မျက်လုံးချင်းဆုံ

2



တစ်ခါတုန်းက မဒ္ဒ၀မင်းကြီးရဲ့ မိဖုရားနဲ့ ပုရောဟိတ်ကြီးရဲ့ သားငယ်တို့ နန်းတော်ထဲမှာ မျက်လုံးချင်းဆုံမိကြပါတယ်။ ထိုအခိုက်အတန့်အတွင်းမှာပဲ နှစ်ယောက်လုံး သံယောဇဉ်ဖြစ်သွားကြပါသတဲ့။

ပုရောဟိတ်သားဟာ အိမ်ပြန်ရောက်တော့ ထမင်းမစားပဲ အိပ်ရာထဲပဲ နေနေတော့တယ်။ ကြာလာရင် ဒီစိတ်နဲ့သေမှာဖြစ်တဲ့အတွက် ဖခင် ပုရောဟိတ်ကြီးက ဘုရင်ကြီးကို အရဲစွန့်ပြီးလျောက်ပါတယ်။

ဘုရင်ကြီးက (၇)ရက်ယူစေ၊ (၇)ရက်ပြည့်ရင် ပြန်ပေး ပါဆိုပြီး မိဖုရားကို ပေးလိုက်ပါတယ်။ ဒါပေမဲ့ (၇)ရက်စေ့တော့ ပုရောဟိတ်သားနဲ့ မိဖုရားငယ်တို့ ထွက်ပြေးသွားကြလေတယ်။

ဒီတော့ ဖခင် ပုရောဟိတ်ကြီးက အရဲစွန့်ပြီး ဘုရင်ကြီးကို လျောက်ရပြန်တာပေါ့။ အဲဒီအခါမှာတော့ ဘုရင်ကြီးခမျာ မစားနိုင်မအိပ်နိုင်ဖြစ်ပြီး သွေးအန် ၊သွေးဝမ်းသွားခြင်းတွေဖြစ်လာတယ်။

ဒီအချိန်မှာ ဘု၇ားအလောင်းက သေနကအမတ်၊ ရှင်သာရိပုတ္တရာလောင်းက ပက္ကုသအမတ်၊ ရှင်မောဂ္ဂလ္လာန်လောင်းက အာယုရ အမတ် ဖြစ်နေပါတယ်။

အမတ်သုံးယောက်ဟာ သူတို့ဘုရင်ကြီးရဲ့ အချစ်ရောဂါကို ကုစားဖို့အတွက် နန်းရင်ပြင်မှာ သံလျက်မျိုတဲ့ မျက်လှည့်ပွဲတစ်ခုကို စီစဉ်လိုက်ပါတယ်။ ဘုရင်ကြီးက သံလျက်မျိုတာကို ကြည့်ပြီး အံ့သြနေပါတယ်။

ဒါနဲ့ဘုရင်က အာယုရအမတ်ကို မေးပါတယ်။ လောကမှာ သံလျက်မျိုတာထက် ခက်တာရှိလား။

ရှိတယ်ဘုရား၊ မိမိမြတ်နိုးချစ်ခင်တဲ့ အရာကို ပေးမယ် လို့ကြံစည်တာဟာ သံလျက်မျိုတာထက် ခက်ပါတယ်ဘုရား။

ဒီတော့ဘုရင်ကြီးက ဘယ်လိုတွေးလည်းဆိုရင် အင်းးး..ငါက ငါမြတ်နိုးတဲ့ မိဖုရားကို ပေးမယ်လို့ကြံခဲ့တာပဲ။ ခက်ခဲတဲ့အရာကို လုပ်ခဲ့ပါလား လို့ တွေးမိပြိး စိတ်နည်းနည်း သက်သာသွားပါတယ်။

နောက် ပက္ကုသ အမတ်ဘက်ကိုလှည့်ပြီး မေးပြန်တယ်။....ပက္ကုသ..ဒီထက် ခက်ခဲတာ ရှိသေးလား။

ရှိပါတယ်ဘုရား၊ ကြံစည်ရုံမကပဲ ပေးမယ်လို့ နှုတ်က ပြောလိုက်တာပါဘုရား။ ဒီတော့ ဘုရင်ကြီးက အင်းးး...ငါက မိဖုရားကို ပေးမယ်လို့ ပြောခဲ့ပါလား၊ ခက်ခဲတဲ့အလုပ်ကိုလုပ်ခဲ့ပါလား လို့တွေးပြီး စိတ်သောက နည်းနည်းလျော့သွားပြန်ပါတယ်။

နောက် ပက္ကုသအမတ်ဘက်လှည့်ပြိး ထပ်မေးလိုက်ပြန်တယ်။ ပက္ကုသ...ဒီထက်ခက်ခဲတာ ရှိသေးလား။

ရှိပါသေးတယ်၊ ပေးမယ်လို့ပြောပြီး အမှန်တကယ်ကို ပေးဖြစ်လိုက်နိုင်တာက ပိုခက်ခဲပါတယ်ဘုရား။ ဘုရင်ကြီးကလည်း....အင်းးး...ငါ မိဖုရားကို ပေးမယ်လို့ ပြောပြီး အမှန်တကယ်ကို ပေးလိုက်နိုင်ပါ့လား ဆိုပြီး သောကတွေ လျော့သွားပြန်ပါတယ်။

