နံနက်ခင်းကို ဘယ်သို့ ထမယ်

12

ညီငယ် /ညီမငယ် ဖြစ်တဲ့ လမင်းငယ်၂၀၂၈ ရဲ့ နံနက်ခင်းကို ဘယ်သို့ ထမယ်...ရေးပေးပါဆိုလို့ ရေးပေးလိုက်ပါတယ်။

ညီရေ အစ်ကိုရေးမဲ့ခေါင်းစဉ်လေးက နံနက်ချိန်ခါတေးသံသာလို့ အမည်ပေးမယ်နော်။ ၅၂၈ မေတ္တာတွေ နဲ့ ထုံမွှန်းနေတဲ့ တီလေး ညခင်း နဲ့ တူလေးဖြစ်တဲ့ အစ်ကို လမင်းတို့ရဲ့ တေးသံလေးပေါ့...။

ညဘက်ဆို တော်တော်နဲ့ မအိပ်ဖြစ်တဲ့ ကျနော် မနက်စောစောထဖို့ဆိုတာ တော်တော်လေးပျင်းပါတယ်။ အဲဒီတော့ စောစော ကျောင်းသွားရမဲ့နေ့တွေနဲ့ အပြင်သွားစရာ ရှိတဲ့အခါတွေမှာ...တီလေးညခင်းကိုမေးလ်ပို့လိုက်တယ်။ တီလေးရေ မနက်ကြရင် စောစောနိုးပါ။ ....နာရီ။ ကျောင်းရော ဈေးကိုပါ သွားစရာရှိတယ်...။....အိုကေ...ဒါဆို မနိုးမှာ မပူရတော့ဘူး...။

နောက်တနေ့ နံနက်ရောက်တော့...ကျနော်NOKIA N95-8Gb(ကပ်ကြွား) ဖုန်းလေးမှ အသံမည်လာပါပြီ.....။
~~~I used to call you my girl~~I used to call you my friend ~~~I used to call you the love ~~~The love that I never had ~~When I think of you ~~I don't know what to do ~~When will I see you again
~~
အားးးးးး....ဘာလဲကွာ....အိပ်ချင်မူးတူးနဲ့ကြည့်လိုက်ပါတယ်။ အော်... တီလေး ရှိက....

(တူလေး ထတော့ ၊ သွားစရာ ရှိတယ်ဆို...ထသင့်ပြီ ၊ မျက်နှာသစ် ၊သွားတိုက်တဲ့....) ဖုန်းမက်စ်ဆေ့ လေးကိုဖတ်အပြီး...မျက်တောင်လေး အပိတ်....ဟီးးး (အိပ်ပျော်သွားပြန်ရော)

ဖုန်းသံကြားပြန်ပြီ...ဒုတိယ မြောက်
( ဟာ... ချီးထုတ် ...ထတော့၊နောက်ကျနေဦးမယ်။ လိမ်မာတယ်။ ထထ) ဟုတ်လို့ တော့ ယောင်အော်မိ သားလားပဲ...ထုံစံအတိုင်း (အိပ်...........)

တတိယခါ မြောက်မှာတော့...
(ဟဲ ခွေးစုတ်၊ ထဖို့ပြောနေတာ ၁၅မိနစ်ရှိပြီ...။ ထမလား မထဘူးလား၊ ဒီတစ်ခါပဲနိုးတော့မယ်နော်၊ ဒီမှာ အလုပ်လုပ်နေတာ အားတာ မဟုတ်ဘူး။ တင်းလာပြီတဲ့။မထရင် ချီးပန်းပါစေဟာ)
တေးသံက သာတယ်နော်... ဟီး။

အင်းးးးး...ထမှ မနက်ချိန်ခါ တေးသံသာက နောက် တစ်ချိန်ဆို ခွေးစုတ်ကနေ...လဒစုတ် ဖြစ်တော့မလားမသိဘူး။ အဲဒါနဲ့ ကွန်ပျူတာကိုခြေမနဲ့လှမ်းဖွင့်ပြီး ဂျီတော့ဝင်လိုက်တော့ အသင့်စောင့်နေတဲ့ တီလေးညခင်းကိုတွေ့ပါတယ်။ ထပြီ ထပြီ ဆိပြီးသူသိတာမှ မဟုတ်တာ ၁၅မိနစ်လောက် တော့အသာလေးပြန်ကွေး ခဏတော့ထပ် နှပ်လိုက်တာပေါ့။ ရှုးတိုးတိုးနော်။ အဲလိုလုပ်လုပ်နေတာ တီည မသိဘူး...။

ဂျီတော့ကနေလည်း လှမ်းပြီး ချက်ကင်လုပ်သေးတယ်။ ထပြီလားတဲ့။ ရက်စ် လိုပြောတာ အိပ်ရာထဲကဆိုတော့ စာလုံးပေါင်းမှားသွားတယ်။ ဟင်းးးး...ညာနေပြန်ပြီ...တဲ့။ အဲလိုမှန်း တီညခင်းကလည်းသိမှတော့...သွားရမဲ့အချိန်ထက် နာရီဝက် ကြိုပြီး နိုးလေ့ရှိတယ်။ ဒါကတော့ စောစောလေး ကျောင်းသွားရမဲ့နေ့တွေ့ပေါ့။

ကျောင်းမသွားရတဲ့ နေ့တွေဆိုရင်တာ့ အိပ်ရေးဝမှ ထဖြစ်တယ်။....ကဲ...ညီရေ ဒါကတော့ အစ်ကိုရဲ့ လက်ရှိ မနက်နိုးထချိန်လေးပေါ့။
~~I used to call you my girl~~I used to call you my friend ~~
I used to call you the love ~~The love that I never had ~~When I think of you ~~~~I don't know what to do ~~When will I see you again
~~


ပျော်ရွှင်ကြပါစေ...

လမင်း

နေ့ရွှေ့သူ၏ ဘ၀နိဂုံး

5

ရှေးသရောအခါ ဘာအသုံးကျသလဲ အမည်ခံ ဒိတ်စကြိတ်ကြီး တခုရှိလေသည်။ ယင်း ဒိစကြိတ်ကြီးကို ဖြတ်သန်းစီးဆင်းသွားသော ဖြစ်ချင်ရာဖြစ်ပါစေ အမည်ခံ မြစ်ကြီးတစ်ခုရှိလေသည်။ ယင်းမြစ်ကြီးမှ နံဘေးသို့ ခွဲထွက်စီးဆင်းသွားသော နှေးကန်ခြင်း အမည်ခံ မြစ်လက်တက်ကလေး တစ်ခုရှိလေသည်။

ယင်းမြစ်လက်တက်ကလေး ၏ ကမ်းပါးတစ်လျှောက်တွင် ခဏစောင့်ပါဦး အမည်ခံ ပန်းပင်များ အသီးအပွင့် စုံလင်စွာဖြင့် ပေါက်ရောက်လျက်ရှိသည်။ ထိုပန်းပင်များမှ အငုံအဖူးအပွင့်များသည် တခါတခါမှလုပ်တာပေါ့ အမည်ခံ အမွှေးအကြိုင်အနံများကို တပျံ့ပျံ့ လွှတ်လျှက်ရှိသည်။ ယင်းပြင် ထင်သလိုနေတာပေါ့ အမည်ခံ မြက်ပင်ကလေးများလည်း ပေါက်ရောက်လျက်ရှိသည်။

ထိုမြစ်လက်တက်ကလေး၏ လက်ယာဘက် ကမ်းပါးပေါ်တွင် သမ်းဝေခြင်း အမည်ခံမြို့တစ်မြို့ရှိလေသည်။ ယင်းမြို့၌ မောပန်းခြင်း အမည်ခံ လူမျိုး နေထိုင်လျက်ရှိသည်။ ထိုမြို့အတွင်း၌ ဘယ်သူ ဘာပြောပြော ဘာဂရုစိုက်ရမှာလဲ အမည်ခံ အိမ်တဆောင်ရှိလေသည်။ ထိုအိမ်၏ ပိုင်ရှင် မှာ နေ့ရွှေ့တာပေါ့ အမည်ခံ ပုဂ္ဂိုလ်ကြီးတစ်ဦးဖြစ်သည်။

ယင်းပုဂ္ဂိုလ်ကြီးအား အလုပ်လုပ်ရန် ပြောဆိုသောအခါ နက်ဖြန်မှ လုပ်တာပေါ့ ဟု ပြန်ပြောလေ့ရှိသည်။ ထိုကဲ့သို့ ပြောဆိုယင်းပင် တနေ့ထက်တနေ့ အချိန်နောက်ကျသွားရလေတော့သည်။ နောက်ဆုံး၌ သူ၏ ထံမှ အချိန်အားလုံးကို ခိုးယူသွားခြင်းခံရ၏။ မကြာမီ သူခိုးခိုးခံရကြောင်း လူများ ကြားသိရကား ကြွေးရှင်အားလုံးက ရှိသမျှပစ္စည်းတို့ကို ကြွေးအဖြစ်သိမ်းယူကြပြန်လေသည်။

ယင်းပုဂ္ဂုလ်ကြီးမှာ သေသည်အထိ ဆင်းရဲ၏ ။ မသေမီ တခါတရံတောင်စားရ၏။ တစ်ခါတရံ ငှားစားရ၏။ တခါတရံ ခိုးယူစားခြင်းဖြင့် အသက်မွေးရလေသည်။

အဆွေ ၊ ဤ ပုဂ္ဂိုလ်မျိုး လိုဖြစ်ချင်သလော့.....။ တဲ့....။ မဖြစ်လိုက...ယခုအလုပ်ကို ယခုလုပ်၊ အချိန်မရွှေ့နှင့်...တဲ့။


ပျော်ရွှင်ကြပါစေ...
