မှန်

8

မှန် ကို တစ်ခါမှ မမြင်ဘူးသူ မကြည့်ဘူးသူတစ်ယောက်မှန်ကို ပထမဆုံးအကြိမ်မြင် တွေ့သွားရင်ဘာဖြစ်မယ်ထင်ပါသလဲ။လန့်သွားမယ်ထင်တယ်။ စဉ်းစားဆင်ခြင်တဲ့အလေ့အကျင့်မရှိတဲ့သူတစ်ယောက်လည်း စဉ်းစားစရာ တစ်ခု စဉ်းစားဆင်ခြင်မိသွားရင်ဘာဖြစ်မည် ထင်သလဲ……..

မှန်ကို တစ်ကြိမ်တစ်ခါမျှမတွေဖူးသူများအကြောင်း…

ထင်းခုတ်သမားတစ်ယောက်တောထဲသွားရင်း နေရောင်အောက်တွင်တလက်လက် ဖြစ်နေသောအရာတစ်ခုကိုတွေ့သည်။ဘာမှန်းမသိကောက်ယူကြည့်သည်။ မှန်တစ်ချပ်ဖြစ်နေသည်။ သို့သော်မှန်ကို မှန်ဟုမသိ၍ ကြည့်ပြီးထိတ်လန့်သွားလေသည် ။ ကွယ်လွန်သွားတဲ့အဖေရဲ့ပုံတူပါလား...တောစောင့်နတ်ကပေးသနားတာပဲဟု....

အိမ်သို့ယူဆောင်သွားပြီးခေါင်းအုံးအောက်မှာ တရိုတသေထားလေသည်။ညအိပ်ရာဝင်တိုင်း၊ထင်းခုတ်သွားခါနီးတိုင်း ကြည်ဖြစ် သည်။ရက်အတန်ကြာတော့ဇနီးဖြစ်သူကမယုံသင်္ကာဖြစ်လာပါတယ်။ တစ်စုံတစ်ခုကိုကြည့်ပြီးပီတီဖြစ်နေတယ်ဘာလဲမသိ ဟု တောထဲယောက်ျားသွားတုန်း ယူကြည်လေသည်။ သူလည်းမှန်ကိုတစ်ခါမျှမမြင်ဖူးသူဖြစ်၍ ထိတ်လန့်အံသြခြင်းနှင့်အတူ ကြေကွဲခြင်း၊ ဒေါသဖြစ်ခြင်းတို့ဖြစ်လာသည်။ သူ့ယောက်ျား တစ်ခြားမိန်းမတစ်ဦးနှင့် ဖောက်ပြားနေပြီ။ ထိုမိန်းမပုံကို တမြတ်တနိုးခေါင်းအုံးအောက်ထား၍နေ့တိုင်းကြည့် သည်ဟု ထင်မှတ်ကာ ပြန်လာရင်သိမယ်ဟု မောင်းတင်ထားလေသည်။

ယောက်ျားပြန်လာတော့ ဒေါသတကြီးဖြင့်ပြောဆိုရာ ရန်ပွဲဖြစ်လေသည်။ယောက်ျားက လည်း သူကြည့်နေတာမိန်းမပုံမဟုတ်ပါဘူး။သူ့အဖေပုံပါလိုဖြေရှင်းပေမဲ့မရဘူး။ အဲလိုနဲ့ တစ်ဦးနှင့်တစ်ဦး ညှိနိုင်းမရတော့သဖြင့် ကျေးရွာထုံးစံအတိုင်း ရွာဦးဘုန်းကြီးရဲ့ အဆုံးအဖြတ်ကို နာခံရန် ဘုန်းကြီးကျောင်းသွားကြရလေသည်။

ဘုန်းကြီးက အကျိုးအကြောင်းမေးသည်။အရင်းအမြစ်ဖြစ်တဲ့မှန်ချပ်ကို ဘုန်းကြီးက တောင်းပြီးကြည့်သည်။ တကယ်တော့ဘုန်းကြီးလည်းမှန်ကိုတစ်ကြိမ်မျှမတွေဖူးပေ။ သည်တော့ဘုန်းကြီးပြောလိုက်တဲ့စကားက…ပျံလွန်တော်မူသွားတဲ့အရင်က ကျောင်းထိုင်ဆရာတော်ကြီးပုံပါလား။ မင်းတို့ နှစ်ယောက်အိမ်မှာ မထားရဘူး၊ ဘုန်းကြီးကျောင်းမှာပဲထားရမယ်ဟု..ပြောလိုက်ပါသည်။

စဉ်းစားဆင်ခြင်ခြင်းဆိုသည်မှာလည်းမှန် နှင့်တူသည်ဟု ဗုဒ္ဒ္စက သားတော်ရာဟုလာ အားဆုံးမသောသုတ္တန်တရားတွင်ဟောခဲ့သည်။မှန်ကြည့်ဖူးသူများဘာကြောင့် မှန်ကြည့်ကြပါသလဲ။တစ်ယောက်တစ်မျိုးဖြေကြမည်သာ။လှမလှသိချင်လို့၊အချိုးကျမကျ၊
ကြည့်ကောင်းမ ကောင်း၊ကြည့်သည်ဟုတ်ပါသည်။ထို့အတူ စဉ်းစားဆင်ခြင်ဥာဏ် သည်မိမိ၏အပြုအမူ၊အပြောအဆို၊အကြံအစည်တို့မှန်မမှန်၊ကောင်းမကောင်း၊အကျိုးရှိမရှိ ဝေဖန်ပိုင်းခြားပေးသည်။မစဉ်းစားမဆင်ခြင်ပဲ ထင်ရာစိုင်း၍ ငါ့မြင်း ငါစိုင်း စစ်ကိုင်းရောက်ရောက်ဟုဆိုကာ ဦးတည်ချက်တိတိကျကျမရှိဘဲပြုမှုပါက လိုရာ ပန်းတိုင် မရောက်နိုင်၊ပန်းတိုင်ပျောက်သွားနိုင်ပါသည်။
လေးစားချစ်ခင်လျှက်
ညခင်း

အဖေ email

1

နယူးယောက်မြို့အနီးတွင် အနှစ်၄၀ ကျော်နေထိုင်ခဲ့သော အာရပ်အဘိုးကြီးတစ်ဦးသည် သူ့ခြံထဲ၌ အာလူး နှင့် အခြားဟင်းသီးဟင်းရွက်များကိုစိုက်ပျိုးလိုစိတ်ပေါက်လာသော်လည်းအသက်ကြီးလွန်း၊ အားနည်းလွန်းသဖြင့် ပါရီ၌ပညာသင်ကြားနေသော သူ့သားထံအောက်ပါ email ပို့လိုက်၏။

ချစ်သား။ ဖေဖေခြံထဲမှာအာလူးစိုက်ချင်သော်လည်းမစိုက်နိုင်တာဖေဖေစိတ်မကောင်းပါ၊သားသာ ဒီမှာရှိရင်မြေကြီးတူးပေးဖော်ရမှာပဲ၊ချစ်သော ဖေဖေ..။