ဘုရင်ကြီးက သေနက အမတ်ဘက်ကိုလှည့် ပြီး ဒီထက်ခက်ခဲတာ ရှိသေးလား လို့မေးပြန်ပါတယ်။

သေနက အမတ်ကလည်း အရှင်မင်းကြီး ...လူတွေဟာ ပေးမိတာကို ပြန်တွေးပြီး နောင်တဖြစ်တတ်ပါတယ်။ အဲဒီ နောင်တကို မဖြစ်အောင် မိမိစိတ်ကို ထိန်းချုပ် စောင့်စည်းနိုင် တာက ပိုခက်ခဲပါတယ်ဘုရားလို့ လျောက်လေတယ်။

သေနက အမတ်ရဲ့စကားကို ကြားလိုက်ရတဲ့ အခါမှာတော့ ဘုရင်ကြီးက သတိဥာဏ်တွေ ပြန်ဝင်သွားပါတော့တယ်။

ဒီ ဇာတ်ဝတ္တုလေးကို ကြည့်ချင်းအားဖြင့် လူဟာ ပြဿနာ တစ်ခုခုနဲ့ ကြုံတွေ့လာရင် ကိုယ့်ပါကိုယ်ဖြေရှင်းနိုင်စွမ်း မရှိလောက်အောင် တွေဝေမိန်းမောတတ်ပါတယ်။ သိခဲ့တဲ့ တရားတွေကိုလည်း အာရုံမပြုနိုင်တော့ပါဘူး။ ဒီတော့ အမှားအယွင်းတွေ ပြုမိသွားတတ်ပါတယ်။ ပါရမီရှင် တွေတောင် တွေဝေမိန်းမော အမှားအယွင်းတွေ ပြုမိသွားတာ ရှိခဲ့ဖူးပါတယ်။ အဲဒီ အခါမျိုးမှာ ကိုယ့်ပြဿနာကို ဖြေရှင်းပေးနိုင်မယ့် ပညာရှိ မိတ်ကောင်းဆွေကောင်းတွေ အများကြီးလိုအပ်ပါတယ်။

ဒါအပြင် ပုထုဇဉ်လူသားတွေ အချင်းချင်း ချစ်တာ သိပ်မဆန်းပါဘူး။ လောက သဘာဝ တစ်ခုပါ။ ဒါပေမဲ့ အချစ်မှာ အပြစ်သင့်တဲ့ အချစ်နဲ့ အပြစ်မသင့်တဲ့ အချစ် ဆိုတာ ရှိတဲ့အတွက် အပြစ်သင့်တဲ့ အချစ်မဖြစ်ဖို့အရေးကြီးပါတယ်။

ကာမရောဂါ ကိုယ်တွင်းနာကား၊ ကုရာနတ္ထိ ဆေးမရှိ တည့်၊ မိမိပညာ ၊သတိသာလျှင် ၊ မဟာသြဓ၊ ဆေးမည်စွာရှင့် လို့ မာဃဒေ၀မှာ စပ်ဆိုထားပါတယ်။ ကုရာ နတ္ထိဆေး မရှိပါဘူးတဲ့။ မိမိပညာသတိ သာလျှင် အကောင်းဆုံးဆေးဖြစ်ပါတယ်။ ထို့ကြောင့် ပညာသတိ အမြဲရှိကြစေရန်...ထိုက်သင့်တဲ့စာပေ၊ ထိုက်သင့်တဲ့ တရားများနာရပါ့မယ်။ ဖတ်ထားနာ ထားတဲ့ တရားတွေထဲက မိမိရဲ့ ပညာသတိ ကို ပြန်နှိုက်ယူကြပါစို့လို့ တိုက်တွန်းလိုက်ရပါတယ်။
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။


ခန္တီတရား၊ သည်းခံငြား

1



ခန္တီတရား၊ သည်းခံငြား၊ စိတ်ထားဘယ်သို့ ဖြည့်သနည်း။


ငါးရာ့ငါးဆယ် သရဘင်္ဂရဇတ်မှာ မင်းသုံးပါးနဲ့ သိကြားမင်းတို့ ဘုရားအလောင်းသရဘင်္ဂ ရသေ့ဆီ ရောက်လာပြီး သိကြားမင်းက မေးခွန်းပြဿနာမေးပါတယ်။