ညခင်း

ကင်ဆာဖြစ်နိုင်တဲ့ အန္တရာယ် ၈၀ % လျော့ချနည်း

5

ကင်ဆာရောဂါ ကာကွယ်ကုသရေးမှာ ဆရာဝန်တွေဟာ လူအား ငွေအား တွေအများကြီးသုံးကြပါတယ်။ ဒါပေမဲ့ ကင်ဆာမဖြစ်အောင် ဘယ်လို ရှောင်ရမယ် ဆိုတာ သူတို့ရဲ့ လူနာတွေကို ပြောပြဖို့ကျတော့ အချိန်သိပ်မပေးတတ်ကြဘူး။
ကင်ဆာဖြစ်နိုင်တဲ့အကြောင်းအရာတွေကို ရှောင်လိုက်ရင် ကင်ဆာ အန္တရာယ် မှ ၈၀ % လျှော့ချပြီးသားဖြစ်ပါမယ်။

၁။ ဆေးလိပ်၊ ဆေးတံ မသောက်ပါနဲ့။ ပြီးတော့ ဆေးလိပ်သောက်သူတွေနဲ့ ဝေးဝေးနေပါ။

၂။ အဆီပေါတဲ့ ၊ အဆီများတဲ့ အစားအသောက်တွေကို ဖြတ်လိုက်ပါ။

၃။ အသားမစားပါနဲ့။

၎။ အသီးအရွက် အစိမ်း (မချက်မပြုတ်ဘဲ စားလိုရတာ)တွေ အများကြီးစားပါ။

၅။ အမျှင်ပါတဲ့ Fiber အစားအသောက် နဲ့ လုံးတီးဆန် ၊ လုံးတီး ဂျုံတို့နဲ့ လုပ်တဲ့ အစားအစာတွေ အများကြီးစားပါ။

၆။ မလိုအပ်ဘဲ ဓာတ်မှန်တွေမရိုက်ပါနှင့်။

၇။ နေပူထဲမှာ အကြာကြီးမနေပါနဲ့။

၈။ လျှပ်စစ်ဓာတ်ကြိုးတွေအောက် ဒါမှမဟုတ် ဓာတ်ကြိုးတွေနဲ့နီးနီးမှာ ၊ ဓာတ်အားပေးစက်ရုံနဲ့ နီးနီးမှာ နေထိုင်တာမျိုး မလုပ်ပါနဲ့ လျှပ်စစ်အသုံးအဆာင် ပစ္စည်းတွေနဲ့ သိပ်ကပ်ပြီး ထိုင်တာ၊ အိပ်တာ တွေ မလုပ်ပါနဲ့။

၉။ အရသာ ထူးကဲစေတဲ့ ထပ်ဖြည့် ပစ္စည်းတွေ အများကြီးပါတဲ့ အစားအသောက်တွေကို ရှောင်ပါ။

၁၀။ ကိုယ်အလေးချိန် ကိုထိန်းပါ။

၁၁။ အရက်ကို အနည်းဆုံးဖြစ်အောင်လျှော့သောက်ပါ။

၁၂။ အသားငါး ကျပ်တင်၊ ဆားနယ်၊ ဆားစိမ် ဒါမှမဟုတ် မီးကင်တွေ မစားပါနဲ့။

ဒီအချက်လေးတွေ တတ်နိုင်သမျှရှောင်ကြည့်ကြရအောင်။ ကျန်းမာခြင်းသည် လာဘ်ကြီးတစ်ပါးပါ။ ကျန်းမာရေးနှင့်ပတ်သက်လာလျှင် ကံစိတ်ဥတုအဟာရ ညီမျှစွာနေထိုင်တတ်ဖို့လည်းလိုပါတယ်။ဒါအပြင် အသက်ကို ဥာဏ်စောင့်တဲ့အတွက် သတိပြုဆင်ခြင်ကြည့်ရအောင်နော်။


ပျော်ရွှင်ကြပါစေ...
ညခင်း

ဝါသနာအိမ်မက်လေး

9

ဝါသနာ အကြောင်းလေး ကို...ကိုဝင်းဇော် တက်ဂ်လို့ မပန်းကဗျာ ကလည်း တက်ဂ် တက်ဂ် နဲ့ စက်သေနတ်ပစ်သလို ပစ်လိုက်တာ ညခင်း ရဲ့ လမင်း တက်ဂ် ထဲပါသွားတယ်။ ၀ါသနာလေးအကြောင်းဆိုတော့ စိတ်ဝင်စားဖို့ကောင်းပါတယ်။ ခင်လို့ တက်ဂ်တာ တက်ဂ်သာ တတ်ဂ်...။ ညခင်းလည်း ဘယ်သူတွေကို ဒုက္ခပေးရင် ကောင်းမလဲ စဉ်းစားရင်း...ညခင်း ရဲ့ ၀ါသနာက ဒီလို့.......... ကျမ ၀ါသနာ ကို အိမ်မက် နှင့် နှိုင်းယှဉ်ပြောပါရစေ... ဘာလို့လဲ ဆိုတာ ဆက်ဖတ်ပါနော်...

ကျမငယ်စဉ်က ၀ါသနာ ၊ရည်ရွယ်ချက်များဟာ သက်တန့်ကြီးတစ်ခုပမာ အရောင်အသွေး စုံလင်တောက်ပခဲ့ တယ်။ မျှော်လင့်ချက်အနာဂတ်များကိုလည်း လှမ်းမျှော်ပျော်ရွှင်ရင်း၊ ရင်ခုန်တက်ကြွခဲ့ဖူးတယ်။

ကျမ မူလတန်းကျောင်းသူအရွယ်တုန်းက ကျမရဲ့ ၀ါသနာမှာ ကျောင်းဆရာမ တစ်ယောက်ဖြစ်ချင်ခဲ့ပါသည်။ ကျောင်းမှ ဆရာမများကို အားကျသောကြောင့်ဖြစ်သည်။ ကျောင်းမှ အိမ်သို့ပြန်ရောက်ချိန်....ဒါမှမဟုတ် ကျောင်းအားရက်များတွင် ကျမ မညည်းစတမ်း ကစားခဲ့သော ကစားနည်းတစ်မျိုးတည်းမှာ ဆရာမ လုပ်တမ်းကစားနည်းဖြစ်၏။

မေမေ ၏ ထဘီများထဲမှာ အစိမ်းရောင်ထဘီကို ဖွေရှာကာ ခါးမှာ ပတ်လျှက်...မျက်နှာသုတ်ပ၀ါရှည်ကြီးကို ဆံပင်ရှည် ကြီးသဖွယ်ဖြစ်အောင် ခေါင်းမှာ စည်း၍ နောက်ကျောဘက်မှာ ဖားလျားချကာ ဆံပင် တယမ်းယမ်းနှင့်ပေါ့... (ကျမ ငယ်ငယ်က သိပ်ချစ်ရသော ဆရာမ မအိ မှာ ဆံပင်အရှည်ကြီးနှင့်ဖြစ်သည်။ ပေါင်လယ်ကျော်ကျော် တံခေါက်ခွက်ထိပင် ရှည်လျားလှပါသည်။) ကြိမ်လုံးတယမ်းယမ်းနှင့်ကြမ်းပြင်ကို တဖြန်းဖြန်း ရိုက်လေ့ရှိသောကြောင့် ကျမကို ဘွား နှင့် ဘ အမြဲဆူလေ့ရှိသည်။

အိမ်မှ အဖေ၊အမေ ၊ဘိုး၊ ဘွားတို့၏ စာအုပ်စာတမ်းများပျောက်လျှင်...ဘယ်နေရာမှာမှ ခက်ခက်ခဲခဲ ရှာဖွေစရာ မလို၊ ကျမ ရဲ့ လွယ်အိတ်ကြီးထဲမှာ လာရှာလျှင် အကုန်တွေ့ရမည်။ တွေ့သမျှစာအုပ်တွေ၊ ကတ်ထူဖုံးတွေမှန်သမျှ ကျမ၏ လွယ်အိတ်ကြီးထဲ ထိုးသိပ်ထည့်ကာ တပည့်တွေ ရဲ့ စာအုပ်အဖြစ် အမှတ်တွေခြစ်ပေး၊ ကောင်း ၊ သင့်၊ ညံ့ မှတ်ချက်တွေ ပေးရတာလည်းအမောပင်၊ ကျမ၏ တပည့်များကတော့ အရုပ်မျိုးစုံဖြစ်ခဲ့သည်။ ဆရာမလုပ်နေရသော ဘ၀ကို ကျမ ထမင်းမေ့ဟင်းမေ့ မက်မော ပျော်ရွှင်ခဲ့ဖူးပါလေသည်။

ကျမ အလယ်တန်း ၊အထက်တန်းကျောင်းသူဘ၀ရောက်တော့ ၀ါသနာကို မဖြစ်မနေ လုပ်မည်ဟု စိတ်အားထက်သန်လာခဲ့တယ်။ ကျမ ၁၀တန်းစာမေးပွဲ အောင်စာရင်း ထွက်တဲ့နေ့ကတော့ အပျော်ဆုံးပေါ့။ ငါ့ရည်ရွယ်ချက် နဲ့ ၀ါသနာ ကို အကောင်အထည်ဖော်နိုင်တော့မည်။ ပန်းတိုင်ရောက်တော့မည်ပေါ့။ ဒါပေမဲ့ ကြာကြာ မပျော်ခဲ့ရပါဘူး။ ဆရာဖြစ်သင်တန်း ဖောင်ဖြည့်ရန် ယူလာသည့်နေ့မှာပဲ ဘိုးနှင့်ဘွားတို့၏ တနယ်တကျေးသို့ တစ်ယောက်ထည်းမလွှတ်နိုင် ဟူသည့် အကြောင်းပြချက်နဲ့ ၀ါသနာကို စွန့်လွှတ်ခဲ့ရပါသည်။ သင်တန်းပြီးဆုံးလျှင် စေလိုရာစေ နှင့် မည်သည့်နေရာတွင်မဆို တာဝန်ထမ်းဆောင်ရမည် ဟူသောကြောင့်ဖြစ်ပါသည်။ ငယ်သေးတဲ့အတွက် စိတ်မချနိုင်သော.... မိဘ မေတ္တာစေတနာကို အသိမှတ်ပြုရင်း...၀ါသနာကို ချိုးနှိမ်ခဲ့ပါတယ်။ ထပ်မံပြီး ဘွဲရ တဲ့ နှစ်တွင်လည်း အကောင်အထည်ဖော်ဖို့ကျိုးစားပါသေးသည်။ ကျမ ဆရာမဖြစ်ဖို့ ကံမပါလာခဲ့။ အလုပ် နှင့် ၀ါသနာ ထပ်တူမကျခဲ့ရပါ။

