အခါတစ်ပါးတွင် ဘုရားရှင်က ဒေသစာရီခရီး လှည့်လည်ခိုက် ဂါမဏိသူကြီးနှင့် ကြုံကြိုက်ပါတယ်။ ဂါမဏိက သူ့စိတ်ထဲ သို့လောသို့လောဖြစ်နေတာတွေ မေးလျှောက်ပါတယ်။အရှင်ဘုရား ၊ တခြားဘာသာ တခြားဝါဒများမှာတော့ သေသူ အောက်ရောက်နေပါသည်ကို အထက်သို့ တင်ပို့ပေးနိုင်ကြသည် ဆိုပါ၏။ ထိုမှ အပြန်အားဖြင့် သေသူအထက်တက်နေသည် ကိုလည်း ဒဏ်ခတ်သောအားဖြင့် အောက်သို့ ဆွဲချနိုင်စွမ်းရှိသည် ဆိုကြပါ၏ အရှင်ဘုရား ကတော့ ဤလိုများ တတ်နိုင် စွမ်းပါသလားဘုရား...ဟုမေးလျှောက်ပါတယ်။
ဘုရားရှင်က ဂါမဏိ ဒီလိုပြန်မေးခဲ့ပါတယ်။ နှစ်သက်သလိုဖြေပါလို့လည်းခွင့်ပေးခဲ့ပါတယ်။
လေးလံတဲ့ ကျောက်ဖျာကြီး ရေထဲကျရောက် နှစ်မြုပ်သွားသည် ဆိုပါစို့၊ ထိုကျောက်ဖျာကြီး နစ်မြုပ်ရာသို့ ကမ်းနဖူးမှနေ လှမ်းမျှော်လျက်က... အို...ကျောက်ဖျာကြီး ၊ ရေပေါ်တက်ခဲ့...တက်ခဲ့ ဟူ၍ အမိန့်ပေး၍ ရသလော...
သည်လောက်လေးလံနေတာကြီး ဘယ်ကလာ ရနိုင်ပါ့မတုန်းဘုရား....
အေး ..သည့်အတူပဲ မကောင်းမှု အကုသိုလ်တို၏ ပူးကပ်အားကြောင့် ညစ်နွမ်းလေးလံ လျက်ရှိသောသူကိုလည်း မည်သူမျှ အထက်သို့ မပို့နိုင်ရာပြီ။
တစ်ဖန် ထောပတ်အိုးကြီးတစ်ခု ရေပြင်ကျယ်အနက်ထဲသို့ ကွဲလျက်က ကျရောက်သွားသော် ထောပတ်တို့သည် ရေပေါ် ပေါ်လာပြီ ဆိုပါအံ့၊ ထိုပေါ်လာသော ထောပတ်တို့ကို လက်ညိုးထိုးလျက်က အို...ထောပတ်၊ အောက်ဆင်း...အောက်ဆင်း ဟူ၍ ကမ်းနဖူးမှနေ သင်အမိန့်ပေး၍ရနိုင်သလော....
ဒါလည်းပဲ ဘယ်လိုနည်းနှင့်မျှ မရနိုင်ပါဘုရား...
အေး...သည့်အတူပဲ ကောင်းမှု ကုသိုလ်တို့၏ ရွှင်သွက်အားကြောင့် သန့်စင်ပေါ့ပါး ဥာဏ်ကျက်စားနေသူကို လည်း မည်သူကမျှ ဆွဲမချနိုင်ပြီ...ဟူ၍ မိန့်တော်မူခဲ့ချေ၏။
သို့ကြောင့် ဤဒေသနာတော်ကို ထောက်ဆ၍ မိမိ ကောင်းတရားကို မိမိသာပိုင်ဆိုင်ချေ၏။ မိမိ၏ အဆိုးတရားများကို လည်း မိမိသာလျှင် ပိုင်ဆိုင်ပေ၏။ မိမိကောင်းရန်သည် မိမိသာ ပြုလုပ်ပိုင်ခွင့်ရှိသဖြင့် မိမိသည်သာ အချစ်ဆုံး၊ အားအကိုးရဆုံး၊ စိတ်အချရဆုံး မိတ်ဆွေစစ်ဖြစ်ချေ၏။ တဖန် မိမိဆိုးရန်ကိုလည်း မိမိပြုလုပ်နိုင်မှသာ ရသဖြင့် မိမိသည်သာ မိမိ၏ အကြောက်ရဆုံး၊ ရှောင်ပုန်း၍ မရဆုံး၊ စိတ်မချရဆုံးသော ရန်သူစစ်မည်ချေ၏။ (ပဋိဘာနဥာဏဿန၊ စာ-၈၈၂)
This comment has been removed by the author.
ကောင်းတယ် ကောင်းတယ်။
အော်...
မျက်လှည့်ဆရာ ပျောက်စေဆရာတွေ အတော်များတယ်။
မိတ်ဆွေနဲ့ ရန်သူကိုမြင်သွားပြီ။
ကျေးဇူးတင်ပါတယ်။းဒီ
မှတ်သားသွားပါတယ် ညခင်းရေ
း)
ဒီလိုစာတွေ အရမ်း သဘောကျပါတယ် .. များများရေးသားနိုင်ပါစေရှင်
ပျော်ရွှင်ပါစေး)