နောက်တစ်နေ့ သားထံမှအောက်ပါ email ပြန်လာ၏။

ချစ်သောဖေဖေခြံမြေကိုမထိပါနဲ့၊ကျွန်တော်အဲဒီမှာဟိုဟာကိုမြုပ်ထားလို့ ချစ်သားကြီး အာမက်။

ညနေ၄နာရီတွင် FBI နှင့် RANGER ဆိုတဲ့သားငယ်နှစ်ယောက်တို့အဘိုးကြီးအိမ်ရောက်လာပြီး၊ ခြံတစ်ခုလုံး တစ်လက်မမကျန်တူးဆွသွား၏။ဘာမျှမတွေ့၍စိတ်ပျက်ပြီးပြန်သွားကြသည်။

နောက်တစ်နေ့သားထံမှ နောက်ထပ် email တစ်စောင်ရောက်လာ၏။

ချစ်သောဖေဖေ အခုလောက်ဆိုခြံမြေတူးဆွပြီးလို့အာလူးစိုက်နိုင်ပြီပေါ့၊ သားအနေနဲ့တော့ ဒီကနေ ဒီလောက်ပဲလုပ်ပေးနိုင်ပါတယ် …ချစ်သားအားမက်..။

အားလုံးပြုံးပျော်နိုင်ကြပါစေ။

ညခင်း

ဦးသက်ထွန်း (အငြိမ်းသားသံအမတ်ကြီး)ကောက်နှုတ်ပြန်ဆိုသည်။နိုင်ငံခြားဟာသများ။

မရောင်ရဲနိုင်သောအရာ သုံမျိုး

1

လောကတွင် မရောင်ရဲနိုင်သောအရာ သုံမျိုး ရှိတယ်လို့ ညခင်း အဘိုးက အမြဲပြောပါတယ်။

၎င်းတို့ကား တောက်လောင်နေသော မီးပုံကြီး၊ သမုဒ္ဒရာ၊ အလိုလောဘကြီးသူတို့ပင်ဖြစ်၏။ လောင်နေသောမီးပုံကြီးထဲသို့ လောင်စာထင်းများဘယ်လောက်ပင်ထည့်ထည့်၊ တော်ပြီ တန်ပြီဟူ၍ဘယ်တော့မှ ရှိလိမ့်မည်မဟုတ်။ ထည့်သမျှတောက်လောင်ပစ်မည်သာဖြစ်သည်။

မြစ်ကြီးငါးသွယ်၊ မြစ်ငယ်ငါးရာ ချောင်းပေါင်းများစွာမှ ရေများ ဘယ်၍ ဘယ်မျှပင် ၀င်ဝင် ၊ သမုဒ္ဒရာကြီးကားဘယ်တော့မှပြည့်ပြီဟုရှိလိမ့်မည်မဟုတ်၊ ၀င်လာသမျှ လက်ခံနေမည် သာဖြစ်၏။ ထိုအတူ အလိုလောဘကြီးသူသည်လည်း ပစ္စည်းဥစ္စာမည်မျှပင်ရရ တော်ပြိတန်ပြီ ဟူ၍ဘယ်တော့မှ ရှိလိမ့်မှာ မဟုတ်ပါဘူး။ ရနိုင်သမျှယူနေမည်သာဖြစ်၏။

လောဘနှင့်ပတ်သက်၍ ပုံပြင်လေးတစ်ပုဒ် ကို ညခင်းအဘိုးက ဆက်ပြောပြခဲ့လို့ နားထောင်ခဲ့ဘူးပါတယ်။

တစ်ခါက အလိုလောဘကြီးသူတစ်ယောက် မျက်စိလည်လမ်းမှားပြီး ညောင်ပင်ကြီး တစ်ပင်အောက်ရောက်သွားရာ သနားတတ်သော ညောင်ပင်စောင့်နတ်က-

***အိုအသင်လူသား ဘာများ အလိုရှိပါသနည်း***

***လောလောဆယ်ရေသိပ်ငတ်နေပါတယ်ဘုရား၊ ဒါကြောင့် သောက်ရေအေးအေးသာ အလိုရှိ ပါတယ်…။***

***ရစေမယ် အသင်လူသား …ပါးစပ်ကိုသာ ဟထားပါလော့ ဟု*** သူ၏လက်ညှိုးမှ အေးမြကြည်လင်သောရေစင်ရေအေးကို တိုက်ရာ ခရီးသွားကအားရပါးရသောက်သုံးလေ သည်။သောက်သုံးရင်းလည်း ရေထွက်သော ညောင်ပင်စောင့်နတ်၏ လက်ညှိုးကို သဘောကျနေမိသည်။

***အသင်လူသား သင့်အလိုဆန္ဒပြည့်စုံပါပြီလော***

***အသင်နတ်သား စွမ်းနိုင်လျှင် ဟင်းကောင်းကောင်း နှင့် ထမင်းစားလိုပါသေးသည် ဆက်လက်ကူညီပါလို*** ဆိုသတဲ့။

***ရနိုင်ပေသည် အသင်လူသား သန့်ရှင်းသော ဖက်ရွက်တို့ကိုသာ အသင့်ပြင် ထားပါလေ။***

ထိုသို့ပြောပြီး နတ်၏လက်ညိုးမှ ထမင်းဟင်းများထွက်ကျပေးပြန်ပါသည်။ ထမင်းဟင်းများ စားသောက်ပြီးနောက် ညောင်ပင်စောင့်နတ် မြန်မြန်ကွယ်ပျောက်သွားမည်ကို ကြောက်သော လူသားက အသင်နတ်မင်း ကူညီလက်စနဲ့ ဆက်ပြီးကူညီပါဦး၊

***လူလောကပြန်ရောက်ရင် အရင် အနှီးလုပ်စားရန်အတွက် ငွေသားများကို ဖန်ဆင်း၍ပေးတော်မူပါဦး။***

***အသင်လူသား၏ ဆန္ဒပြည့်ဝပါစေ*** ဟုဆိုကာ နတ်၏ လက်ညှိုးမှ ငွေသားများထွက်ကျ လာပြန်သည်။ ငွေများကို သိမ်းယူပြီးနောက် သွားဖို့ ပြင်ဆင်နေသော နတ်သားကို လူသားက…

***အို အသင်နတ်သား၊ သိမ်းဆည်းသောအခါ လွယ်ကူသော စိန်ရွှေပတ္တမြားတို့ကို လည်း တစ်ဆက်တည်း ပေးခဲ့ပါဦး။***

အသင် လူသား သင်၏ လောဘကား ကြီးမားပေစွ၊ သို့သော် ကူညီလက်စနဲ့ ကူညီပမည်။ ဟုဆိုကာ ကူညီလိုက်ပြန်တယ်။