ဒါကြောင့် ကျမ ၏ ၀ါသနာ များကို အိမ်မက် နှင့် နှိုင်းယှဉ်ရခြင်းပါ။ အိမ်မက်တွေလိုပင် ကလေးဘ၀က၀ါသနာ နှင့် ရည်ရွယ်ချက်သည်...အရောင်တွေ ၀ိုးတိုးဝါးတားသာမြင်မက်လျက် ကိုယ်မက်သည့်အိမ်မက် ကိုပင် ဘာသာမပြန်နိုင်၊ ပျောက်ဆုံးသွားခဲ့ရသည်။ အခုတော့ ၀ါသနာ ဆိုတာ ကိရိယာတန်ဆာပလာ မစုံလင်လို့ မောင်းနှင်ချင်လျက် ပင် မောင်းနှင်လို့ မရခဲ့သော ယာဉ်မျိုးဖြစ်ခဲ့ရတယ်။... ထိုယာဉ်အပျက်ကို တော့...ဂိုဒေါင်တစ်လုံးထဲ တွင် စုပြီး....သိမ်းထားလိုက်ပါပြီ။ လွှင့်ပစ်လို့ မရတာကြောင့်ပါ။


ညခင်း....ဘယ်သူကို မှ မတက်ဂ် ဖူးသေးဘူး ပြန်တက်ဂ်ချင်တယ်နော်....ရေးပေးမှာလာ;????? ညခင်းတို့ ဘလော့ကို အမြဲလာနေကြ မောင်နှမတွေ....စဉ်းစားလိုက်တော့ တချို့ က တက်ဂ် ခံထားရပြီးပြီ။ ကျန်တဲ့လူ....ဟဲ ဟဲ


ဝလုံးလေးဝိုင်းအောင်လေ့ကျင့်နေတဲ့...............မောင်သစ်ဆင်း (http://walonewinewine.blogspot.com)

မချစ်ရဆိုပေမဲ့.. ညခင်း ချစ်တဲ့ ညီမငယ်....................... မချစ်ရ (http://machitya.blogspot.com)

နက်မကောင်းတဲ့ ကြားက တက်ဂ်ရတာ အားနာပါတယ်။ နက်ကောင်းမှရေးပေးပါရန်..။


ချစ်ခင်လေးစားလျှက်...
ညခင်း

သင် နဲ့ သင့်ချစ်သူကြားက သံယောဇဉ် ကြိုး

2


သင် နဲ့ သင့်ချစ်သူကြားက သံယောဇဉ် ကြိုးကို ပိုမိုခိုင်မာစေတဲ့ စမ်းသပ်ချက်ဖြစ်ပါတယ်။

ဒီစမ်းသပ်ချက်ကို ဖြစ်နိုင်ရင် သင့်ချစ်သူနဲ့အတူတူ ဖြေဆိုကြည့်ပါ။ ချစ်သူမရှိသေးသူတွေကတော့ ခင်ရတဲ့သူငယ်ချင်း၊ ဆွေမျိုးနဲ့ ဖြေဆိုကြည့်ပါ။ တနည်းအားဖြင့် မိမိအနေနဲ့ နောင်ကို သံယောဇဉ် ပိုထားချင်သူနဲ့ အတူတွဲပြီး ဖြေကြည့်ပါ။

ဒီ စမ်းသပ်ချက်မှာ အောက်ပါမေးခွန်းသုံးခုကို ဖြေပေးထားရပါမယ်။

a. ကျွန်တော်/မဟာ တစ်ယောက်တည်း (......................)
မိမိကိုယ်တိုင် တစ်ဦးတည်း လုပ်ချင်တဲ့အကြောင်း အရာ ။

b. ကျွန်တော်/မဟာ မင်းနဲ့ (ချစ်သူ (သို့) တစ်ဦးဦးနဲ့) နှစ်ယောက် အတူတူ (....................)
ချစ်သူနဲ့နှစ်ဦးသား အတူတူ လုပ်ချင်တဲ့ အကြောင်းအရာ၊

c. ကျွန်တော်/မဟာ အားလုံးနဲ့ အတူတူ (...................)
ခင်မင်သူ သူငယ်ချင်း၊ မိတ်ဆွေ မိသားစုတွေ နဲ့အတူတူ လုပ်ချင်တဲ့အကြောင်းအရာ ကို စဉ်းစားပြီးဖြည့်ပေးရမှာ ဖြစ်ပါတယ်။

a.b.c မေးခွန်းသုံးခုမှာ. နောက်ဆုံးကွက်လပ်ကို ဘယ်လိုစာကြောင်းတွေနဲ့ အဆုံးသပ်မလဲဆိုတာကို ဖြည့်ပေးရပါမယ်။

သင့်ဖြည့်ခဲ့တဲ့ အကြောင်းအရာက သင့်စိတ်ထဲမှာ ရှိတဲ့ခံစားချက်အမှန်တွေကို ဖော်ညွှန်းပါတယ်။

(a)အဖြေ... ဥပမာအားဖြင့် ကျွန်တော်/မ ဟာ တစ်ယောက်တည်း မနက်စာကို စားတယ်လို့ စာကြောင်းကို အဆုံးသတ်ခဲ့ရင် နံနက်ခင်းချိန်ကို အေးအေးဆေးဆေး အချိန်ကုန်လွန်စေပြီး ခန္ဒ္စာကိုယ်အတွက် အားအင်ဖြစ်စေ တဲ့ အစားအစာကို စားသောက်တယ်လို့ ဖြေဆိုတဲ့အတွက် သင်ဟာ သင့်ရဲ့တစ်နေတာကို ဘ၀အတွက် အကျိုး ရှိရှိ အသုံးချဖို့ စဉ်းစားနေသူဖြစ်ပါတယ်။

တစ်ယောက်တည်း သီချင်းနားထောင်တယ်လို့ဖြေခဲ့တဲ့သူဆိုရင် တေးဂီတ၊တွေ သီချင်းသံတွေက သင့်ရဲ့ဘ၀ အတွက်မရှိမဖြစ်လိုအပ်တဲ့အရာလို့ ထင်မြင်ထားသူပါ။

တစ်ယောက်တည်း လျှောက်လည်မယ်လို့ ဖြေဆိုထားသူကတော့ အလည်အပတ်သွားခြင်း အပန်းဖြေခြင်းတွေ ဟာ ဘ၀အတွက် အရေးကြီးတယ်လို့ ယူဆသူဖြစ်ပြီး၊လည်ပတ်သွားလာနေခြင်းအားဖြင့် လူတွေနဲ့ ထိတွေ့ ဆက်ဆံပေါင်းသင်းရတာဟာ အနှစ်သာရ ရှိတဲ့ ဘ၀လို့ခံယူသူဖြစ်ပါတယ်။ စသည်ဖြင့် သင့်အဖြေမှာ ပါရှိတဲ့ အကြောင်းအရာဟာ သင့်ဘ၀အတွက် အရေးပါတဲ့ လှုပ်ရှားမှုကို ဖော်ပြပါတယ်။

(b) အဖြေ.... ကျွန်တော်/မ ဟာ မင်းနဲ့အတူတူ.............ဆိုတဲ့ နောက်ဆက်စကားစုက ဖော်ညွန်းတာက အခုလောလောဆယ်မှာ သင့် အချစ်ရေးမှာ အလိုအပ်ဆုံးလို့ ခံစားနေရတဲ့အရာကို ထင်ဟပ် ဖော်ညွှန်းပါတယ်။

ဥပမာ... နှစ်ယောက်အတူတူ အချစ်သက်သေထူမယ်၊လို့ ထည်ခဲ့ရင် ချစ်သူနဲ့ကိုယ်နဲ့ကြားက အချစ်ရေးမှာ စိတ်ပူပန်နေရတဲ့အရာက နှစ်ဦးသားကြားမှာ အချစ်တွေ အေးစက်နေတယ်လို့ခံစားနေရတယ်လို့ ဖော်ပြ ပါတယ်။

သို့မဟုတ်.. နှစ်ယောက်တူတူ စားသောက်ဖို့သွားကြမယ်၊အဲလိုဖြေခဲ့ရင် ချစ်သူနဲ့အတူတူ တစ်နေရာရာမှာ အေးအေးဆေးဆေး သွားပြီး စားသောက်ချင်စိတ် ရှိပြီး အဲဒီလို စားသောက်ဖို့ အခွင့်အရေးမရှိသေးတာကို ဖော်ပြပါတယ်။နှစ်ဦးသား အေးအေးဆေးဆေး တွေ့ကြဖို့အချိန်တွေ လိုအပ်နေတယ်လို့လည်း ခံစားနေရပါတယ်။ ရင်းရင်းနှီးနှီးဆက်ဆံရေး လိုအပ်နေတာကို စိတ်ပူနေပါတယ်လို့ ဖြေထွက်တယ်။

(c) အဖြေ....မှာဖြည့်စွက်ခဲ့တဲ့ စကားစုကတော့ သင်ခံစားနေရတဲ့ စိတ်ဖိစီးမှုတွေကို ဖြေဖျောက်တဲ့ နည်းလမ်းကို ဖော်ညွန်းပေးပါတယ်။

အားလုံးနဲ့ ပျော်ပျော်ပါးပါး ဆူညံအော်ဟစ်ပစ်ချင်သူ ၊ တစ်နေရာရာ သွားချင်သူ စသဖြင့် အဖြေတွေအားလုံးဟာ မိမိရဲ့စိတ်ထွက်ပေါက်ကို ဖွင့်ပေးချင်တဲ့ နည်းလမ်းတွေကို ဖော်ပြတာ ဖြစ်ပါတယ်။

ဒီစမ်းသပ်ချက်ကို ချစ်သူနဲ့ နှစ်ယောက်အတူတူ (သို့) ခင်မင်သူ နှစ်ယောက် အတူတူ ဖြေကြည့်ခြင်းအားဖြင့် သူ့ရင်ထဲက ခံစားချက်တွေကို နားလည်ပြီး သူလိုအပ်နေတာကို ကိုယ်က ဖြည့်စွက် နိုင်အောင်ကြိုးစားရင်း နှစ်ဦးကြားက သံယောဇဉ်ကြိုးပိုပြီး ခိုင်ခိုင်ချည်နှောင်ထားဖို့ အခွင့်အရေး ရှိလာမှာပါ။ အားလုံး ပျော်ပျော် ရွှင်ရွှင်နဲ့ ဒီစမ်းသပ်ချက်လေးကို ဖြေဆိုကြည့်နိုင်ပါစေ။


ချစ်ခင်လေးစားလျှက်...