ရှင်ရသေ့...လောကမှာ ဘယ်တရားကို ပယ်သတ်ရင် တစ်ရံတစ်ခါမျှ မစိုးရိမ်ရသလဲ။

ဘယ်တရားကို ပယ်ရှားရင် သူတော်ကောင်းတွေ ချီးမွမ်းသလဲ။

လောကမှာ ဘယ်သူပြောဆိုတဲ့ ၊ ကြမ်းကြုတ်တဲ့ စကားကို သည်းခံရပါ့မလဲ။

ဒီတော့ သရဘင်္ဂဂရသေ့က-

လောကမှာ ဒေါသကို ပယ်သတ်လိုက်ရင် တစ်ရံတစ်ခါမျှ မစိုးရိမ်ရတော့ဘူး။

ကျေးဇူးကန်းမှုကို မပြုရင် သူတော်ကောင်းတွေ ချီးမွမ်းပါတယ်။

ကိုယ်ထက်သာတဲ့သူ၊ ကိုယ်နဲ့တန်းတူသူ၊ ကိုယ်အောက်နိမ့်တဲ့သူတို့ရဲ့ ကြမ်းကြုတ်တဲ့စကားကို သည်းခံရမယ်။ အဲဒိလို သည်းခံခြင်းကို အမြတ်ဆုံးလို့ သူတော်ကောင်းတွေပြောဆိုကြတယ်။

ဘုရားအလောင်းရဲ့ အဖြေစကားကြားတော့ သိကြားမင်းက မေးခွန်းထပ်မေးပြန်ပါတယ်။

ရှင်ရသေ့ရယ်၊ လောကမှာ ကိုယ်နဲ့တန်းတူ၊ ကိုယ်ထက်မြတ်တဲ့သူနှစ်ယောက်ရဲ့ ကြမ်းကြုတ်တဲ့စကားကို သည်းခံရတာတော့ ညည်းခံနိုင်ပါတယ်။ ဒါပေမယ့် ကိုယ်အောက်နိမ့်သူရဲ့ ကြမ်းကြုတ်တဲ့စကားကိုတော့ ဘယ်လိုလုပ်သည်းခံနိုင်မှာလဲ။

ဘုရားအလောင်းတော်ကလည်း ပြန်ဖြေပေးပါတယ်။

ကိုယ်ထက်မြတ်တဲ့သူရဲ့ ကြမ်းကြုတ်တဲ့စကားကို သည်းခံတာက ကြောက်လို့သည်းခံတာပဲ၊ ကိုယ်နဲ့ တန်းတူသူရဲ့စကားကို သည်းခံတာကျတော့ တကယ်လို့ သည်းမခံလိုက်ရင် ငါ့ထက်သာအောင် ကြံစည်အားထုတ်ပြုလုပ်သွားမယ့် အပြစ်ကိုမြင်လို့ သည်းခံတာ။ ဒီသည်းခံခြင်း နှစ်မျိုးက မြတ်တဲ့ သည်းခံခြင်းတော့မဟုတ်ဘူး၊ ကိုယ့်အောက်နိမ့်တဲ့သူရဲ့ စကားကို သည်းခံနိုင်မှ အမြတ်ဆုံးသည်းခံခြင်းလို့ သူတော်ကောင်းတွေ ပြောကြတယ် လို့ ပြန်ဖြေပေးလိုက်ပါတယ်။

ဒေါသကို ပြေပျောက်စေနိုင်သော သည်းခံခြင်းတရား ကိုလက်ကိုင်ထားနိုင်ရန် မှာ အမှန်ပင်မလွယ်ကူပါ။ သို့သော် သည်းခံခြင်းကို ချက်ခြင်းမဖြည့်ကျင့် နိုင်သေးရင်တောင် ဖြစ်ပေါ်လာတဲ့ ဒေါသကို ထိန်းနိုင်ရပါမယ်။ ဒေါသဖြစ်လာတဲ့အခါ ဒေါသရဲ့ ဆိုးကျိုးလေးကို ဆင်ခြင်နေလိုက်မယ်ဆိုရင်လည်း ဒေါသက လျော့သွားပါလိမ့်မယ်။အာရုံဆိုးတစ်ခုခုကို တစ်ယောက်ယောက်က ဖန်တီးလာတဲ့အခါ ငါ ခန္တီပါရမီဖြည့်ဖို့အတွက် ဖန်တီးပေးနေတာ ဘာပဲပြောပြော ငါ့ကို ပါရမီဖြည့်ပေးနေသူပဲလို့ ဆင်ခြင်နှလုံးသွင်းလိုက်ရင်လည်း သည်းခံဖို့အတွက် တရားအသိ အားတွေ ၀င်လာပါလိမ့်မယ်။

ဝိပဿနာသဘောနဲ့ ကြည့်လိုက်ရင်လည်း လောကမှာ ဘာမှမမြဲပါဘူး၊ သူလည်းမမြဲပါဘူး ကိုယ်လည်း မမြဲပါဘူး၊ မမြဲတာကို မမြဲဘူးလို့ ၀ိပဿနာသဘောနဲ့ သိလိုက်ပါ။


မင်းကွန်းဆရာတော်ဘုရားကြီးရဲ့ ဒေါသအပြစ် လင်္ကာလေးရှိပါတယ်။

ရုပ်ရည်ဆင်းပျက်၊ အိပ်စက်မပျော်၊
ကျိုးသော်မရ၊ ဘောဂခြွေရွေ၊
မိတ်ဆွေပျက်ပြား၊ အပါယ်လား၊
ခုနှစ်ပါးကောဓ အပြစ်တည်း။