ရတနာများကိုသိမ်းဆည်းနေသောလူသားကို ကြည့်ပြီး နတ်က-

***အသင်လူသား ဆန္ဒကားပြည့်ဝလောက်ပြီ ဟု*** ကျွှန်ပ်ထင်ပါသည်။ ဒါကြောင့် သွားခွင့်ပြုပါတော့လို့ ပြောသတဲ့။

ထိုအခါ တနင့်တပိုးသိမ်းဆည်းနေသော လောဘ လူသားနောက်ဆုံးတောင်း ဆိုလိုက်တာကတော့-

***နတ်မင်းကြီး ခင်ဗျား ရွေငွေရတနာများက ဘယ်လောက်ပင်များများ သုံးပစ်လိုက်ရင် ကုန်သွားမှာ ပါခင်ဗျာ၊ ဒါကြောင့် လိုချင်တာမှန်သမျှအကုန်ထွက်နေတဲ့ နတ်မင်းရဲ့ လက်ညှိုးကို ဖြတ်စေချင်ပါတယ် ခင်ဗျားဟူ ***သတည်း။

လူ့အလိုနတ်မလိုက်နိုင်ဆိုသော စကားသည် ထိုပုံကများ စခဲ့လေသလားမသိ။ နတ်သားမှာ လူသား၏ လောဘကို ကြောက်ရှာလွန်းသဖြင့် ချက်ခြင်း ကိုယ်ယောင်ဖျောက်ကာ ထွက်ပြေးရပါတော့သည်။ ရလေ လိုလေ အိုတစ္ဆေ ဟူသောစကားသည် လောဘ အတွက်ထားခဲ့ခြင်းဖြစ်သည်။

ထိုပုံပြင်လေးက တဆင့် ရရှိလာရတဲ့ အသိဥာဏ်ကတော့…လောဘသည် မွေးမြူထားရမည့် အရာမဟုတ်၊ ပယ်သတ်ရမည့် အရာသာဖြစ်သည်ဟု ……

အားလုံးပြုံပျော်နိုင်ကြပါစေ။

ညခင်း


အပြစ် မပြောချင်နဲ့

1

လူတစ်ယောက်က ကြက်တူရွေးကို ၀ယ်ခဲ့ပြီး အိမ်မှာလွတ်လပ်စွာ မွေးထားလိုက်တယ်။ ဒီကြက်တူရွေးက အလွန်ယဉ်ပါးတယ် ဆိုပဲ။

တစ်နေ့မှာ ကြက်တူရွေးဟာ မီးလင်းဖိုအထက်နားမှာ နားရင်း သာယာစွာ သီချင်းဆိုနေတာပေါ့။ အိမ်မှာမွေးထားတဲ့ ကြောင်က မြင်သွားလို့ မင်းဘယ်သူလဲ ဘယ်ကလာ သလဲလို့မေးလိုက်တယ်။

ကြက်တူရွေးကလည်း အိမ်ရှင်က ၀ယ်ခဲ့တယ် လို့ဖြေတယ်။

မင်းဟာ အတော် အတင့်ရဲ့တာပဲ။ ဒီ အိမ်ကို အခုမှလည်းရောက်လာသေးရဲ့။ ဒီလောက်ဆူဆူညံညံ သီချင်းဆိုရသလား။ ငါဟာ ဒီအိမ်မှာ မွေးတဲ့ ကြောင်ပဲ။ ဒါတောင် ငါအော်ခွင့် မရဘူး။ ငါ့အော်သံကို ကြားရင် သူတို့စိတ်ဆိုးပြီး အိမ်က နှင်လိုက်မှာ သေချာတယ်…လို့ ကြောင်ကပြောတာပေါ့။

ဒါနဲ့ ကြက်တူရွေးက ပြန်ပြောတယ်။

ဒါဝမ်းနည်းစရာပဲ။ ကျုပ်အကြံပေးချင်တာက ကျုပ်လို အသံကောင်းဖို့ ခင်ဗျား အများကြီးကြိုးစားရလိမ့်မယ်။ ခင်ဗျားရဲ့ အသံနဲ့ ကျုပ်ရဲ့ အသံဘယ်လိုကွားခြားသလဲ ဆိုတာ သိတယ် မဟုတ်လား။ ဒီအိမ်ရှင် မိသားစုက ခင်ဗျားရဲ့အသံကို မကြားချင်ပေမယ့် ကျုပ်အသံကို သဘောကျ ကြတယ်ဗျ တဲ့။

(ကိုယ့်ချို့ယွင်းချက်လည်းမသိ၊ သူများ အားသာချက်ကိုလည်း မသိတဲ့သူတွေ ရှိတယ် ဆိုကြောင်းပြထားတဲ့ ပုံပြင်ပါ။)

ဒီပုံပြင်လေးနဲ့ လမင်းအား နှိပ်ကွပ်ပါတယ်။ ကြပ်ကြပ်သတိထား ကင်စားပစ်မယ်။



ငါ့ကြောင့်မဟုတ်

0

ဒီမြေပေါ် ရေတစ်စက် စ ချသူဟာ ငါ ဖြစ်တယ်…။ ဒါပေမဲ့ တစ်ချိန်ချိန် ဒီနေရာမှာ သမုဒ္ဒရာ…. တစ်ခု ဖြစ်လာရင်တော့ ငါ့ကြောင့် မဟုတ်ဘူး။

ဒီတောင်ကမူလေးပေါ် ကျောက်ခဲလေး တစ်ခဲကို မီးစွဲအောင် စလုပ်သူဟာ ငါဖြစ်တယ်။ ဒါပေမဲ့ တစ်ချိန်ချိန် ဒီတောင်ကမူလေး မီးတောင်ကြီးတစ်ခုဖြစ်လာပြီး ထပေါက်ကွဲရင်…ငါကြောင့် မဟုတ်ဘူး..။

ဟော….အတောင်ပံမဲ့နေတဲ့ အဖော်မဲ့ ငှက်ကလေးတစ်ကောင်ကို အတောင်ပံတွေ ပေးတာငါဖြစ်တယ်။ ဒါပေမယ့် တစ်ချိန် ချိန်မှာ ဒီဒေသ ငှက်မဲ့ဒေသ ဖြစ်ပြီး သဘာဝ ပတ်ဝန်းကျင် ပျက်စီးသွားရင် ငါ့ကြောင့်မဟုတ်ဘူး။

အေး….နွေသစ်ခက်ကို ရွက်နုတစ်ရွက်ပေးသူဟာလည်း ငါပဲ ဖြစ်တယ်။ အဲဒီရွက်နုတစ်ရွက်ကြောင့် ခြောက်သွေ့ပြီး တောပြုန်းတဲ့ ဒီနေရာမှာ တစ်ချိန်ချိန် စိမ်းလန်း ဝေဆာပြီး သာယာတဲ့ ဥယျာဉ်ကလေးတွေ ပေါ်လာရင် အေးမြတဲ့ စမ်းချောင်းကလေးတွေ ပေါ်လာရင် ငှက်ကလေးတွေ သီချင်းဆိုတိုင်း ပန်းပွင့်ကလေးတွေ …ထ. ကရင်…

ဟုတ်ပြီနော်…။ ဟိုတစ်ချိန်က မရဖူးတဲ့ ချိုမြန်မှုတွေ အခုဒီနေရာမှာ ပြန်ရလာရင်လည်း…..