ညခင်း

လက်ရေးထဲမှာ အဖြေရှာ။

10

ညခင်း ရှိကို ရောက်ရှိလာ တဲ့ လမင်းရဲ့စာလေး တစ်စောင် ကို အရင်းပြု ၍ ဒီ ပိုစ့်လေးဖြစ်လာခဲ့ပါတယ်။ လက်ရေးနဲ့ရေးထားတဲ့စာလေးပါ။ညခင်းရှိရောက်လာတဲ့ရက်အတွင်း အလုပ်များနေတာနှင့် စာလေးအကြောင်း၊ ပြောဆိုဆွေးနွေးဖို့မေ့နေခဲ့တယ်။ဒါကိုဘယ်တုန်းကတည်းက အပြစ်တင်ချင်နေလဲမသိတဲ့... လမင်းက စိတ်ဆိုးဆိုးနဲ့ ရန်ထောင်လာပါတယ်။ တူ..လုပ်တဲ့သူကတော့ ၀မ်းသာ အားရ တီလေး ပျော်ရွှင်ပါစေလို့ စာပို့ပေးရတယ်။ တီလေးက အလေးမထားဘူးတဲ့။ အပြစ်တင်ခံရတယ်။ဟုတ်လဲ ဟုတ်လောက် ပါတယ်။ အလေးမထားသလိုဖြစ်သွားတယ်။ တွေ့ပချီးနော် တူတူလ ရေ။

လမင်းရဲ့လက်ရေးလေးက သေသေသပ်သပ်၊နဲ့ စနစ်ကျကျ ဖြစ်နေတာကို ကြည့်ရင်း ဒီပိုစ့်လေးနဲ့ ဘလော့မောင်နှမများကို လည်း သိစေချင်လို့ရေးလိုက်တာပါ။.....လက်ရေးထဲမှာ အဖြေရှာ ကြည့်မယ်။

စာလုံးကို ပုံစံအမျိုးမျိုးဖြင့် မိမိတို့နှစ်သက်သလို၊ အကျင့်ရှိသလို ရေးသားတတ်ကြတယ်။ အ၀ိုင်းရေးသူ၊ လေးထောင့်ရေးသူ၊ အချွန်ရေးသူ၊ အစောင်းရေးသူ စသည်ဖြင့် အမျိုးမျိုး ရေးသည်ကို တွေ့ရှိရ၏။

၁။ အ၀ိုင်းပုံစံဖြင့်ရေးသူ။
သဘာဝကို မြတ်နိုးခုံမင်သူဖြစ်သည်။ စိတ်ရှည်၍ ကြင်နာသနားတတ်သူဖြစ်သည်။ ထိုအ၀ိုင်း ရေးရာ၌ စနစ်ကျလျှင် သေသပ်လျှင် အနုပညာဆန်သောသူဖြစ်သည်။ အ၀ိုင်းပုံစံဖြစ်သော်လည်း ဖြစ်ကတတ်ဆန်း ရေးသူမှာ ပျင်းရိတတ်သူဖြစ်သည်။

၂။ လေးထောင့်စာလုံးပုံစံ။
အချို့သောသူများမှာစာလုံးများကိုလေးထောင့်ဆန်ဆန် ရေးသားတတ်သည်။ ထိုသူများမှာစိတ်ဓာတ်ကြံ့ ခိုင်ဖြောင့်မတ် သူများဖြစ်ကြသည်။လုပ်စရာကိစ္စကိုပြတ်သားစွာဆောင်ရွက်တတ်သူ များဖြစ်သည်။ သို့သော် လည်းစာလုံးအရေးအသား သပ်ရပ်စနစ်ကျမှု ရှိမရှိ၊ အစိပ်အကျဲပေါ်မူတည်၍စိတ်ဓာတ်မာကြောခက်ထန်သူ လည်းဖြစ်သွားတတ်သည်။

၃။ အလျားရှည်မျောမျော ပုံစံ။
စာလုံးသည် ထောင်လိုက်အရှည်ထက် အလျားလိုက်အရှည်ကပို၍ရှည်လျှင်ထိုသူသည် အခြေခံကျကျ တွေးခေါ်မြော်မြင်တတ်သူဖြစ်သည်။ဘက်မျှသူလည်းဖြစ်သည်။

၎။ ထောင်လိုက်ရှည်သော ပုံစံ။
စာလုံးများ၏ ပုံမှန်အနေအထားမှာ အ၀ိုင်းပုံဖြစ်သည်။သို့သော်လည်းအလျားထက် ထောင်လိုက်ကပို၍ ရှည်လျှင်ဖြတ်ထိုးဥာဏ်ကောင်းသည်။အလုပ်ကိုအပေါ်ယံအမြင်နှင့်သာလုပ်တတ်သည်။

၅။ ချွန်းသောပုံစံ။
အချို့မှာ စာလုံးခပ်ချွန်းချွန်းရှိနေတတ်ကြသည်။သူတို့သည်တစ်ခါတစ်ရံ တယူသန်ပြီးစိတ်ဆိုးလွယ် သော်လည်း ဖြောင့်မတ်ကြသူများဖြစ်ကြ၏။

၆။ စောင်း၍ရေးသော ပုံစံ။
အချို့သူများမှာ စာလုံးကိုရေးသားရာ၌ အရှေ့ ဘက်သို့ဖြစ်စေ၊ အနောက်ဘက်သို့ဖြစ်စေ စောင်း၍ရေးတတ်ကြသည်။ ယင်းတို့သည် ပရိယာယ်မာယာကြွယ်ဝသူများဖြစ်ကြသည်။
အရှေ့ဘက်သို့ စောင်း၍ ရေးသောသူများမှာ မူ ပရိယာယ်မာယာ ကြွယ်ဝသော်လည်း အခြားသူကို ကူညီတတ်သူဖြစ်သည်။
အနောက်ဘက်သို့ စောင်း၍ရေးသူများမှာ သူတို့၏ ပရိယာယ်မာယာကြွယ်ဝမှုကို တစ်ခါတစ်ရံလွဲမှားသော နေရာ၌ အသုံးပြုတတ်ကြလေသည်။
လက်ရေးကို အမျိုးမျိုးစောင်း၍ရေးတတ်သူများမှာမူ စိတ်အမျိုးမျိုး ပြောင်းတတ်ကြသူများဖြစ်ကြသည်။

၇။ လက်ရေးမတည်ငြိမ်သူများ။
အချို့မှာ လက်ရေးကို အမျိုးမျိုးပုံစံပြောင်း၍ ရေးတတ်ကြ၏။ ထိုသို့ရေးသားကြသူများမှာ အလုပ်တစ်ခုကို စွဲစွဲမြဲမြဲမလုပ်တတ်ချေ၊ တစ်ခုမပြီးခင် တစ်ခုပြောင်း၍ လုပ်တတ်ကြသူများဖြစ်သည်။ တည်ငြိမ်အောင် ကြိုးစားကြရပေမည်။

လမင်းရဲ့လက်ရေးက...(၂) အမျိုးအစားဖြစ်ပါတယ်။
ညခင်းရဲ့ လက်ရေးကတော့...(၄) အမျိုးအစားဖြစ်ပါတယ်။


ချစ်ခင်လေးစားလျှက်...
ညခင်း

သိပ္ပံပညာရှင်ရဲ့ မှတ်စု။

8

ညခင်းပြောမယ့်ဟာသလေး...

