှိတဲ့လူဟာ
ကြာလိုလူပါပဲ။
အကောင်းလောကဓံကြောင့်
လောဘ၊ မာန မဖြစ်ရင်၊ 
အဆိုးလောကဓံကြောင့်
ဒေါသ၊ သောက မဖြစ်ရင်
လောကဓံရွံ့နွံ
မငြိကပ် မပေကျံတာနဲ့ အတူတူပါပဲ။ (အရှင်ဆန္ဒာဓိက)

ညခင်း
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

ဆံပင်တစ်ပင်ဖြူလို့တဲ့

6

ဆံပင်တစ်ပင်ဖြူ၍ လူဝတ်ကြောင်ကို စွန့်သော မဃဒေ၀ဇာတ်တော်

ဝိဒေဟတိုင်း မိထိလာပြည်မှာ မင်းဖြစ်လာတဲ့ မဃဒေ၀သည့် တရားစောင့်တဲ့မင်းဖြစ်ပါတယ်။ တရားသဖြင့်မင်းပြုသူပေါ့။ အဲဒီအချိန်တုန်းက လူတို့ရဲ့သက်တမ်းက အလွန်ရှည်ပါတယ်။ မဃဒေ၀ဟာ မင်းသားအဖြစ် နှစ်ပေါင်း ရှစ်သောင်းလေးထောင် ၊အိမ်ရှေ့မင်းအဖြစ်လည်း ရှစ်သောင်းလေးထောင် ပျော်ပျော်ရွှင်ရွင်နေထိုင်ခဲ့ပါတယ်။  မင်းဖြစ်ပြီးနောက်ပိုင်းမှာလည်း နှစ်ပေါင်းရှစ်သောင်လေးထောင် ကြာအောင် မင်းစည်းစိမ်ကိုလည်း ခံစားနေတုန်းပဲရှိပါသေးသတဲ့။

အဲသည်လိုနေတုန်းမှာ သတိရလို့ ဆတ္တာသည်ကို ခေါ်လိုက်ပါတယ်။ ပြီးတဲ့နောက် ဆတ္တာသည်ကို ခေါ်ပြီး ငါ့ဦးခေါင်းမှာ ဆံပင်တစ်ပင်ဖြူတာကို တွေ့တာနဲ့ ငါ့ကို ချက်ချင်းပြောပြပါလို့ အမိန့်ပေးတဲ့ စကားပြောပါတယ်။

အဲသည်လိုနဲ့ တစ်နေ့မှာ ဆတ္တာသည်ဟာ မင်းရဲ့ဆံပင်ကို ပြုပြင်ရာမှာ ဆံပင်ဖြူ တစ်ချောင်းကိုတွေ့ပါတယ်။ မင်းက အမိန့်ပေးထားတဲ့ အတိုင်း အရှင်မင်းကြီး ဆံပင်ဖြူတစ်ပင်ကို တွေ့ရပါတယ် လို့ လျောက်ထားလိုက်ပါတယ်။ မင်းကြီးက အချင်း ထို ဆံပင်ဖြူကို နုတ်ပြီး ငါ့လက်ထဲ ထည့်လိုက်စမ်းပါ လို့ ပြောတဲ့အခါ  ဆတ္တာသည်က နုတ်ယူပြီး မင်းကြီး ရဲ့လက်ဝါးပြင်ပေါ်ကို တင်လိုက်ပါတယ်။ အဲဒီ အချိန်မှာ မာဃဒေ၀ မင်းအနေနဲ့ သက်တမ်းပြည့်ဖို့က ရှစ်သောင်းလေးထောင် ကျန်ပါသေးတယ်။ ဒါပေမဲ့ လက်ဖ၀ါးပေါ်ကျလာတဲ့ ဆံပင်ဖြူကို မြင်လိုက်တာနဲ့ မင်းကြီးမှာ ထိတ်လန့်ခြင်း ပြင်းထန်စွာ ဖြစ်ပါသတဲ့။ သေမင်းဟာ သူ့အနီးမှာလာပြီး ရပ်နေသလို ထင်မြင်မိပါသတဲ့။ မီးလောင်နေတဲ့ သက်ငယ်တဲထဲမှာ လှောင်ပိတ်မိနေသလို ခံစားရပါသတဲ့။ မိမိကိုယ်ကိုလည်း အပြစ်တင်ကာ ဆုံးမပါသတဲ့။ အချင်း မာဃဒေ၀ အသင်ဟာ မိုက်မဲ့ပေစွ။ ဆံဖြူတဲ့တိုင်အောင် လူ့ဘ၀ရဲ့ အပျော်အပါးတွေကို မစွန့်နိုင်သေးပါတကားလို့ ဆုံးမစကားတွေကို စိတ်ထဲက ပြောရင်း မင်းရဲ့ကိုယ်က ပူလောင်လာပါသတဲ့။ ချွေးတွေ ကျလာပါသတဲ့။ ကိုယ်မှာဝတ်ထားတဲ့ လူဝတ်ကြောင်တို့ရဲ့ အ၀တ်ကို ချွတ်ပစ်ရတော့မလို ခံစားလာရပါသတဲ့။