ငါ့ကြောင့်မဟုတ်……

Valentine Day (ချစ်သူများနေ့ )

0

Valentine Day (ချစ်သူများနေ့ ) နေ့ အမှတ်တရအနေနဲ့ ဘာရေးရင်ကောင်းမလဲ စဉ်းစားလိုက်တော့ ၁၄ရက်နေ့မရောက်ခင် အချစ်အကြောင်းတွေ ဖောရှောလုပ်ခဲ့တာလဲ များနေပြီအကြံကလဲကုန်ပြီဆိုတော့ဆားချက်ရတော့မှာပေါ့။ချစ်သူများနေ့ ကတော့ ညခင်းနဲ့ဆိုင်ပါဘူး…။ တစ်ဆယ်ကျော်ငါးနှစ်ပတ်လည် ကို ၂ခါပြန်နေမှတော့ စဉ်းစားသာကြည့်တော့။ ဘွဲထူးဂုဏ်ထူးအပြည့်နဲ့ နေရတာ နေပျော်နေပါပြီ။ အချစ်ဆိုတာပူလောင်လွန်းလို့ ဝေးဝေးရှောင်ခဲ့တာလို့ အရှက်ပြေ ပြောရင်လဲ ရတယ်။ ဟီးးးး

ဒီနေ့ပိုစ်မှာ…အမှန်တော့ချစ်သူများနေ့နဲ့သက်ဆိုင်တဲ့အချစ်ကို အဓိပ္ပါယ်ဖွင့်ဆိုတာ ကောင်းတာပေါ့နော်.။ အဲဒါနဲ့….အချစ်ဘယ်က စတယ် ဆိုတာ ကို ရိုးရိုးရှင်းရှင်းလေး နဲ့ ဖွင့်ဆိုထားတဲ့ သီချင်းလေးကို သွားသတိရပါတယ်။ စန္ဒယားဦးလှထွတ် ရေးဖွဲ့ပြီး၊ တင်မိုးခိုင်သီဆိုထားတာပါ။

--> သီချင်းဟောင်းလေးပေါ့။ နောက်ပိုင်းမှာတော့ စည်သူလွင်နဲ့ လေးလေးဝါး ပြန်လည်သီဆိုထားပါတယ်။သီချင်းလေးက ဒီလို….ကဲ ဆားချက်ပြီ။

(-ကောင်းကင်ပြာကို ဘယ်သူများ ဆေးရောင်ခြယ်…..ပန်းတွေကို ဘယ်သူရနံ့လေးမွှေးစေတယ်……ငှက်တွေကို ကွယ် ဘယ်သူတွေတေးဆိုသင်တယ်……တွေးမရ ဘူးလေ ……တွေးမရဘူးလေရှင်ရယ်….။

-ချစ်ဆိုတာ ဘယ်ကမ္ဘာက…စလေတယ်….အတွေးအခေါ်ပညာရှင်များ မိန့်ဆိုတယ်…။ တေး လင်္ဏာဒီပနီကျမ်း အချစ်ကျမ်းတွေမယ်…..ဖွင့်ဆိုခဲ့တာ…ကြားနာဖူး ပါတယ်…။

-အာဒံ နဲ့ ဧ၀ က စတယ်….စာမှာ မှတ်သားဖူးခဲ့တယ်…….ဒါပေမဲ့ နားမရှင်းပါကွယ်….။ မြန်မာလို အယူအဆကတော့ ဖြင့် တကယ်…… ဗြမ္ဘာတွေ…..ကမ္ဘာဦးအစ..ကကွယ်……တူရှင် မွေးဖွား….ချစ် သန္ဒေ္စတည်….။

- ကောင်းကင်ပြာကို ဘယ်သူများ ဆေးရောင်ခြယ်…..ပန်းတွေကို ဘယ်သူရနံ့လေးမွှေးစေတယ်……ငှက်တွေကို ကွယ်…. ဘယ်သူတွေ တေးဆိုသင်တယ်….. အချစ်ဟာ လဲ ဒီသို့….ဒီသဘောပါကွယ်…………။)

ကဲသီချင်းလေးကတော့ ပြီးပါပြီ…။

၂၀၀၉ခုနှစ်Valentine Day (ချစ်သူများနေ့ ) မှာ ညခင်းရဲ့ ဘလော့ကာမောင်နှမများ မေတ္တာချစ်ခြင်းကံကောင်းခြင်းတွေ ရရှိပါစေ။ချစ်သူတိုင်း ပျော်ရွှင်နိုင်ပါစေလို ….။ ဆုတောင်းပေးရင်း…..

ညခင်း

အချစ်ဆိုတာ ဒီလိုပါတဲ့

0

အချစ်ဆိုတာ ဒီလိုပါတဲ့


၎ နှစ်သားလေး ဆမ် နဲ့သူဖခင်တို့ဟာ ဆမ်ရဲ့အမေ ဆယ်လီအတွက် February 14 ရက်နေ့ လက်ဆောင် အနေနဲ့ အသည်းပုံစက္ကူဂျပ်ဗူးလှလှနဲ့ အပြည့်ချောကလက် ချိုချဉ် ဗူးကြီးကို ၀ယ်ပြီး လက်ဆောင်ပေးခဲ့ ကြတယ်။ ရက်အတော်တဲ့အထိ ဆယ်လီက ဒီဗူးကြီးကို မဖောက်မဖွင့်ပဲ တယုတယထားတာပါ။ ဆမ်း ကလေးက ဒီဗူးကြီးထဲက ချိုချဉ်တွေ ချောကလက်တွေကို မျက်စိကျနေရှာတာပေါ့။

တစ်နေ့တော့ ဆမ်က အဲဒီဂျပ်ဗူးကြီးတင်ထားတဲ့ နေရာနားသွားပြီးမော့နေတုန်း သူ့အမေ ဆယ်လီက သားရေ ဒါတွေကို မင်း မမီသေးပါဘူးကွား မင်း မီလာတဲ့တစ်နေ့ မင်းလည်း အပြည့်အ၀ ခံစားဖို့ မေမေခွင့်ပြုမှာပါ လို့ February 14 ရက်နေ့မှာ သူ့ခင်ပွန်းက သူကိုချစ်ဆဲဆိုတာ ရည်ရွယ်ပြီး ဂုဏ်ယူပြောလိုက်တာပေါ့၊ နေ့စဉ် စားသောက်ဆော့ကစားရင်း ထွားနေတဲ့ ဆမ်က ခြေဖျားထောက် လက်မြှောက်ပြီး အသည့်းပုံဗူးကြီးကို ဆတ်ခနဲ မမီမီအောင် ဆွဲချလိုက်ကာ မေမေရေ သားသားမီသွားပြီ အားလုံးအပြည့်အ၀ သားစားလိုက်တော့မယ်နော်.လို့ ပြောရင်း ပြေးထွက်သွားပါလေရော။