သိပ္ပံပညာရှင် အရှုးတစ်ယောက်သည် ဖားတစ်ကောင်ကို မြေပြန့်ပေါ်တင်၍ ခုန်စမ်း ဟု အော်၏။

ဖားက ခုန်၏။ (ပညာရှင်က မှတ်စု စာအုပ်ထဲ၌ ဖားတို့သည် ခုန်နိုင်၏ ဟု မှတ်၏။)

ဖား၏ ခြေတစ်ချောင်းကို ဖြတ်၍ ပညာရှင်က ခုန်စမ်းဟု အော်၏။
ဖားက ခုန်၏။ (ပညာရှင်က မှတ်စုစာအုပ်ထဲတွင် ဖားတို့သည် ခြေ၃ချောင်းဖြင့် ခုန်နိုင်၏ ဟု မှတ်၏)

ဖား၏ နောက်ခြေတစ်ချောင်းကို ဖြတ်၍ ပညာရှင်က ခုန်စမ်းဟု အော်၏။
ဖားက ခုန်၏။ (ပညာရှင်က မှတ်စုစာအုပ်ထဲတွင် ဖားတို့သည် ခြေ၂ချောင်းဖြင့် ခုန်နိုင်၏ ဟု မှတ်၏)

ဖား၏ ကျန်ရှိနေသော ခြေထောက်၂ချောင်းမှ တစ်ချောင်းကိုဖြတ်၍ ပညာရှင်က ခုန်စမ်း ဟု အော်၏။
ဖားက ခုန်၏။ (ပညာရှင်က မှတ်စုစာအုပ်ထဲတွင် ဖားတို့သည် ခြေ၁ချောင်းဖြင့် ခုန်နိုင်၏ ဟု မှတ်၏)

ဖား၏ နောက်ဆုံးကျန်ရှိသော ခြေတစ်ချောင်းကိုဖြတ်၍ ပညာရှင်က ခုန်စမ်းဟု အော်၏။
ဖားက မခုန်။ ပညာရှင်က ခုန်စမ်းဟု ခပ်ကျယ်ကျယ် အော်၏။ ဖားက မခုန်။
(ပညာရှင်က မှတ်စုစာအုပ်ထဲ၌ ဖားတို့သည် ခြေထောက် မရှိလျှင် နားလည်းမကြားတော့) ဟုမှတ်ချက်ချ၏။

အာာာာာ .....အော်ပြီး..မရီနဲ့လေ...သိပ္ပံပညာရှင်က...ခုန်ခိုင်းနေဦးမယ်။

အားလုံးပြုံးပျော်နိုင်ကြပါစေ။
ညခင်း

အကျည်းတန်သော ဘဲကလေး

8

ငယ်ငယ်က ပုံပြင်လေး တစ်ခု........

ဟင်ဒါဆင်၏....အကျည်းတန်သော ဘဲကလေး ပုံပြင် ပါ....။
နို့အိုးတိုက်မိသော အပြစ်ကြောင့် ကြောက်အားလန့်အားနှင့် အိမ်မှထွက်ပြေးရသော ဘဲကလေး၊ လယ်တောထဲ ရောက်သွားသည်။ ကိုင်းပင်တွေကြားထဲ ရေစပ်စပ်မှာ ပုန်းနေစဉ် အမဲလိုက် ခွေးကြီးနှင့် တွေ့ရသည်။ အမဲလိုက်ခွေးကြီးက သူကိုမြင်တော့ ပါးစပ်ကြီးကို ဖြဲပြပြီး ကိုက်မစားပဲ ထွက်သွားသည်။ ဘဲကလေးမှာ အလွန်ကြောက်ရွံ့ပြီးစိတ်ဓာတ်အကျကြီး ကျနေချိန်ဖြစ် ၍ သူ့ကို မကိုက်ဘဲ ထွက်သွားသော ခွေးကြီးကို မြင်သော အခါ.........

ငါ့နှယ် အကျည်းတန်လွန်းလို့ ခွေးကြီးကတောင် မစားချင်ဘူး ဟု သူ့ကိုယ်သူ တွေးမိသည်။

ဒီပုံပြင်လေးကိုဘာလို့နှစ်သက်မိလည်းဆိုရင်...လူရယ်လို့ဖြစ်လာကတည်းက...ငွေဇွန်းကိုက်ခါ ရွှေလင်ပန်းနှင့် အချင်းဆေး၊ ပန်းမွေ့ရာ ရွှေကော်ဇော အဆင်သင့်ခင်းပေးမဲ့ဘ၀မျိုးမဟုတ်ခဲ့ဘူးလေ။ ကိုယ်လမ်းကို ထွင် ကစဥ့်ကရဲ အိုးနင်းခွက်နင်း ၀င်ရောက်လာရင်း၊ စိတ်ဓာတ်ကျစရာများကြုံတွေ့လာရပါတယ်။ထိုအခါတိုင်း ပုံပြင်ထဲ က ဘဲလေးကို သွားသတိရမိလို့ပါပဲ။

ညခင်း ဆားချက်ပြီ...ရေးစရာ က လက်ကုန်နေပြီလေ။ ဟီးးးးဟိ


ညခင်း

သီရိကျက်သရေ ရှိအောင်နေ...။

9

ဒီပိုစ့်လေး ရေးဖြစ်တာက.....ဒီလိုဒီလို....

လူမှာကိုယ်စောင်နတ်ရှိတယ်ဆိုတာယုံသလား၊ လို့ လမင်းကို ညခင်းမေးဘူးပါတယ်။ လမင်းကတော့ ယုံဘူးတဲ့။
မနက်စောစောမထရင် ကိုယ်စောင့်နတ်မကြိုက်ဘူး၊ ထပြီးပြီးချင်းလည်းမျက်နှာမသစ်ပဲ အကြာကြီးမနေရဘူး။ ကိုယ်စောင့်နတ်မကြိုက်ဘူးလို့ ပြောမိပါတယ်။ လမင်း က...အာာာ...မယုံပါဘူး။ လူရှိနေလို့ သူရှိရတာ.. .မကြိုက် လဲနေပေါ့ တဲ့။ ကောင်းရော...နော်။ ညခင်းလဲရှင်းမပြတတ်ဘူးလေ။

အဲဒါနဲ့ ရှေးလူကြီးတွေပြောတာပဲ...ရှေးထုံးလဲ မပယ်နဲ့ ဈေးသုံးလည်းမလွယ်နဲ့ တဲ့ ဆိုရိုးစကားရှိတယ်။ တီလေးတော့ ယုံတယ်လို့ပြန်ပြောမိတယ်။ အခုတော့ လမင်းကို ပြန်ပြောပြဖို့ စကားရပါပြီ.... ရှာဖတ်ထားတာလေးပါ။...ကဲ လမင်းကို ပြောပြ ရင်း ပိုစ့်လေး တစ်ခုဖြစ် ဖြစ်လာခဲ့တယ်....

ကိုယ်စောင့်နတ် တစ်ကျိပ်တစ်ပါးရှိတယ်လို့ စာပေတွေထဲမှာ ဆိုထားပါတယ်။ အရေးကြီးတာက သီရိကျက်သရေကို ပေးနိုင်စွမ်းရှိတဲ့ နတ်(၃)ပါး ကြိုက်နှစ်သက်အောင် နေတတ်ဖို့ဘဲ၊ အဲဒီနတ်သုံးပါးဟာ
(၁)ဦးခေါင်းကိုစောင့်တဲ့နတ်
(၂)ကိုယ်ကို စောင့်တဲ့နတ်
(၃)ခြေကို စောင့်တဲ့နတ် ဆိုပြီးရှိတယ်။

ဦးခေါင်းကိုစောင့်တဲ့နတ်ဟာ နံနက်အခါ ဦးခေါင်းကို သန့်ရှင်းစွာ ပြုလုပ်လေ့ရှိသူကို နှစ်သက်ပြီး စောင်မ ကြည့်ရှုတတ်တယ်။ ကြိုးတန်း၊ ကြိမ်တန်း၊ အိမ်အောက်၊ လှေခါး၊ တံတား၊ ပုဆိုးအ၀တ်အောက် လျှိုဝင်ခြင်း ကို မကြိုက်ဖူး။

ကိုယ်ကို စောင့်တဲ့နတ်က.. နေ့ အခါ ကိုယ်ခန္ဒ္စာကို သန့်ရှင်းအောင် နေထိုင်တတ်သူကို စောင့်ရှောက်သတဲ့။
မိမိဝတ်ပြီးသား အ၀တ်ကို အထက်အောက်ပြန်ဝတ်ခြင်းကို မကြိုက်ဖူး၊

ခြေ ကို စောင့်ရှောက်တဲ့နတ်ကတော့.. ညအခါ ခြေကို သန့်ရှင်းစင်ကြယ်စွား ဆေးကြောအိပ်ယာဝင်တဲ့ သူကို စောင့်ရှောက်သတဲ့။ ခြေကို မသန့်မရှင်းပြုပြီး အိပ်ယာဝင် လူကို မကြိုက်ဖူးတဲ့။

အဲဒါကြောင့် လဲ ရှေးလူကြီးတွေက...
မနက်အခါ ဦးခေါင်းမှာ ကျက်သရေနေတယ်။
နေ့ခင်းအခါ ကိုယ်မှာ ကျက်သရေနေတယ်၊
ညဥ့်အခါ ခြေမှာ ကျက်သရေနေတယ်။
ဒါကြောင့် အခါကို လိုက်ပြီး သန့်ရှင်းအောင် နေရမယ်လို ပြောခဲ့တာပါ။

ဒီလောက်ဆိုရင် လူမှာ သီရိကျက်သရေကို ပေးဆောင်တတ်တဲ့ နတ်(၃)ပါး ရှိတယ်ဆိုတာ...လုံလောက်ပါပြီ။

ကျက်သရေ ဆိုတာကရော...