လူမိုက်အမှု၊ ငါပြန်ပြုလျှင်၊သူလိုငါလဲ၊ လူမိုက်ပဲဟု၊ စိတ်ထဲတွေးဆ၊ အေးမြမြနှင့် ဒေါသမထွက်စိတ်မပျက် သက်သက်အနာခံသတည်း။

ဒေါသများပြေပျောက်စေရန် ဆရာတော်ဘုရား၏ ဒေါသအပြစ် လင်္ကာလေးကို အလွတ်ရအောင်ကျက်မှတ်၍ လိုက်နာကြည့်ရအောင်နော်။


ညခင်း
ရွှင်လန်းချမ်းမြေ့ကြပါစေ။

မေတ္တာဝါဒ

1

်forward mail မှ ကူးယူဖော်ပြပါသည်။

ဆရာကြီးဦးဌေးလှိုင်က သူ့ ရဲ့ မေတ္တာဝါဒစာအုပ်မှာ ကိုယ်တွေ့ ဝတ္ထုလေး ထည့်ရေးပြထားပါတယ်။ အဲဒီဝတ္ထုလေးအကျဉ်းချုပ် ပြောပြရအောင်ပါ။

တစ်ခါတုန်းက မဟာစည်ဆရာတော်ဘုရားကြီးဆီကို ဒကာမကြီးတစ်ယောက် တရားလာအားထုတ်ပါတယ်။ ဒါပေမယ့် သူကတရားမှတ်လို့ မရဘဲ ဖြစ်နေပါတယ်။ ဒါကြောင့် ဆရာတော်ကြီးက မေတ္တာပွားနည်းကို အရင်သင်ပေးပါတယ်။

တရားစစ်တဲ့အခါကျတော့...ဒကာမကြီး
က “တပည့်တောာ် ကျန်တဲ့သူတွေကို မေတ္တာပို့ လို့ ရပေမယ့် စီးပွားပြိုင်ဘက် ရန်သူအိမ်နီးချင် ဒကာမကိုတော့ ပို့ လို့ မရ ဖြစ်နေတယ်ဘုရား” လို့  လျှောက်ပြပါတယ်။ ဒီတော့ ဆရာတော်ကြီးက “ရန်သူကို နောက်ဆုံးမှထားပို့ ပါ။ ပို့ လည်းပို့ ကြည့်ပါဦး။ သံသရာမှာ ဆွေမျိုးမတော်ခဲ့သူ မရှိဘူး။ သူ့ ကျေးဇူးလေးတွေကို ရှုပြီး ပို့ ပါ။” လို့  အကြံပေးလိုက်ပါတယ်။

နောက်သုံးလေးရက်ကြာလာတော့ ဒကာမကြီးက ဆရာတော်ဘုရားကြီးဆီ ပြန်ရောက်လာပြီး “ဆရာတော်ဘုရား တပည့်တော် မေတ္တာပို့ လို့  ရသွားပါပြီဘုရား။ မေတ္တာပို့ နေရင်း တပည့်တော်ရဲ့  အာရုံထဲမှာ ပို့ ရင်းပို့ ရင်းနဲ့  သူ့ မျက်နှာက ပြုံးလာပါတယ်ဘုရား။ ပြုံးပြီး တပည့်တော်ကို တောင်းပန်ပါတယ်။ ဒီလောက်နဲ့ တပည့်တော် မအံ့သြသေးပါဘူး။ အပြင်မှာလည်း တပည့်တော်ကို တရားအာရုံထဲမှာမြင်ရတဲ့ အင်္ကျီလုံချည်နဲ့  လာတောင်းပန်ပါတယ်ဘုရား” လို့  သူကလျှောက်ပြပါတယ်။

ဆရာကြီးဦးဌေးလှိုင်က သူ့ ကိုယ်တွေ့ ကလေးကို ထုတ်ပြထားတာပါ။

ပုထုဇဉ်တွေဆိုတော့ သူ့ အတိုင်းအတာနဲ့ သူတော့ ရန်သူ မလိုလားသူ သဘောထားမတိုက်ဆိုင်သူတွေကတော့ ရှိနေကြမှာပါပဲ။ ဒီတော့ ဒေါသကလည်း ၀င်လာတော့မှာပါ။ ဘယ်လိုနည်းနဲ့ ပဲ ၀င်လာ ၀င်လာ၊ မေတ္တာပွားချင်သူ တစ်ယောက်အနေနဲ့  ၀င်လာတဲ့ဒေါသကို ပယ်ပစ်ရပါ့မယ်။ ဒေါသဟာ မေတ္တာရဲ့ ရန်သူပါ။ ဒီတော့ ဘယ်လို ပယ်မလဲ...?