အမျိုးတော့အမျိုး ၊ ဒါပေမဲ့ ။

လင်မယား၂ယောက်တောပိုင်းကို ကားမောင်းသွားနေကြတယ်။ ခရီးမိုင် အတော်ရောက်တဲ့အထိ စကားတစ်ခွန်းမှ မဆိုကြပဲ တိတ်တိတ်ဆိတ်ဆိတ် လုပ်လာကြသတဲ့။ အိမ်ကထွက်ကတည်းက အငြင်းအခုန်တစ်ခုခု ဖြစ်လာကြပြီး မလွဲသာလို့သာ ဒီလို ၂ယောက်အတူတွဲပြီး ထွက်လာကြတဲ့ပုံပါပဲ။ တစ်နေရာရောက်တော့ ဆိတ်ခြံ၊ သိုးခြံ၊ နွားခြံတွေနား ရောက်သွားတဲ့အခါ ယောက်ျားလုပ်သူက ဟော..မင်းအမျိုးတွေ နားတောင်ရောက်လာပြီလို့ ငေါ့တော့တော့ ပြောသတဲ့၊ အဲဒီတော့ မိန်းမက ဟုတ်ပါ့..ဟုတ်ပါ့၊ ကျုပ်အမျိုးတွေပါတော်၊ ဒါပေမဲ့ ရှင့်ဘက်က တော်ရတာတွေပါ တော် တဲ့။

အချစ်သည် အရာရာကို ကန်းစေသည်

တကျက်ကျက်ရန်ဖြစ်လို့ မဆုံးတဲ့ ဇနီးခင်ပွန်း ၂ယောက် စကားများကြရင်းပဲ မိန်းမက ရှင်ကျမကို ရှုးနေလား ရှုးနေလား နဲ့ ခဏခဏ ပြောတယ်၊ ကျွန်မက အရှုးပဲ၊ ရှင်မယူခင်က အဲဒါ မသိဘူးလား လို့ ဒေါနဲ့မောနဲ့ ပြောပစ်လိုက်သတဲ့။ ဒီတော့ ယောက်ျားက အဲဒီတုန်းက ငါက ချစ်စိတ်မွှန်နေတာကိုး၊ မင်းဘာဆိုတာ ဘယ်သိမတုံးကွာ လို့ ခပ်မြန်မြန်ပြောလိုက်ပါသတဲ့။

ကံကောင်းသူ

သူငယ်ချင်း ၂ယောက်ကွဲနေကြတာက ပြန်ဆုံတော့ တစ်ယောက်က ဂုဏ်ယူဝင့်ကြွား တဲ့လေသံနဲ့ မင်းသိလား၊ ငါ့မိန်းမ ကတော့ နတ်သမီးလေး တစ်ပါး ပါပဲကွာလို့ ပြောလိုက်တယ်။ ကျန်တဲ့ သူငယ်ချင်း က မင်းသိပ်ကံကောင်းပါလားကွာ၊ ငါ့ အမျိုးသမီးကတော့ ခုထိ သက်ရှိထင်ရှားကြီးပဲ ရှိသေးတာကွ လို့ ပြောပါသတဲ့။

ဆုတောင်းပြည့်သူ

ဆုတောင်းပြည့်တယ်လို့ သတင်းမွှေးတဲ့ ရေတွင်းတစ်တွင်းကို ဇနီးမောင်နှံစုံတွဲ ရောက်လာကြတယ်။ ပထမဆုံးမိန်းမက ရေတွင်းဝနားသွားကာ ကိုယ်ကို ရေတွင်းဘက်နည်နည်းယိုင်ပြီး အာရုံပြု ဆုတောင်းတယ်၊ ပြီးတော့ ငွေအကြွေစေ့ကို ရေတွင်းထဲ ပစ်လိုက်တယ်။

ယောက်ျားအလှည့်ကတော့ သူ ဆုတောင်းပိုပြည့်အောင်လို့ဆိုပြီး ယောက်ျားက ရေတွင်းဘက် ပိုတိုးတယ်၊ ကိုယ်ကိုလည်း ရေတွင်းဘက်ပိုကိုင်းပြီး အာရုံပြုတယ်၊ သူဆုတောင်းပြည့်လိုဇောကြောင့် ငွေအကြွေစေ့တောင် မပစ်ရသေးဘူး။ လူက ရေတွင်းထဲ ပြုတ်ကျသွားပါလေရော၊ ရုတ်တရက် မိန်းမပါးစပ်က ထွက်လာတယ် ဟယ် ငါ့ဆုတောင်း တကယ်ပြည့်တယ်တော့ တဲ့။

အာရုံစူးစိုက်နားထောင်စေချင်ရင်

သင်ပြောသမျှစကားကို သင့်ဇနီး အာရုံစူးစိုက်ပြီး တလေးတစား နားထောင်စေချင်ရင် သင့်စကားကို အိမ်မက်ထဲမှာပဲပြောပါ။ယောက်ျားတစ်ယောက်ဟာ သူ့မိန်းမ ၀င်ထိုင်ဖို့ ကားတံခါးကို ပျူပျူငှာငှာ ဖွင့်ပေးနေတာတွေ့ရင် သေချာတယ်။ အဲဒါ ကားလည်းအသစ်၊ ဒါမှမဟုတ် မိန်းမလည်း အသစ်ဖြစ်လိမ့်မည်။

ချင်း ဖလှယ်လိုက်ပါ။ ဒါပေမဲ့ မချုပ်နှောင်မိပါစေနဲ့…နှလုံးသားတွေ ဟာ ဘ၀ရဲ့ လက်ထဲမှာ သာရှိတယ်…

ဖေဖော်ဝါရီလ ၁၄ ရက်နေ့မှာ…
ချစ်သူအတွက် ပန်းလေး တစ်ပွင့် …သူ့ကိုယ်စား ပေးပို့ပေးဖို့ တောင်းဆိုလာတဲ့ ညခင်း ရဲ့ မောင်လေး အတွက် ဒီပို့စ်လေး နဲ့ သရော်ပါတယ်။

အားလုံးကို ချစ်ခင်လေးစားလျှက်

ဘလော့ဂ်လေး တစ်နှစ်ပြည့်

0


“ဘလော့ဂ်လေး တစ်နှစ်ပြည့်သွားပြီး———-အော်ဘာလိုလိုနဲ့ တစ်နှစ်တောင်ပြည့်လာပြီပဲ—

တီလေးကအောက်မှာရေးထားတဲ့အတိုင်းပဲနော်–တီလေးပြောတာတွေ အကုန်လုံး လမင်းပြောချင်တာနဲ့ 

တူတူပဲ–လမင်းက မွေးနေ့ ပွဲမှာလာရောက်လည်ပတ်မယ့် သူငယ်ချင်းတွေအတွက် အစားအသောက်များနဲ့

ဧည့်ခံဖို့ တာဝန်ယူထားပါတယ်–လာရောက်လည်ပတ်ကြတဲ့မောင်နှမတွေ အားရပါးရသုံးဆောင်ကြပါလို့

လက်ဆောင်ပစ္စည်း အဖြစ် ကွန့် မန့်နဲ့ စီဘောက်မှာအောဟစ်တာများကို ယူပါမယ့်–ကျန်တဲ့လက်ဆောင်