မနက်ခင်းရဲ့ ကျက်သရေ ကိုစဉ်းစား ကြည့်ရအောင်... ဗုဒ္ဒ္စဘာသာမြန်မာလူမျိုးများ မနက်ခင်း ကျက်သရေ အထူးသဖြင့် ဂရုပြု လေးထားတတ်ကြပါတယ်။ မနက်မိုးသောက်အလင်းရောက်တာနှင့် ဘုရားရှိခိုးပုတီးစိပ်၊ မေတ္တာ ဘာဝနာ ပွားများ..။ မကောင်းသော အတိတ်နမိတ် ပါသောစကားများကို ရှောင်ရှား၍ နေ့တနေ့ရဲ့ အစကို ကျက်သရေရှိစွာနဲ့ စတင်လေ့ ရှိကြတာ အားလုံးအသိပါ။အဲဒီတော့ ကျက်သရေ ဆိုသည်မှာ မိမိရင်ထဲမှာ အေးမြပြိး တည်ငြိမ်တဲ့ အလှ မျိုး ဟုမှတ်သားမိပါတယ်။ အဲဒီတော့ လူတစ်ယောက်ဟာ အမြဲတမ်း ကျက်သရေ ရှိအောင် နေထိုင်တတ်ဖို့ အရေးကြီးပါတယ်...

ကျက်သရေနဲ့ပတ်သတ်ပြီး ထပ်ပြီးမှတ်သားမိတာကတော့...
တနင်္ဂနွေနေ့မှာ ဦးခေါင်းမှာ ကျက်သရေနေတယ်။
တနင်္လာ ပခုံးမှာ ကျက်သရေနေတယ်။
အင်္ဂါနေ့ ကျောခုံးမှာ ကျက်သရေနေတယ်။
ဗုဒ္ဒ္စဟူး နှာခေါင်းမှာ ကျက်သရေနေတယ်။
ကြာသပတေးနေ့ လက်ရုံးမှာ ကျက်သရေနေတယ်။
သောကြာနေ့ က္ကုနြေ္ဒ ၌ ကျက်သရေနေတယ်။
စနေ့နေ့ တစ်ကိုယ်လုံးပြည့်အောင် နေတယ်။ လို့ ဆိုထားပါတယ်။

ဒီထက်သိချင်ရင်တော့ ရှေးဟောင်းစာပေတွေ နဲ့ လူကြီးသူမ တွေကို မေးမှ ရမယ်...ရှာဖတ်ခင်ရင်တော့ သမန္တစက္ခုဒီပနီကျမ်းမှာ လည်း ဖတ်ကြည့်လို့ရတယ်တဲ့....လမင်းရေ။

ဗဟုသုတ လေးအနေနဲ့ ပိုစ့်လေးရေးဖြစ်ခြင်းပါ။
ညခင်း

ပန်းရန်သုံးယောက် အကြောင်း နှင့် လူ ၅မျိုး။

5

ကလေးအရွယ်မှာတော့ ကစားတာပဲ သိသပေါ့။ အရွယ်ရောက်လာရင်တော့ အလုပ်လုပ်ရတယ်မဟုတ်ပါလား။ အလုပ်လုပ်တယ်ဆိုတာ လူလားမြောက်ကြောင်းပြတဲ့ အထင်ရှားဆုံးသင်္ကေတ ဆိုတဲ့စကားကိုလည်း မှတ်သားရဖူးပါတယ်။
အလုပ်နှင့်ပတ်သက်၍ မှတ်သားထားဖူးတာလေးများ ကို ပြန်ပြောပြပါရစေ....

ပန်းရန်သုံးယောက် အကြောင်း.............

ပထမ ပန်းရန်ကိုမေးသည်။ ဘာလုပ်နေသလဲ ပန်းရန်က မော့၍မျှပင်မကြည့်ပဲ ကျုပ် အုတ်စီနေတာ ဟူ၍ ပေါ့ပေါ့တန်တန်ဖြေ၏။

ဒုတိယ ပန်းရန်ကမူ အနည်းငယ် အလေးထားသော ပုံစံမျိုးဖြင့် နံရံတစ်ခု လုပ်နေတယ် ဟူ၍ ဖြေသည်။

တတိယ ပန်းရန်ကမူ ဂုဏ်ယူဝင့်ကြွားသော လေသံဖြင့် စိတ်အားထက်သန်စွာ ဖြေသည်။ ကျုပ်က ဘုရားကျောင်းတော်ကြီး တည်နေတာဗျ..။

အလုပ်လုပ်တာချင်းအတူတူ အလုပ်၏ ရည်ရွယ်ချက်ကို တိတိပပ ပြောနိုင်သူသည်သာလျှင် သူတစ်ပါးထက်ထူး၏။ အလုပ်ချင်း အတူတူ စေတနာထားတာချင်းကွာ၍ ရည်ရွယ်ချက်ခြင်း ကွာ၍ တန်ဖိုးခြင်း လည်းကွာသည်။

လောကတွင် လူ ၅မျိုးရှိသည်။ ယင်းတို့မှာ-
၁။ အလုပ်ရှောင်သူ။ ။ ထိုသူသည် အထက်လူကြီးများ မသိအောင် အလုပ်ခိုကပ်နေသူဖြစ်သည်။

၂။အလုပ် အ သူ ။ ။ ထိုသူသည် မိမိတကယ်နားမလည်သော်လည်း နားလည်သကဲ့သို့ ဟန်ဆောင်လုပ်ကိုင်နေသူ ဖြစ်သည်။

၃။ အလုပ် ပျင်းသူ ။ ။ ထိုသူသည် အလုပ်လုပ်ရန်ပျင်းရိသောကြောင့် ဆင်ခြေအမျိုးမျိုးပေး နေသူဖြစ်သည်။

၎။ အလုပ်လိမ်သူ။ ။ ထိုသူသည် အလုပ် ဆယ်ပြားတန်လုပ်၍ တကျပ်တန် အခတောင်းတတ်သော လူမျိုးဖြစ်သည်။

၅။ အလုပ်အားမကိုးသူ။ ။ ထိုသူသည် မိမိကိုယ်ကို မိမိအားမကိုးပဲ သူတစ်ပါး၏ နှားခေါင်းနှင့်အသက်ရှူသော လူမျိုးဖြစ်သည်။

အဆိုပါ ရှောင်သူ ၊ အသူ၊ ပျင်းသူ ၊ လိမ်သူ၊ အားမကိုးသူများ၏ အကြားမှ----တာဝန်ဟူသမျှကို ထမ်းရွက်ခြင်းအလုပ်ကို မခိုမကပ်လုပ်ကိုင်ခြင်း မိမိအလုပ် လုပ်သမျှနှင့် ထိုက်တန်သော အဖိုးအခကို သာ တောင်းခြင်း၊ စိတ်ပျက်ခြင်းများကို တိုက်ခိုက်၍ စိတ်ပျော်ခြင်းများကို လက်ခံခြင်းစသော အရည်အချင်းများနှင့်ပြည့်စုံသည့် အလုပ်သမားကောင်းဖြစ်ဖို့ကြိုစားကြပါစို့လို့......

ချစ်ခင်လေးစားလျှက်...
ညခင်း

သုံးကောင်ဖြစ်သွားမယ်။

4

အင်းဝခေတ် တောင်ဖီလာဆရာတော်ကြီးသည် ခွေးများကို အစာကျွေးနေရင်းက ကြီးသောခွေးက ငယ်သော ခွေးကို အနိုင်ကျင့်ပြီးကိုက်သောအခါ တဟဲ့ဟဲ့ဖြင့် မောင်းနေရ၏။ တစ်ချို့ခွေးကြီးများကား ဘယ်လောက်ပင်မောင်း မောင်း မရ၊ ပို၍သာ ဆိုးလာ၏။ ထိုအခါ ဆရာတော်ကြီးသည် စိတ်တိုသွား သဖြင့် တောင်ဝှေးကို ကိုင်မြှောက်လိုက်ရင်း ...

...တယ်........ဒီခွေးတွေ ရိုက်လိုက်ရ ငါပါ သုံးကောင်ဖြစ်သွားရော မယ်......ဟု ညည်းတွားရှာလေသည်။

ယခုလည်း ဆုတ်ကပ်ခေတ်ကြီးတွင် မကောင်းသော သူများကသာ များများလာသောအခါ အနည်းစုဖြစ်သော လူကောင်းများက မထူးပါဘူးကွား၊ သူများမိုးခါးရေသောက် ကိုယ်လည်းသောက်တာပဲ ကောင်းပါတယ်ဆိုပြီး မကောင်းတာကို လုပ်မိကြသူကများ၏။ ထိုသူမျိုးကား မိမိကိုယ်ကို သုံးကောင်ဖြစ်စေသူများသာ ဖြစ်၏။


ချစ်ခင်လေးစားလျှက်...