ဝိသုဒ္ဓိမဂ်က ဒေါသ၀င်လာရင် ဖြေဖျောက်နည်း (၁၁)နည်းကို ဆက်ပြထားပါတယ်။ အဲဒီ (၁၁)နည်းကိုလည်း ဒီမှာ ခပ်ကျဉ်းကျဉ်းပြောပြရအောင်ပါ။

၁။ မေတ္တာပွား၍ ဖျောက်ခြင်း၊
၂။ မြတ်စွာဘုရား၏ အဆုံးအမသြ၀ါဒကို ဆင်ခြင်၍ ဖျောက်ခြင်း၊
၃။ ရန်သူ၏ ကောင်းကွက်ကို ရှာ၍ ဖျောက်ခြင်း၊
၎။ သနား၍ ဖျောက်ခြင်း၊
၅။ မိမိကိုယ်ကို ဆုံးမ၍ ဖျောက်ခြင်း၊
၆။ ကမ္မဿကတာဉာဏ်ဖြင့် ဖျောက်ခြင်း၊
၇။ သည်းခံပုံ ဇာတ်တော်လာ နည်းများဖြင့် ဖျောက်ခြင်း၊
၈။ သံသရာတစ်လျှောက်၌ ဆွေမျိုးမတော်ခဲ့သူ မရှိဟု ဆင်ခြင်၍ ဖျောက်ခြင်း၊
၉။ မေတ္တာအကျိုးကို ဆင်ခြင်၍ ဖျောက်ခြင်း၊
၁၀။ ဓာတ်ခွဲ၍ ဖျောက်ခြင်း၊
၁၁။ ဥစ္စာပေးယူ၍ ဖျောက်ခြင်း၊

အားလုံးပေါင်း (၁၁) နည်းပါ။

နံပါတ် (၁) က မေတ္တာပွားပြီး ဖျောက်ရပါမယ်။ ရှေ့ မှာ ပြောခဲ့တဲ့အတိုင်း မိမိ, ချစ်သူ, အလယ်အလတ်ပုဂ္ဂိုလ်, ရန်သူကို အစဉ်အတိုင်းပွားရပါ့မယ်။ အဲဒီလိုပွားပြီး ဖျောက်ပါတဲ့။

မေတ္တာပွားလို့ မှ မပျောက်ရင် နံပါတ် (၂) က မြတ်စွာဘုရားရဲ့  သြ၀ါဒကို ဆင်ခြင်ပြီး ဖျောက်ရပါ့မယ်။ ဆင်ခြင်ပုံကတော့...
“အို...ယောဂီ အမျက်ထွက်တာ မကောင်းမှန်း သိပါလျက် အမျက်ထွက်လာသူကို ကိုယ်က ပြန်ထွက်ရင် ပထမအမျက်ထွက်တဲ့သူထက် ပိုမိုက်တယ်လို့  မြတ်စွာဘုရား ဟောထားတယ် မဟုတ်လား။

ပြီးတော့ သူတစ်ပါး အမျက်ထွက်တာကို သိပြီး ကိုယ်ကမထွက်ဘဲ နေလိုက်တာဟာ မိမိသူတစ်ပါး နှစ်ဦးသားရဲ့ အကျိုးကို ကျင့်လိုက်တာ ဖြစ်တယ်လို့ လည်း မြတ်စွာဘုရား ဟောထားတယ် မဟုတ်လား။

အစွန်းနှစ်ဘက်ကလည်း မီးလောင်၊ အလယ်မှာလည်း မစင်ပေနေ၊ သူသေကောင်ဖုတ်တဲ့နေရာမှာလည်း အသုံးပြုထားတဲ့ ထင်းကုလားတုံးဟာ မြို့ ရွာမှာ ဘာမှ အသုံးမ၀င်သလို ဒေါသထွက်တဲ့သူဟာလည်း အဲဒီထင်းတုံးအတိုင်းပါပဲလို့  မြတ်စွာဘုရား ဟောထားပြန်တယ် မဟုတ်လား” စသည်ဖြင့် အဲဒီလိုဆင်ခြင်ပြီး ဖျောက်ပါတဲ့။ ဒါမှမဟုတ် တခြားကိုယ်ကြားဖူးတဲ့ သြ၀ါဒနဲ့ လည်း ဆင်ခြင်ပြီး ဖျောက်လို့ ရပါတယ်။

အဲဒီလိုဆင်ခြင်လို့ မှ မပျောက်ရင် နံပါတ်(၃) က ရန်သူရဲ့ ကောင်းကွက်ကလေးကို ရှာပြီး ဖျောက်ပါတဲ့။ “သြော် သူက အပြောသာကြမ်းတာ၊ အတွင်းစိတ်ကတော့ ကောင်းသားပဲ၊ ဘယ်တုန်းကတော့ ငါ့ကို ဘယ်လိုကူညီခဲ့ဖူးတာပဲ” စသည်ဖြင့် ကောင်းကွက် ဒါမှမဟုတ် ပြုခဲ့ဖူးတဲ့ ကျေးဇူးလေးတွေကို ဆင်ခြင်ပြီး ဖျောက်ရပါတယ်။