တွေတော့မယူတော့ဘူးဟီး –ကဲ -သုံးဆောင်ကြရအောင်“


ဒါကတော့ဘီယာကြိုက်သော ဘလော့ဂ်က ကိုကိုနှင့်မမများအတွက်

ဘီယာနဲ့ မြည်းဖို့  ဒါကတော့ ကြက်ကြော် တွေ-မသောက်တတ်တဲ့သူလဲ အမြည်းစားလို့ ရတယ် အားမနာတမ်းသာကြိတ်ပါ

ဒါကတော့ ၀ိုင်ကြိုက်သော ကိုကိုမမတို့ အတွက်ပေါ့–၀ိုင်ချိုချိုနဲ့ ခါးခါးလေးမှ နှစ်သက်တဲ့သူတို့အတွက် သုံးဆောင်နော်


ဝိုင်မသောက်ချင်ဘူး KFCမှစားချင်တယ်ဆိုရင်တော့ ဒီမှာ–သုံးဆောင်ပါ

ကဲ –လာရောက်လည်ပတ်ကျသောမောင်နှမအားလုံး ကိုယ်စိတ်နှဖြာ ကျန်းမာကြပါစေ–

ညခင်းနဲ့ လမင်းဘလောဂ်ကအပြန်မှာ –ကားလဲမူးမမောင်းကြနဲ့ –အင်တာနက်ပေါ်လဲယိုင်ပြီးမတက်ကြပါနဲ့

အားလုံး ၁နှစ်ပြည့်အထိမ်းအမှတ်လေးကို ကြွရောက်ကြတဲ့အတွက် ကျေးဇူးအများကြီးတင်ပါတယ်–

ဖေဖော်ဝါရီ ၁ရက်နေ့(အမှတ်တရ)

0

ညခင်းရဲ့ လမင်း ဘလော့ လေး စတင်ခဲ့တာ တစ်နှစ်ပြည့်ရန် ……

တင်ဇာမော် သီချင်းလိုပဲ စွဲလန်းမှုပြသသနာ…လေ။ ဆိုပြတော့ဘူးနော်…။ ဘလော့လာလည်တဲ့ သူတွေ ထွက်ပြေးကုန်မှာစိုးလို့..။

သူများတွေကတော့ဘာကို စွဲလန်းလဲသိဘူး၊ ညခင်းကတော့ အင်တာနက်ကြီးထဲက ညခင်းရဲ့လမင်းဘလော့လေးက ပြုစားနေပြီ။ ဒီစွဲလန်းမှုရဲ့ ဒုက္ခက မသေးဘူးနော်။မနက် ၁၀နာရီမှ ညနေ ၆နာရီအတွင်း ရောက်ယှက်ကိုခပ်နေအောင်လုပ်ရတာ။ အလုပ်တစ်ဘက်နဲ့သူမိုလို့ အလုပ်လဲ မလစ်ဟင်းရအောင် ကိုယ်ရေးထားတဲ့ ဘလော့လေး လဲမလစ် ဟင်းရအောင်နဲ့ ဆပ်စလူးကိုခါနေတော့တာ ပါဘဲ။ ဒီကြားထဲ အခုတစ်လော နက်မကောင်းတော့ ပိုဆိုးပါတယ်။ freedom နဲ့ကျော် ဟို proxy နဲ့ကျော် ဟိုကျော်ဒီကျော်။ တစ်ခါတစ်လေများ ဖျက်ပစ်ဖို့ ထိ စိတ်ကူးတယ်။ ဒီဘလော့ကြောင့်ပဲ တူအရီးနှစ်ယောက် ရန်ဖြစ်ရတာ လဲ အမောပါဘဲ။ သံယောဇဉ်ရှိရင်းစွဲမို့လို့ပေ့ါ။

အဲလိုနဲ့ လိမ်ဖယ်လိမ်ဖယ်နဲ့ ရေးလာခဲ့တာ မနက်ဖန် ဖေဖော်ဝါရီ ၁ရက်နေ့ဆို တစ်နှစ်ပြည့်ခဲ့ပါပြီ။ ပိုစ့်ပေါင်း ၂၄၂-ခု၊ ရေးသားခဲ့ပြီးပါပြီ။ ပထမဆုံး လိပ်စာလေးကတော့ www.nyahkinyaelamin.blogspot.com ပါ၊ ၂၀၀၈ခုနှစ် သြဂုတ်လမှာ တော့ Wordpress သို့ပြောင်းခဲ့ပါတယ်။ www.nyahkinyaelamin.iblogger.com အခုလိပ်စာ လေးပေါ့။ Wordpress လေးနဲ့လည်း ရင်းနှီးအောင် တူအရီးနှစ်ယောက် တော်တော်ကြိုးစားခဲ့ရတယ်။ဒီကြားထဲပျက်မလိုဖြစ်လို့ စိတ်ညစ်ခဲ့ရပါသေးတယ်။ အဲဒီ နောက်မှာတော့ စာတွေကို backup လုပ်ထားရင်း www.nyahkinyaelamin.co.cc လေးကိုလည်းဖန်တီးဖြစ်ခဲ့တယ်။

အခုလို တစ်နှစ်တာ ကာလအတွင်းမှာ ဘလော့နဲ့ပတ်သက်တဲ့ အတွေ့အကြုံလေးတွေ တော်တော်လေးရခဲ့တယ်။မနက်ဆို ကွန်ပျူတာရှေ့ရောက်တာနဲ့ ဘယ်သူတွေများ ဘာပြော သွားခဲ့ကြမလဲ။ပိုစ်လေးကရော… စီဘောက်လေးထဲမှာရော… နဲ့အိမ်လည်သွားလို့…..ဖိတ်ခေါ်လို့ လာလည်ကြတာလား၊ ကိုယ်မရောက်ဖြစ်ပေမဲ့ အမြဲလာအားပေးတာ ရော ဘယ်နှစ်ယောက်လဲ ရေတွက်ရတာ အမောပါ။ ကိုးလို့ကန့်လန့်ပြောသူတွေ နဲ့လည်းကြုံခဲ့ရဘူးတယ်။ ဒီကြားထဲ ကိုယ်ရဲ့ဘလော့လေးက စာတွေကို ကူးယူပြီး ခပ်တည်တည်နဲ့ ဖိုရမ်တစ်ခုပေါ်တင်ထားတာမျိုး၊ forword mail နဲ့ ပို့လို့ ကူးယူတာမျိုးရောပေါ့ ။ စုံလို့ပါပဲ။