ညခင်း

ကိုယ်ကိုကိုယ်ဖော်သူ ခုနှစ်ဦး

3

ကိုယ်ကိုကိုယ်ဖော်သူ ခုနှစ်ဦး
၁။ တစ်တီတူးငှက်
၂။ တောက်တဲ့
၃။ ဇီးကွက်
၎။ ဒီးဒုတ်
၅။ ရွှေပြည်စိုး
၆။ ဥသြ
၇။ ခွေးခေါ်ရစ်ငှက်

တကယ်ဖြစ်ရပ်မှ တိုင်တန်းနစ် သင်္ဘောကြီး

9


တကယ်ဖြစ်ရပ်မှ တိုင်တန်နစ် သင်္ဘော

၁။ သဘောင်္မှာ ဗြိတိသျှသင်္ဘော။
သင်္ဘောလိုင်းမှာကြယ်ဖြူလိုင်း၊ထိုကြယ်ဖြူလိုင်းတွင် ရှယ်ယာအများဆုံးထည့်ဝင်သည့် ပိုင်ရှင်မှာ အမေရိကန်သူဌေး ဂျေပီမော်ဂန်။
၂။ မည်သည့်အခါမျှ မနစ်မြုပ်နိုင်အောင်တည်ဆောက်ထားသည်။
၃။ တစ်နာရီတွင် ရေမိုင် ၂၃မိုင်မှ ၂၅မိုင် အမြန်နှုန်းသွားနိုင်သည်။
၎။ သဘောင်္အရှည် ၈၈၂ပေ။
၅။ အသက်ကယ်လှေ ၂၀ပါသည်။
၆။ မြင်းကောင်ရေ ၅၀ ၀၀၀အား။
၇။ ရေခဲတုံးကြီးနှင့် တိုက်ပြီး နစ်မြုပ်သည်။
၈။ လူ ၁၅၂၂ သေသည်။
၉။ ဧပြီလ ၏ တစ်ညတွင် ဖြစ်ပွားသည်။
၁၀။ ပင်လယ်ပြင်သည် ငြိမ်သက်နေသည်။
၁၁။ အရှိန်အနှုန်း အမြင့်ဆုံး ခုတ်မောင်းနေသည်။
၁၂။ မြောက်အတ္တလန်တိတ် သမုဒ္ဒရာအကျော် နယူးဖောင်းလန် ကမ်းခြေအနီးတွင်ဖြစ်ပွားသည်။
၁၃။ ပန်ကာ သုံးလုံးတပ်သင်္ဘော။
၁၄။ သင်္ဘောတွင် ရေလုံခန်း ၁၅ခန်းပါသည်။

နှိုင်းယှဉ်ကြည့်လျှင် တိုက်ဆိုင်မှုများသည် အလွန်ပင်အံ့သြစရာကောင်းလှပါသည်။ ၀တ္တုထွက်ပြီး ၁၄နှစ်အကြာတွင် တကယ့်ဖြစ်ရပ်ဖြစ်ပွားခဲ့သည်။ စာရေးဆရာ မော်ဂန်ရောဘတ်ဆင်သည် ကြိုတင် အကြားအမြင်ရ ထားသည့်သဘောဖြစ်သည်။

ကမ္ဘာကျော် လက္ခဏာဆရာကြီး ကိုင်ရိုက လည်း တိုက်တန်းနစ် သဘောင်္နှင့်ပတ်သက်၍ ကြိုတင် ဟောကိန်းထုတ်ဖူးသည်။ သူက အင်္ဂလိပ်သတင်းစာဆရာ ၀ီလျံစတက် ကို ၁၉၁၂ခုနှစ် ၊ ဧပြီလ လယ်တွင် ရေကြောင်းခရီးမသွားရန် ဟောဖူးသည်။ ၀ီလျံစတက်က တိုက်တန်နစ် သင်္ဘောနှင့် ခရီးသွားမည်ဟု ထပ်ပြောသောအခါ သူက တားမရရင်တော့သွားပေါ့၊ ဒါပေမဲ့ ပြန်လမ်းမရှိဘူးနော် ဟုကား သတိပေးလိုက်သည် ဆို၏။ ၀ီလျံစတက်က အယုံအကြည်မရှိ ၍ ခရီးသွားခဲ့သည်။ ၁၉၁၂ ခုနှစ် ဧပြီလ ၁၄ ရက်တွင် တိုက်တန်နစ် သင်္ဘောနစ်ရာတွင်ပါဝင်ပြီး ကွယ်လွန်သွားသည်။

အသံထွက်၊ အတိတ်နိမိတ်ကို ယူတတ်သော မြန်မာ ဂမ္ဘီရပညာရှင်များက လည်း တိုက်တန်နစ် (တိုက်တန်းနစ်) သင်္ဘော၏ ဗျုပ္ပတ်အမည် ကိုယ်နှိုက်ကပင် တိုက်တာ နဲ့ တန်းနစ် တာပဲဟု ဆိုကြလေရာ....။


ချစ်ခင်လေးစားလျှက်...
ညခင်း

ဝတ္တုထဲမှ တိုင်တန်းနစ် သင်္ဘောကြီး

1


စားရေးဆရာ ဟိန်းလတ်၏ သိပ္ပံဖြင့်ရှင်းပြ၍မရနိုင်သော ဖြစ်ရပ်ဆန်းများ စာအုပ်မှ ဖတ်မိရသမျှ.... ပြောပြမယ်နော်....

ယခု ကမ္ဘာကျော် တိုက်တန်းနစ် သဘောင်္ကြီးနှင့် ပတ်သက်သောဖြစ်ရပ်တစ်ခုပါ..
၁၈၆၂ ခုနှစ်တွင် မွေးဖွားသော နယူးယောက်မြို့သား မော်ဂန်ရောဘတ်ဆင်သည် အရွယ်ရောက်လာသောအခါ စာရေးဆရာဖြစ် လာသည်။ သူသည် တကူးတက ကြိုးစားစရာမလိုဘဲ စာရေးဆရာဖြစ်လာသူဖြစ်၏။ သူ့အသက် ၃၆နှစ်တွင် သူ့မိတ်ဆွေတွေကိုပြောပြ သည်။ ငါစာရေးမယ်ကြံလိုက်တိုင်း ငါ့လက်ကို တစ်ယောက်ယောက်က ကိုင်ပြီးရေးပေးနေသလိုပဲ၊ ငါ့ဘာသာငါတောင်ဘာမှ မသိလိုက်ပဲ အချိန်တန်ရင် ၀တ္တုတစ်ပုဒ်ဖြစ်သွားတာတွေ့ရတယ်။နားထဲမှာ အသံတွေကြား၊အာရုံထဲမှာ မြင်ကွင်းတွေမြင်လာတာကို လက်ကိုတစ်စုံ တစ်ရာက ၀င်စီးပြီးရေးချလိုက်တာပဲ။ထိုအာရုံဖြင့် ၁၈၉၈ တွင်သူ၏ ပထမဆုံး ၀တ္တု တိုက်တန်သဘောင်္ပျက်ခြင်း (The Wreck of the Titan) စာအုပ်ထွက်လာသည်။ဇာတ်လမ်းမှာ တန်ချိန် ၇၀,၀၀၀ ရှိသောကမ္ဘာပေါ်တွင် အလုံခြုံ စိတ်အချရဆုံး ပင်လယ်ကူးသဘောင်္ကြီး ဖြစ်သော တိုက်တန် သဘောင်္ကြီးသည် သူ၏ ပထမဆုံးခရီးတွင်ပင် ရေခဲတုံးကြီးအား တိုက်မိပြီးနစ်မြုပ်သွားပုံဇာတ်လမ်းဖြစ်၏။ သဘောင်္ကြီးတွင် အသက်ကယ်လှေ(၂၄)စင်းသာပါသဖြင့်လူပေါင်း၂၅၀၀ရေနစ်သေခဲ့ကြသည်ဟုလည်း ဇာတ်လမ်းထဲတွင်ရေးထားသည်။ ဒါက ၀တ္တု တကယ်လည်း သမိုင်းတွင် တိုက်တန်းနစ် သဘောင်္ကြီး နစ်မြုပ်ခဲ့ပါသည်။ ၀တ္တုနှင့် တကယ်ဖြစ်ရပ်ကို ဇယားဖြင့် နှိုင်းယှဉ်ကြည့်လျင် ပို၍စိတ်ဝင်စားစရာကောင်း၏။

ဝတ္တုထဲမှ တိုင်တန်း နစ်သဘောင်္ာ
၁။ သဘောင်္က ဗြိတိသျှသဘောင်္ာ၊ သို့သော် ပိုင်ဆိုင်သူက အမေရိကန်သူဌေး။
၂။ မည်သည့်အခါမျှ မနစ်မြုပ်နိုင်သော သင်္ဘော။
၃။ တစ်နာရီလျှင်ရေမိုင် ၂၅မိုင် အမြန်နှုန်း။
၎။ သဘောင်္အရှည် ၈၀၀ ပေ။
၅။ အသက်ကယ်လှေ ၂၄ခုပါသည်။
၆။ မြင်းကောင်ရေ ၄၀ ၀၀၀ အား။
၇။ ရေခဲတုံးကြီးနှင့်တိုက်ပြီး နစ်မြုပ်သည်။
၈။ လူ ၁၅၀၀ ကျော်သေသည်။
၉။ ဧပြီ ၁ရက်၏ တစ်ညတွင်ဖြစ်ပွားသည်။
၁၀။ ပင်လယ်ပြင်သည် ငြိမ်သက်နေသည်။
၁၁။ အရှိန်နှုန်း အမြင့်ဆုံး ခုတ်မောင်းနေသည်။
၁၂။ မြောက်အတ္တလန်တိတ် သမုဒ္ဒရာအကျော်
နယူးဖောင်းလန်း ကမ်းခြေအနီးတွင် ဖြစ်ပွားသည်။
၁၃။ ပန်ကာ သုံးလုံးတပ်သဘောင်္။
၁၄။ သဘောင်္ ရေလုံခန်း ၁၅ခန်းပါသည်။

တကယ်ဖြစ်ရပ်မှ တိုင်တန်းနစ် သင်္ဘော အကြောင်း
............................ဆက်ရန်ရှိ


ချစ်ခင်လေးစားလျှက်...
ညခင်း

နှစ်သက်မိတဲ့ကဗျာလေးများနှင့် အမြင်

3

နှစ်သက်မိတဲ့ကဗျာလေးများနှင့် အမြင်

ကျမ…ပထမဆုံးကဗျာလေးများနှင့် စတင်ထိတွေ့ခဲ့သည်မှာ အမှတ်တရအားဖြင့် ၁၉၉၃ ခုနှစ်နွေဦးရာသီမှာ ဖြစ်ပါတယ်။ထိုစဉ်က နွေရာသီကျောင်းပိတ်ရက်ဖြစ်လို့ စာပေမျိုးစုံ၊ မဂ္ဂဇင်းမျိုးစုံ စာရေးစရာမျိုး စုံဖတ်ရှုခဲ့ရာ မထင်မှတ်ဘဲ ကဗျာလေးများကို စွဲငြိသွားခဲ့မိပါတယ်။ ကဗျာလဲ ရေးတတ်ချင်ခဲ့မိပါတယ်။ ပထမဆုံးကဗျာလေးကတော့…..