နံပါတ်(၄)က သနားပြီးဖျောက်ပါတဲ့။ “သြော် သူငါ့အပေါ် မကောင်းတဲ့စိတ်တွေ ထားနေပါလား၊ အဲဒီ မကောင်းတဲ့စိတ်က သူ့ ကိုမကောင်းကျိုးပေးတော့မှာပဲ၊ အို...သနားစရာပဲ” အဲဒီလိုသနားပြီး ဖျောက်ပါ။ ကရုဏာထားပြီး ဖျောက်ပါတဲ့။

အဲဒီလိုဆင်ခြင်လို့ မှ မပျောက်ရင် နံပါတ်(၅) က ကိုယ့်ကိုယ်ကို ဆုံးမပြီးဖျောက်ပါတဲ့။

ဝိသုဒ္ဓိမဂ်ကတော့ ဆုံးမပုံနဲ့ ပတ်သက်ပြီး ဂါထာ(၁၀)ဂါထာပြထားပါတယ်။ ဒီမှာတော့ အဲဒီ (၁၀)ဂါထာလုံးကို မပြောတော့ပါဘူး။ ကိုယ့်ကိုယ်ကို ဆုံးမတတ်သလို ဆုံးမပြီး ဖျောက်လို့ ရပါတယ်။ “အို...ယောဂီ၊ ရန်သူကို အမျက်ပြန်ထွက်ရင် သူ့ အကြိုက်ဖြစ်မှာပေါ့။ ကိုယ့်အမျက်ထွက်လိုက်လို့  သူ့ ရဲ့ ဆင်းရဲမှုကို ပြုနိုင်တာလည်းရှိမယ်၊ မပြုနိုင်တာလည်း ရှိမယ်။ ဒါပေမယ့် လောလောဆယ် ကိုယ်ကတော့ ဒေါသရဲ့ နှိပ်စက်မှုကို ခံနေရပြီ မဟုတ်လား” စသည်ဖြင့် ကိုယ့်ကိုယ်ကို ဆုံးမပြီး ဖျောက်ပါတဲ့။

အဲဒီလိုဆင်ခြင်လို့ မှ မပျောက်ရင် နံပါတ်(၆) က ကမ္မဿကတာဉာဏ်နဲ့ ဖျောက်ပါတဲ့။ ကမ္မဿကတာဉာဏ်ဆိုတာ ကံသာလျှင် ကိုယ်ပိုင်ဥစ္စာရှိတယ်လို့  သိတဲ့ဉာဏ်ပါ။

“သူပြုနေတဲ့ မကောင်းတဲ့ကံဟာ သူ့ ရဲ့ ကိုယ်ပိုင်ဥစ္စာဖြစ်သွားပြီ။ အဲဒီကံကပဲ မကောင်းကံအားလျှော်စွာ အကျိုးပေးတော့မှာ၊ ငါက ဝေဖန်စရာမလိုဘူး။ ကံကပဲ သူ့ ကို ဝေဖန်ပေးလိမ့်မယ်။” အဲဒီလိုကံကို ဆင်ခြင်ပြီး ဖျောက်ရပါ့မယ်။

အဲဒီလိုဆင်ခြင်လို့ မှ မပျောက်ရင် နံပါတ်(၇)က သည်းခံမှုဇာတ်တော်တွေကို အာရုံပြုပြီး ဖျောက်ပါတဲ့။ မဟာသီလ၀ဇာတ်၊ ခန္တီဝါဒီဇာတ်၊ ဆဒ္ဒန္တဇာတ်၊ မဟာကပိဇာတ် စသည်ဖြင့် ကိုယ်ကြားဖူးတဲ့ ဇာတ်တစ်ခုခုကို အာရုံပြုပြီး “ဘုရားအလောင်းဟာ သည်းခံခဲ့တယ်။ အဲဒီလိုအာရုံပြုပြီး သည်းခံခဲ့တဲ့အတွက် နောက်ဆုံးတော့ အောင်မြင်တာပဲ။ ဘယ်ကိစ္စမဆို သည်းခံလိုက်ရင် အဆင်ပြေသွားတာပါ။” အဲဒီလိုသည်းခံစိတ်မွေးပြီး ဖျောက်ရပါမယ်။