ညခင်းနဲ့လမင်းမှာ တစ်နေ့တစ်ခြား ဒီဘလော့လေးက တာဝန်ကြီးလာပါတယ်။ လမင်းလဲ စာတွေများလာတဲ့အတွက် အချိန်ကိုလုနေရပါပြီ။ အိမ်လည်ဖို့တွေလဲပျက်ကွက်တာ ရှိတာပေါ့။ ညခင်းနဲ့လမင်းမရောက်ဖြစ်ပေမဲ့ အမြဲအားပေးနေတဲ့ အစ်ကိုညီမမောင်လေးများလည်း ရှိနေပါတယ်။ ဘလော့ မောင်နှမများရဲ့ ချစ်ခင်စွာ အားပေး လက်တွဲခေါ်ယူမှုကြောင့် ဒီလောက် ခရီးရောက်ခဲ့တယ်လို့ဆိုရပါမယ်။ အားလုံးသောမောင်နှမများ ကျေးဇူးတင်ပါတယ် လို့ပြောပါရစေ။

ညခင်း ရင်ထဲ ရှိတဲ့ အလှအပအကြောင်းအရာလေးများ၊ ရင်ထဲခံစားချက်များ၊ ဗဟုသုတများ၊ မှတ်စုလေးများကို ရိုးသားစွာ ဖော်ထုတ်ပြသခွင့်ရတဲ့အတွက် ကြည်နှုးမိပါတယ်။ ဒီဘလော့လေးကို ညခင်းနဲ့လမင်းတို့ ဖန်းတီးနေတာ ဘာနဲ့တူသလဲဆိုရင် မိန်းမငယ်လေး တစ်ဦး သနပ်ခါးလူးတာ နဲ့တူပါတယ်။ နေ့တွေညတွေ ဘယ်လိုပြောင်းပြောင်း အလှမပျက်သနပ်ခါးဖက် လျှက်လို့ ဆိုရပါမယ်။ ဒီဘလော့လေး စတင်ခဲ့တဲ့ ရည်ရွယ်ချက်ကတော့

စာရွက်ဗလာပေါ်မှာ

မြစ်တစ်စင်း တင်လိုက်ခြင်းပါ…

အဲဒီမြစ်မှာ

မျှော်လင့်ချက် ရည်ရွယ်ချက်

အိမ်မက်တွေ ထည့်သွင်း လိုက်တဲ့ အခါ…………


ကောင်းကင်ကကြည်လင်နေဦးမှာပါ….မြေသားကလည်းခိုင်ခံ့သေချာနေဦးမှာပါ…. လတ်ဆတ် တဲ့ လေပြည်၊ စိမ်းသစ်တဲ့ သဘာဝတရား အမြဲထာဝရ တည် ရှိနေဦးမယ်…အဲဒီ အချိန်တွေ ထဲက ကျွန်မတို့ ဘာတွေများ ရယူနိုင်ကြဦးမလဲ…ကိုယ်အတွက်ကိုယ်ပတ်ဝန်းကျင် အတွက် ဘာတွေများ စွမ်းဆောင် ပေးနိုင်ကြဦးမလဲ…စဉ်းစားရင်း

ဘ၀ဆိုတာ အသစ်အသစ်သော အရာတွေနှင့် အကောင်းဆုံးတည်ဆောက်ခွင့် တွေဖန်တီး ရယူနိုင်ဖို့ အခွင့်အရေးတွေ အများကြီးရှိသေးတဲ့ အခြေအနေတစ်ခု ဖြစ်တယ်ဆိုတဲ့ အကြောင်း….


ဘ၀ဆိုတာချစ်စရာကောင်းတဲ့ နံနက်ခင်း တွေမှာ လမ်းလျှောက်ထွက်ခြင်း လို့သာ ယူဆနိုင်မယ်ဆိုရင်…လတ်ဆတ် တဲ့လေကို ရှုရှိုက်၊ ကျယ်ပြန့်လွင့်မျောတဲ့ ကောင်းကင်အောက်မှာ ခဏတာ အတူတကွ လမ်းလျှောက် ထွက်ကြရအောင် ဆိုတဲ့ ရည်ရွယ်ချက်နဲ့ဖတ်မိတဲ့ လူတိုင်း အတွက် ရသမြောက်စွာ ခံစားနိုင်စေဖို့ မျှဝေခံစားခြင်း ဖြစ်ပါတယ်လို့…..ပြောရင်း ဘလော့လေး ရဲ့ တစ်နှစ်မြောက်နှစ်ပတ်လည် မှသည် ဆက်လက် ကြိုးစားပါဦးမယ်လို့ ဆန္ဒပြုရင်း…

အားလုံးကိုချစ်ခင်လေးစားလျှက်…

ညခင်း


အချစ်နဲ့ စွဲလမ်းမှု...

0

အချစ်နဲ့ စွဲလမ်းမှု

ပြီးပြည့်စုံသည့် ဘ၀တစ်ခုကို တည်ဆောက်ဖို့ မရှိမဖြစ် လိုအပ်ချက်များကို စာရင်းချကြည့်ပါ။ အများစုမှာ စင်စစ် လိုချင်တပ်မက်မှု၊ လောဘနှင့် ဆန္ဒ များဖြစ်နေသည်ကိုတွေ့ရမည်။ ထိုလိုအပ်ချက်တွင်အချစ်ကို ထည့်သွင်းစဉ်းစား ကြည့်ပါ။ အချို့ကတော့အချစ်သည်အရေးမကြီး ၊ အချစ်မရှိလည်း နေနိုင်သည်ဟု ဆိုကြသည်။ မှန်ပေသည်။ အချစ်မရှိဘဲ အသက်ရှင်နေထိုင်နိုင်ပါသည်။ သို့သော် ရုပ်ပိုင်းအရသာ ကျန်းမာနိုင်မည်ဖြစ်သည်။ အချစ်သည် စိတ် ကျန်းမာမှု၏ရေသောက်မြစ်တစ်ခု ဖြစ်သည်။ လူတို့သည် မွေးဖွားသန့်စင်ချိန်မှစ၍ အချစ်ကို ခံစားကြုံတွေ့ခဲ့ရသည်။ မိဘ၏ ချစ်ခြင်းမေတ္တာကို လက်ခံရှိသည်။ ထို မိဘ၏ ချစ်မေတ္တာအပေါ်မှုတည်၍ မိမိ၏ အသက်အရွယ် ဘ၀အတွေ့အကြုံအရ ..အချစ်စိတ်သည် လည်း အမျိုးမျိုးပြောင်းလဲသွာ ခဲ့ကြတယ်။

အချစ်စစ်ဆိုသည် မှာ အဘယ်နည်း။ အချစ်စစ်ဆိုသည်မှာ ချစ်သူအတွက် အချစ်စိတ်မှ ပေါက်ဖွားသည့် တစ်ဦးကို တစ်ဦး ဂရုစိုက်မှု၊ ရိုသေလေးစားမှု၊ သည်းခံမှု၊ တန်ဖိုးထားမှု၊ အနစ်နာခံမှု၊ ယုံကြည်မှု၊ နားလည်ပေတတ်မှု၊ ပျော်ရွှင်မှု စသည့် ကိုယ်ကျိုးစွန့် ပေးဆပ်ခြင်းများဖြစ်သည့် စိတ်စေတနာများ ပါဝင့်လေ့ ရှိတယ်လို့ စိတ်စီစစ်မှု ပညာရှင်ဆိုခဲ့ဘူးတာ မှတ်သားမိသည်။