မိုးပေါ်မှာ ကြယ်တစ်လုံး

တိမ်ဖုံးပါလို့ လမသာ

သာတဲ့အခါသာပါလိမ့်မယ်

နတ်ဒေ၀ါသူဖန်ဆင်း

ဖိုးရွှေလမင်း

ဒီကဗျာလေးကတော့ ငယ်စဉ်ကတဲက မေမေရဲ့ ရေရွတ်သံလေးနဲ့ ရင်းနှီးခဲ့ရတာပါ။ ကဗျာလေးမှန်း သိခဲ့ပါဘူး။ အဲဒီနောက် ဆရာမင်းသုဝဏ်ရဲ့ သပြေညိုကဗျာလေး….

သူ့ခေါင်းမှာတဲ့ သပြေညို

ငါ့ခေါင်းမှာတဲ့ သပြေညို

တို့ပြည်မှာ တို့မေကမ်းပါတဲ့

သပြေညို ရွှေဘိုပန်းရယ်က

လန်းလျက်ပါကို။

မြန်မာလည်းဆန်၊ အညာလည်းဆန်သည်။ သပြေညို ရွှေဘိုပန်းဆိုသည့်တင်စားပုံလှ၍ စိတ်နှလုံးကို ရွှင်လန်းဝမ်းမြောက်စေပါသည်။ ပြီးတော့ ကျမတို့ငယ်ငယ် သူငယ်နှပ်စား မူလတန်းကျောင်းသား ဘ၀က သံပြိုင်သီဆိုဘူးခဲ့ကြတာ॥အားလုံးလည်းသီဆိုဘူးကြပါတယ်။ သပြေသီးကောက်ကဗျာလေးပါ ဆိုဘူးတာမှ ဟန်တွေ ပန်တွေနှင့်ပေါ့။ သံပြိုင်သီကျူးရတိုင်း အတိုင်းမသိပျော်ရွင်ခဲ့ရပါတယ်။

ဝါဆိုဝါခေါင် ရေတွေကြီးလို့

သပြေသီးမှည့် ကောက်စို့ကွယ်

ခရာဆူးချုံ တောနက်ထဲက

မျှောနက်မည်းကြီးတွယ်တတ်တယ်။

မျှောနက်ဆိုတာ ချိုနဲ့လားကွယ့်

မြွေနဂါးတောင်ကြောက်ဘူးကွယ်။

တို့လဲ ကြောက်ပေါင် အတူသွားစို့

အုန်းလက်နွားလေး ထာခဲ့မယ်။

အနက်အဓိပ္ပါယ်လေးမှာ ရိုးစင်းလွယ်ကူ၍ရွတ်ဆိုသီဆိုလို့အင်မတန်ကောင်းခဲ့ပါတယ်။ ကျေးလက် တောရွာသဘာဝ၊မြန်မာ စရိုက်ဓလေ့နှင့် ကိုက်ညီပြီး ကလေးတို့ခံစားချက်ကိုနှိုးဆော်နိုင်သည်။

နောက်ထပ်ကြိုက်နှစ်သက်ခဲ့ဘူးတဲ့ကဗျာလေးကတော့….

ပျဉ်းမငုတ်တို

စစ်ကိုလည်းကြုံ၊ ခြ အုံ့လည်းဖြစ်

ဓားထစ်လည်းခံ

လေပြင်းခိုက်၍ ၊ မငိုက်ဦးခေါင်း

နွေသစ်လောင်းသော်၊

ရွက်ဟောင်းညှာကြွေ၊

ရွက်သစ်ဝေ၍

လေပြည်ထဲတွင်

ငယ်ရုပ်ဆင်သည်

အသင်

ယောင်္ကျားကောင်းတကား။

ပျဉ်းမငုတ်တို့သည် စစ်ဘေးစစ်ဒဏ်ကိုလည်းခံခဲ့ရသည်။ လူသားတို့၏ ဓားဖြင့်ခုတ်ထစ်ခြင်းကိုလည်းံ ခဲ့ရသည်။ခြစားဒဏ်၊ ရာသီဥတုတို့၏ပြောင်လဲတိုက်ခိုက်မှုဒဏ်ကိုလည်းခံခဲ့ရသည်။သို့တိုင်အောင် အရှုံးမပေးပဲ ယောင်္ကျားကောင်းပီသစွာဖြင့် နွေသစ်လောင်းချိန်တွင် ရွက်နုဝေနိုင်ခဲ့သေးသည်။ ယောင်္ကျားကောင်းယောင်္ကျားမြတ်တို့၏ ခံနိုင်ရည်သတ္တိ နှင့်အညံ့မခံစိတ်ကိုဖော်ကျူးထား ၍အလွန်နှစ်ခြိုက်မိခဲ့တယ်။

ဒီကဗျာလေးတွေကို အပျော်သဘောဖတ်ဖြစ်ခဲ့ခြင်းမှ ရရှိလာတဲ့ အကျိုးကျေးဇူး၊ ကဗျာဆရာအပေါ် အမြင် နဲ့ခံစားမှုလေးတွေကတော့….

လောကတွင် အဖြစ်ရှိသလို အပျက်ရှိတယ်။ အပျက်ရှိသလို အဖြစ်ရှိတယ်။ အဲလိုဘဲ အကောင်းအဆိုး ဒွန်တွဲနေတဲ့ လောကကြီးမှာ ဖျက်ဆီးတဲ့လူရှိသလို တည်ဆောက်တဲ့လူရှိတယ်။ တည်ဆောက်သူရဲ့ဆန္ဒ္စကဘာလဲဆိုတော့ လောကကြီးကိုသာယာစေချင်တယ်။ ၀ပြောစေချင်တယ်။ ငြိမ်း ချမ်းစေချင်တယ်။ ဒါကြောင့်သာယာဝပြောအောင်သူတို့တတ်နိုင်တဲ့ဘက်ကသူ့တို့စိတ်ကူးအရ ကြိုးပမ်းဆောင်ရွက်ကြပါတယ်။

လယ်သမားတွေက စိုက်ကျပျိုးကျ ရိတ်သိမ်းကြနဲ့လောကကြီးကို ထမင်းကျွေးကြတယ်။

ဗိုင်းဝါသမားတွေက လောကကို ၀တ်ရုံပေးကြတယ်။

သမားတွေကလည်း ဆေးဝါးမန္တရားတွေနဲ့လောကကို ကုစားစောင်မကြတယ်။

တရားဓမ္မသတ်နားလည်သူတွေကလည်းငြိမ်းချမ်းမှုကိုစောင့်ရှောက်ကြတယ်။

အဲဒီလိုလောကကြီးရဲ့ သာယာဝပြောမှုငြိမ်းချမ်းမှုတွေကို လိုလားပြီးကြိုးစားဆောင်ရွက် နေသူများထဲတွင် ကဗျာဆရာများလည်း တစ်ဦးအပါအ၀င်ဖြစ်ပါတယ်။ကဗျာဆရာရဲ့စေတနာ ကဘာလဲ ဆိုတော့ လူတွေရဲ့စိတ်ထားကို တစ်ဖက်သတ် မဖြစ်စေဘဲ ဟိုဘက်ဒီဘက်မျှတတဲ့ အလယ် အလတ်စိတ်ထားမှုမျိုး ဖြစ်ပြီး လောကကို သာယာဝပြော အေးချမ်းစည်ပင်အောင်ဖန်တီးမယ့်အင်အား ကြီးတစ်ခု ဖြစ်လာအောင်ဖန်တီးချင်တာပဲဖြစ်ပါတယ်။ ဆရာမင်းသုဝဏ်ရဲ့ ကဗျာလေးများကို ဖတ်ပြီ့း ဒီလိုခံစားချက်လေးများဖြစ်မိပါတယ်…။


ညခင်း

နှုတ်ခွန်းဆက်ရန်....

လူအခြေခံကျင့်ဝတ်တရားတို့၊ ပျက်ပြားနေကြကမ္ဘာမြေ။ ဟိုတိုင်းဒီပြည် ရန်စစ်ခင်းလို့၊ လူနဲ့လူချင်း သတ်ခါနေ၊ ငြိမ်းချမ်းပါစေ အာသီသနဲ့၊ စွမ်းနိုင်ရာက ကူညီသလေ။ ကျင့်ဝတ်တရား၊ သီလငါး၊မှတ်သားကျင့်သုံးစေ၊ အဖိုးတန်တဲ့ ၊ဗုဒ္ဓ၀ါဒ ကမ္ဘာကသိပါစေ။
ကံအကျိုးပေးကွဲပုံ - သူ့ကိုသတ်ဖြတ်၊ သက်တိုလတ်၊ မသတ်အသက်ရှည်။ -ညှင်းဆဲသူက အနာများ၊ သနားကျန်းမာသည်၊ -ဒေါသမီးလျှံ၊ အကျည်းတန်၊ သည်းခံလှပသည်။ - မနာလိုမှာ ၊ ခြွေရံကွာ၊ ကြည်သာခြွေရံစည်။ - မပေးလှူက ၊မွဲပြာကျ၊ လှူမှ ပေါကြွယ်သည်။ - မရိုမသေ၊ မျိုးယုတ်ချေ၊ ရိုသေ မျိုးမြတ်သည်။ - မမေးမမြန်း၊ ဥာဏ်မြင်ကန်း၊ စုံစမ်း ဥာဏ်ကြီးသည်။ - ဆိုးတာပြုက၊ ဆိုးတာရ ၊ ကောင်းမှ ကောင်းစားသည်။ - ဆိုးကောင်းနှစ်တန်၊ ကံစီမံ၊ ခံစံကြရသည်။

Followers