သည်းခံစိတ်မွေးလို့ မှ မပျောက်ရင် နံပါတ်(၈)က ဆွေမျိုးစပ်ပြီး ဖျောက်ပါတဲ့။ “သြော်...သံသရာမှာ ဆွေမျိုးမတော်ခဲ့တဲ့သူဆိုတာ မရှိဘူး။ ဘ၀တစ်ခုမှာ ငါ့ရဲ့ အမေ တော်ခဲ့ရင် တော်ခဲ့မှာပဲ။ အမေတော်ခဲ့တုန်းက ကိုးလလွယ် ဆယ်လဖွားပြီး ကိုယ်ဝန်ဆောင်စဉ်မှာ အပူအစပ်တွေလည်း ရှောင်ခဲ့ရမှာပဲ။ အနေအထိုင်အသွားအလာလည်း ဆင်ခြင်ခဲ့ရမှာပဲ။ မွေးလာတဲ့အခါမှာလည်း မေတ္တာအပြည့်နဲ့  နို့ ချိုတိုက်ကျွေးပြီး ပြုစုခဲ့မှာပဲ။ ကျင်ကြီးကျင်ငယ်တွေကိုလည်း မရွံမရှာ သုတ်သင်ပေးခဲ့မှာပဲ။ ငါ့ရဲ့ အဖေလည်း တော်ခဲ့ချင်တော်ခဲ့မှာပဲ။ ငါ့ရဲ့ အဖေတော်ခဲ့တုန်းက အရပ်တစ်ပါးကိုသွားပြီး သက်စွန့် ဆံဖျား စီးပွားရှာပြီး ငါ့ကို ကျွေးမွေးခဲ့မှာပဲ။ ငါ့အတွက် အသက်ကိုလည်း စွန့် ချင်စွန့် ခဲ့မှာပဲ။ ဒါမှမဟုတ် ငါ့ရဲ့ သားသမီး ညီအစ်ကိုမောင်နှမလည်း တော်ခဲ့မှာပဲ။ အဲဒီလိုဆွေမျိုးစပ်ပြီး ဖျောက်ပါတဲ့။ အနမတဂ္ဂိယသံယုတ်လာ သုတ်တို့ မှာ ပြထားတာက သံသရာမှာ အမိအဘ ညီအစ်ကို မောင်နှမ မတော်ခဲ့ဖူးတာ ရှိကို မရှိပါဘူးတဲ့။ တစ်မျိုးမဟုတ် တစ်မျိုးတော့ ဆွေမျိုးတော်စပ်ခဲ့ကြတာပါပဲတဲ့။

အဲဒီလိုဆင်ခြင်လို့ မှ မပျောက်ရင် နံပါတ်(၉)က မေတ္တာအကျိုးတွေကို ဆင်ခြင်ပြီး ဖျောက်ပါတဲ့။

မေတ္တာပွားတဲ့သူဟာ ချမ်းချမ်းသာသာ အိပ်ရတယ်၊ ချမ်းချမ်းသာသာ နိုးရတယ်။ ကောင်းတဲ့အိပ်မက်ကိုပဲ မက်ရတယ်။ နတ်လည်းချစ်တယ်။ လူလည်းချစ်တယ်။ နတ်တွေလည်း စောင့်ရှောက်တယ်။ မီး အဆိပ် ဓားတွေကိုလည်း ရှောင်ရှားပေးတယ်။ လျင်လျင်မြန်မြန် သမာဓိရတယ်။ မျက်နှာလည်း ကြည်လင်တယ်။ သေတဲ့အခါ တွေတွေဝေေ၀မသေရဘူး။ ဗြဟ္မာပြည်လည်း ရောက်နိုင်တယ်။ အဲဒီလို မေတ္တာအကျိုးကိုဆင်ခြင်ပြီး ဖျောက်ပါတဲ့။ ဒီမေတ္တာအကျိုး (၁၁)မျိုးကို မဟာစည်ဆရာတော်ဘုရားကြီးရဲ့  လင်္ကာလေးနဲ့  ကပ်မှတ်ထားလိုက်ပါ။

(အိပ်နိုးချမ်းသာ၊ ကောင်းစွာအိပ်မက်၊ ချစ်လျက်လူနတ်၊ စောင့်လျက်နတ်များ၊ မီးဆိပ်ဓားတို့ ၊ ရှောင်ရှားကိုယ်မှာ၊ လျင်စွာစိတ်တည်၊ ရွှင်ကြည်မျက်နှာ၊ သေတာမတွေ၊ လားလေဗြဟ္မာ၊ ဆယ့်တစ်ဖြာသည်၊ မေတ္တာပွားမှုအကျိုးတည်း။)


မေတ္တာအကျိုးကိုမှ ဆင်ခြင်လို့ မှ မပျောက်ရင် နံပါတ် (၁၀)က ဓာတ်ခွဲပြီး ဖျောက်ပါတဲ့။

ဓာတ်ခွဲပုံကတော့ “နေပါဦး...အို ယောဂီ၊ သင်အမျက်ထွက်နေတာက ဘာကိုအမျက်ထွက်နေတာလဲ။ သူ့ ရဲ့ ဆံပင်ကိုလား၊ အသည်းကိုလား၊ အသားကိုလား၊ အကြောကိုလား၊ ဒါမှမဟုတ် ပထ၀ီဓာတ်ကိုလား၊ အာပေါဓာတ်ကိုလား၊ ရူပက္ခန္ဓာကိုလား၊ ဝေဒနာက္ခန္ဓာကိုလား” စသည်ဖြင့် အဲဒီလိုဓာတ်ခွဲပြီး ဖျောက်ရပါတယ်။။