စွဲလမ်းမှု ဆိုသည်မှာ အဘယ်နည်း။ လူစိတ်သဘာဝသည် စွဲလမ်းတတ်သည်။ အစားအသောက် အ၀တ်အထည် အနေအထိုင်မှအစ အမျိုးမျိုးစွဲလမ်းတတ်သည်။ ဘ၀၏ လိုအပ်ချက်များတွင် စွဲလမ်းမှုများပါဝင်လာသည်။ လူတို့၏ လိုအင်ဆန္ဓများမှပေါက်ဖွားလာသော အန္တရာယ်ပေးနိုင့်သည့် လောဘများ တိုးပွားလာမှုဖြစ်သည် ဟု စိတ်ပညာရှင်တို့က ဖွင့်ဆိုကြသည်။ စွဲလမ်းမှု ဟူသည့် စကားလုံများတွင် ဥပါဒါန်း၊ ဆန္ဒပြင်းပြမှု၊ ပျက်စီးစေမှု၊ အကျင့်စွဲမှု၊ သူတစ်ပါးကို အားကိုးမှု၊ မှီခိုမှု စသည် အဓိပ္ပါယ်များပါဝင်သည်။

အချစ်အကြောင်းပြောဆိုရာတွင် ပင် တစ်ခါတစ်ရံ ထိုစကားလုံးများကို အသုံးပြုလာကြသည်။ ပြီးပြည့်စုံသော ဘ၀တစ်ခုတည်ဆောက်ရာတွင် အချစ်နှင့် စွဲလမ်းမှု၊ လိုချင်တက်မက်မှုတို့ မှာ ရောထွေးလာသည်။စွဲလမ်းမှုမှ ပေါက်ဖွားလာသော အချစ်ဟူသည် ကလေးဘ၀မှာ ယခုအထိ ကိုယ်မကြုံတွေ့ရသည့် မအောင်မြင်ခဲ့သည့် မစွမ်းဆောင်နိုင်သည့် လိုအပ်ချက်နှင့်စွမ်းရည် များဖြင့် ပြည့်စုံနေသူတစ်ဦးကို မှီခိုအားထားကာ သဘောကျ နှစ်သက်ခြင်းဖြစ်သည်။ထိုမှစ၍ အန္တရာယ်ပေးနိုင်သည့် စွဲလမ်းမှုမှ အချစ်စိတ်တို့ပေါက်ပွားလာကြသည်။ ထိုကြောင့်အချစ်ကို ကြုံလာလျှင် ထိုမကောင်းသော စွဲလမ်းမှုမျိုး မှ ပေါက်ဖွားလာသည့် အချစ်ကို လက်သင့် မခံမိရန်မှာ အရေြး့ကီးသည်။

ထို့ကြောင့် အချစ်နှင့် စွဲလမ်းမှုကို ခွဲခြားသိကာ မှန်ကန်သော ဘ၀ဖော်ကို ခိုင်မာတည်မြဲသော ချစ်ခြင်းမေတ္တာ ဖြင့် ပျော်ပျော်ရွင်ရွင် လက်တွဲနိုင်ရန် ကြိုးစားကြရမည်ဖြစ်သည်။

တစ်ဦးကို တစ်ဦးချစ်ကြပါ။ ဒါပေမဲ့ အချစ်ကြိုးတွေနဲ့ မချည်နှောင်မိပါစေနဲ့...
ကမ်းခြေတစ်ကြောမှာ မျောပါရိုက်ခတ်နေတဲ့ ပင်လယ်လေတစ်ခု သာဖြစ်နေပါစေ...
တစ်ဦးလိုအပ်ချက်ကို တစ်ဦးဖြည့်ဆည်းပါ။ ဒါပေမဲ့ ဂုဏ်မယူမိပါစေနဲ့...
တစ်ဦးရဲ့အောင်မြင်မှုကို တစ်ဦးကြည်နှုးပါ။ ဒါပေမဲ့ ယူမသုံးမပါစေနဲ့...
ပျော်ပျော်ရွှင်ရွင် သီဆိုကခုန်လိုက်ကြပါ။ ဒါပေမဲ့ တစ်ယောက်ချင်း စီဖြစ်နေပါစေ...
တယောတစ်လက်ရဲ့ ကြိုးတွေက တစ်ကြိုးချင်းစီရှိနေပေမဲ့ သံစဉ်တစ်ခုတည်းကို သီဆိုနေတယ်..
နှလုံးသားချင်း ဖလှယ်လိုက်ပါ။ ဒါပေမဲ့ မချုပ်နှောင်မိပါစေနဲ့...
ွှနှလုံးသားတွေ ဟာ ဘ၀ရဲ့ လက်ထဲမှာ သာရှိတယ်...

ဖေဖော်ဝါရီလ ၁၄ ရက်နေ့မှာ...
ချစ်သူအတွက် ပန်းလေး တစ်ပွင့် ...သူ့ကိုယ်စား ပေးပို့ပေးဖို့ တောင်းဆိုလာတဲ့ ညခင်း ရဲ့ မောင်လေး အတွက် ဒီပို့စ်လေး နဲ့ သရော်ပါတယ်။

အားလုံးကို ချစ်ခင်လေးစားလျှက်

နှုတ်ခွန်းဆက်ရန်....

လူအခြေခံကျင့်ဝတ်တရားတို့၊ ပျက်ပြားနေကြကမ္ဘာမြေ။ ဟိုတိုင်းဒီပြည် ရန်စစ်ခင်းလို့၊ လူနဲ့လူချင်း သတ်ခါနေ၊ ငြိမ်းချမ်းပါစေ အာသီသနဲ့၊ စွမ်းနိုင်ရာက ကူညီသလေ။ ကျင့်ဝတ်တရား၊ သီလငါး၊မှတ်သားကျင့်သုံးစေ၊ အဖိုးတန်တဲ့ ၊ဗုဒ္ဓ၀ါဒ ကမ္ဘာကသိပါစေ။
ကံအကျိုးပေးကွဲပုံ - သူ့ကိုသတ်ဖြတ်၊ သက်တိုလတ်၊ မသတ်အသက်ရှည်။ -ညှင်းဆဲသူက အနာများ၊ သနားကျန်းမာသည်၊ -ဒေါသမီးလျှံ၊ အကျည်းတန်၊ သည်းခံလှပသည်။ - မနာလိုမှာ ၊ ခြွေရံကွာ၊ ကြည်သာခြွေရံစည်။ - မပေးလှူက ၊မွဲပြာကျ၊ လှူမှ ပေါကြွယ်သည်။ - မရိုမသေ၊ မျိုးယုတ်ချေ၊ ရိုသေ မျိုးမြတ်သည်။ - မမေးမမြန်း၊ ဥာဏ်မြင်ကန်း၊ စုံစမ်း ဥာဏ်ကြီးသည်။ - ဆိုးတာပြုက၊ ဆိုးတာရ ၊ ကောင်းမှ ကောင်းစားသည်။ - ဆိုးကောင်းနှစ်တန်၊ ကံစီမံ၊ ခံစံကြရသည်။

Followers