ငါဟာ လူဝတ်ကြောင်ကိုစွန့်ပြီး ရသေ့ရဟန်းများလို ဖန်ရည်စွန်းသော သင်္ကန်းကိုဝတ်ကာ နေသင့်ပြီလို့တွေးတောကာ ဆတ္တာသည်ကို ရွာကြီးတစ်ရွာပေးခဲ့ပါသတဲ့။ သားကြီးကို ထီးနန်းစည်းစိမ် လွဲပြောင်းပေးအပ်ခဲပါတယ်။ သရက်ဥယျာဉ်ကိုထွက်ပြီး ရသေ့တစ်ပါးအဖြစ် တရားအားထုတ်တော့မဲ့ဆဲ ဆဲ မှူးကြီး မတ်ရာတို့က ဘယ်လိုအကြောင်းကြောင့်တော့မှီရဟန်းအဖြစ် တရားအားထုတ်ရပါသလဲလို့ မေးမြန်းကြတဲ့အခါ လက်ဝါးပေါ်က ဆံပင်ဖြူတစ်ချောင်းကို ပြတော်မူပါသတဲ့။  ပြီးတော့ ငါ့ဟာ သက်တမ်းလေးပုံသုံးပုံတောင်မှ လူ့ဘုံမှာ ပျော်ခဲ့တယ်။ ငါ့မှာ ဆံဖြူပေါက်လာတာကတော့ နတ်တို့က ငါ့ကို လူဘုံကိုစွန့်ခွာလော့။ ရသေ့တို့ဝတ်တဲ့ ဆံကျစ်နဲ့ ရသေ့တို့ရဲ့ သင်္ကန်းကိုဝတ်ပြီး တ၇ားရှာဖို့ အချိန်တန်ပြီလို့ သတိပေးလမ်းညွန်တာပဲဖြစ်တယ် လို့ဆိုပါတယ်။ ခုခေတ်မှာ ဆံပင်ဖြူကို သေမင်းအလှံဆိုက်တယ်လို့ ပြောကြတယ်နော်။ မဃဒေ၀မင်းက တော့ နတ်တို့လွတ်တဲ့ တမန်ဖြစ်တယ်လို့ ဆိုပါတယ်။ 

အဲဒီလိုမိန့်ဆိုကာ တောထွက်သွားတဲ့ မဃဒေ၀မင်းကြီး ဟာ ဖန်ရည်စွန်းတဲ့ အ၀တ်ကို ၀တ်ပြီး မေတ္တာ၊ ကရုဏာ၊ မုဒိတာ၊ ဥပက္ခာဆိုတဲ့ ဗြဟ္မဆိုတရားလေးပါးနဲ့အညီ  နှစ်ပေါင်းရှစ်သောင်းလေးထောင် ဆက်ပြီးနေသွားပါတယ်။ သက်တမ်းကုန်တဲ့အခါ ဗြဟ္မာပြည်သို့ ရောက်သွားပါသတဲ့။