ဓာတ်ခွဲလို့ မှ မပျောက်ရင် နံပါတ်(၁၁)က ဥစ္စာပေးယူပြီး ဖျောက်ပါတဲ့။

သူနှစ်သက်မယ်ထင်တဲ့ ပစ္စည်းဥစ္စာလေးတွေပေးပြီး ဖျောက်ပါတဲ့။

သီဟိုဠ်ခေတ်က သံဃိကကျောင်းတစ်ကျောင်းမှာ မထေရ်ကြီးတစ်ပါးက မထေရ်ငယ်တစ်ပါးကို အမျက်ထွက်ပြီး ကျောင်းတိုက်ကထွက်သွားရအောင် လုပ်နေပါတယ်တဲ့။ ဒီတော့ မထေရ်ငယ်က မထေရ်ကြီးဆီသွားပြီး “ဆရာတော်ဘုရား၊ ဒါကရှစ်ကျပ်တန် အကောင်းစားသပိတ်ပါဘုရား။ တပည့်တော်ရဲ့ မယ်တော်ကြီးက လှူထားတဲ့အတွက် အပ်အပ်စပ်စပ် ရထားတာပါဘုရား။ သုံးဆောင်ပါဘုရား” အဲဒီလို သွားပေးလိုက်တော့ မထေရ်ကြီးနဲ့  မထေရ်ငယ်ဟာ အဆင်ပြေသွားပါတယ်တဲ့။ ဒါလည်း ၀ိသုဒ္ဓိမဂ်က ပြထားတဲ့ ၀တ္ထုလေးပါ။ ပေးကမ်းခြင်းသည် အောင်မြင်ရာ၏ဆိုတဲ့ လူတွေပြောနေတဲ့စကားဟာ ဘုရားဟော တစ်ခုပါပဲ။

ကိုယ့်သန္တန်မှာဖြစ်နေတဲ့ ဒေါသရန်ငြိုးကို အထက်က (၁၁)နည်းထဲက ကိုယ်နှစ်သက်ရာ တစ်နည်းနည်းနဲ့  ဖျောက်ပါတဲ့။ (၁၁)နည်းလုံးနဲ့  ဖျောက်ဖို့ မလိုပါဘူး။

မေတ္တာပွားမယ့် ပုဂ္ဂိုလ်ဟာ ဒေါသရန်ငြိုးကို ဖြစ်တဲ့နည်းနဲ့  ဖျောက်ရပါ့မယ်။ ဒါမှလည်း မေတ္တာပွားလို့ ရမှာပါ။ ကဲ စာဖတ်သူတွေ ပြောကြည့်ပါဦး၊ ရန်ငြိုးဖျောက်နည်း (၁၁)နည်းထဲက ဘယ်နည်းကို ကြိုက်တယ်ဆိုတာ။

ဘာပဲပြောပြော ကိုယ်နှစ်သက်ရာ တစ်နည်းနည်းနဲ့ တော့ ဖျောက်ကြည့်ဖို့ ပါပဲလေ။

ရဝေနွယ် (အင်းမ)
မေတ္တာအတွေးများ
အလင်းတန်းဂျာနယ် (၇-၃-၂၀၀၅)


ဆရာတော် ရဝေနွယ် (အင်းမ) ၏ ဆောင်းပါးများစုစည်းမှု
ဆရာတော် ရဝေနွယ် (အင်းမ) ၏ စာအုပ်များ

ညခင်း
ရွှင်လန်းချမ်းမြေ့ကြပါစေ။

နှုတ်ခွန်းဆက်ရန်....

လူအခြေခံကျင့်ဝတ်တရားတို့၊ ပျက်ပြားနေကြကမ္ဘာမြေ။ ဟိုတိုင်းဒီပြည် ရန်စစ်ခင်းလို့၊ လူနဲ့လူချင်း သတ်ခါနေ၊ ငြိမ်းချမ်းပါစေ အာသီသနဲ့၊ စွမ်းနိုင်ရာက ကူညီသလေ။ ကျင့်ဝတ်တရား၊ သီလငါး၊မှတ်သားကျင့်သုံးစေ၊ အဖိုးတန်တဲ့ ၊ဗုဒ္ဓ၀ါဒ ကမ္ဘာကသိပါစေ။
ကံအကျိုးပေးကွဲပုံ - သူ့ကိုသတ်ဖြတ်၊ သက်တိုလတ်၊ မသတ်အသက်ရှည်။ -ညှင်းဆဲသူက အနာများ၊ သနားကျန်းမာသည်၊ -ဒေါသမီးလျှံ၊ အကျည်းတန်၊ သည်းခံလှပသည်။ - မနာလိုမှာ ၊ ခြွေရံကွာ၊ ကြည်သာခြွေရံစည်။ - မပေးလှူက ၊မွဲပြာကျ၊ လှူမှ ပေါကြွယ်သည်။ - မရိုမသေ၊ မျိုးယုတ်ချေ၊ ရိုသေ မျိုးမြတ်သည်။ - မမေးမမြန်း၊ ဥာဏ်မြင်ကန်း၊ စုံစမ်း ဥာဏ်ကြီးသည်။ - ဆိုးတာပြုက၊ ဆိုးတာရ ၊ ကောင်းမှ ကောင်းစားသည်။ - ဆိုးကောင်းနှစ်တန်၊ ကံစီမံ၊ ခံစံကြရသည်။

Followers