ကျမတို့တွေကတော့....လက်တကမ်းမှာ ရှိနေတဲ့ သေခြင်းအကြောင်းတရားကို မြင်ဖို့ မျက်စိမပါသလို ဆံပင်ဖြူလေးတစ်ချောင်း နဲ့ သံဝေဂတရားရသွားတဲ့ မာဃဒေ၀ မင်းကြီးနဲ့တော့ တော်တော်လေးကို ကွာခြားနေသေးတာ ဒီဇာတ်တော်ဖတ်ပြီး သိရပါတယ်။ ဆံပင်ဖြူလေး တစ်ချောင်း ထိုးထိုးထောင်ထောင်စ လာပြီဆိုရင်...ဆံပွင့်တာလေ...ငယ်သေးတယ်...ဖြူတာဟုတ်ဘူး။ ဆံပင်ခွဲကြောင်းကနေ ဟော ၂ချောင်း၊ ၃ချောင်းက တစ်ခေါင်းလုံးဖြူသည်အထိ အနီလေးနဲ့ဖြေ၊ အနက်လေးနဲ့ဖြေ ကာလာတွေတင်ပါလို့။ လှည့်ပတ်ပြီး စိတ်ဖြေကြတယ်နော်။ သူငယ်ချင်းက ဟဲ့ ဆံပင်ဖြူတော့...နှုတ်မယ်လက်ပြင် တော့ မနှုတ်နဲ့ သွေးပြန့်သွားရင် ပိုဖြူတယ်တဲ့။   မာဃဒေ၀မင်းကြီးကတော့ ဆံပင်ဖြူကိုတွေ့တော့ သေမင်းဟာ သူ့အနီးမှာလာပြီး ရပ်နေသလို ထင်မြင်မိ ပါသတဲ့။ ကျမတို့တွေ ဘယ်လောက်များ ထူပိန်းတဲ့ စိတ်ဖြစ်နေသလဲဆိုတာ သိသာလှပါတယ်။သတင်းစာထဲမှာရော အပြင်မှာပါ ခင်မင်သူတွေ ချစ်ခင်သူတွေ ကိုယ်နဲ့ခွဲသွားတာကို  အသိတရား သံဝေဂတရားယူသင့်နေပါပြီ။ အချိန်မလင့်ခင် ဒါန၊ သီလ၊ ဘာဝနာ နိဗ္ဗာန်ရောက်ကြောင်းတရားတွေ   ကျိုးစားအားထုတ်ဖို့ လိုပြီဆိုတာကို ဒီဇာတ်တော်လေးက သတိပေးနေပါပြီ။

ညခင်း

နှုတ်ခွန်းဆက်ရန်....

လူအခြေခံကျင့်ဝတ်တရားတို့၊ ပျက်ပြားနေကြကမ္ဘာမြေ။ ဟိုတိုင်းဒီပြည် ရန်စစ်ခင်းလို့၊ လူနဲ့လူချင်း သတ်ခါနေ၊ ငြိမ်းချမ်းပါစေ အာသီသနဲ့၊ စွမ်းနိုင်ရာက ကူညီသလေ။ ကျင့်ဝတ်တရား၊ သီလငါး၊မှတ်သားကျင့်သုံးစေ၊ အဖိုးတန်တဲ့ ၊ဗုဒ္ဓ၀ါဒ ကမ္ဘာကသိပါစေ။
ကံအကျိုးပေးကွဲပုံ - သူ့ကိုသတ်ဖြတ်၊ သက်တိုလတ်၊ မသတ်အသက်ရှည်။ -ညှင်းဆဲသူက အနာများ၊ သနားကျန်းမာသည်၊ -ဒေါသမီးလျှံ၊ အကျည်းတန်၊ သည်းခံလှပသည်။ - မနာလိုမှာ ၊ ခြွေရံကွာ၊ ကြည်သာခြွေရံစည်။ - မပေးလှူက ၊မွဲပြာကျ၊ လှူမှ ပေါကြွယ်သည်။ - မရိုမသေ၊ မျိုးယုတ်ချေ၊ ရိုသေ မျိုးမြတ်သည်။ - မမေးမမြန်း၊ ဥာဏ်မြင်ကန်း၊ စုံစမ်း ဥာဏ်ကြီးသည်။ - ဆိုးတာပြုက၊ ဆိုးတာရ ၊ ကောင်းမှ ကောင်းစားသည်။ - ဆိုးကောင်းနှစ်တန်၊ ကံစီမံ၊ ခံစံကြရသည်။

Followers