ညခင်းရဲ့ မွေးနေ့အစီအစဉ်

ညခင်း ရဲ့ မွေးနေ့လေးမနက်ဖြန် မေ(၁၆)ရက် ဆိုရောက်ပါပြီ.... နှစ်စဉ်နှစ်တိုင်းမွေးနေ့ ဆို ဘာလုပ်ရင်ကောင်းမလည်း ... ကြိုတင်စဉ်းစားရတာ အမောပါ...ဒီနှစ်မှာတော့ စိတ်ညစ်ညစ်ရှိတာနဲ့ ဘာမှ စဉ်းစားမထားပါဘူး... နှစ်စဉ်လည်း မိဘဘိုးဘွားတွေကို ကန်တော့ခြင်း၊ ဘုန်းကြီးကျောင်းသို့ ဆွမ်းချိုင့်ပို့ခြင်း နှင့် ခင်မင်တဲ့မောင်နှမများ စားချင်တာကို ချက်ကျွေးခြင်း ဒါနများ လုပ်ခဲ့ပါတယ်။ ဒီတော့....ဒီနှစ်လည်းဒီအတိုင်းပဲ အလှူဒါန ပြုရင်း...ခင်ပွန်းကြီး (၁၀)ပါးအား လည်း ၀န်ချ တောင်းပန်မှာဖြစ်ပါတယ်။
ဝန်ချတောင်းပန်နည်းစာအုပ်လေး ညခင်းလက်ထဲရောက်နေတာ ကြာပါပြီ...မလုပ်ဖြစ်ခဲ့ဘူး။ ကန်တော့ တောင်းပန်နည်းလေးကိုလည်း ဘလော့မှမောင်နှမများ အားပြန်လည်းမျှဝေပေးမယ်နော်...။

ဝန်ချတောင်းပန် အဓိဌာန်နည်း...။

သတ္တ၀ါတို့၏ ချမ်းသာအကျိုးကိုသာ လမ်းညွန်တော်မူသော မြတ်စွာဘုရား၊ ဘုရားတပည်တော်/မ သည် ခင်ပွန်းကြီး ၁၀ပါး နှင့် အကြောင်းစပ်၍ သံသရာ၌ သော်၎င်း၊ ယခု ပစ္စုပ္ပန်၌သော်၎င်း၊ သိ၍ဖြစ်စေ၊ မသိ၍ဖြစ်စေ ကာယကံ ၀စီကံ မနောကံတို့ဖြင့် ထိုခင်ပွန်းကြီးများအား ပြစ်မှားခြင်း များစွာရှိလျှင် ပစ္စုပ္ပန်သံသရာ၌ ဆိုးကျိုးများ အမှန်ဆက်ကာဆက်ကာ ရမည်ဟု ယုံကြည်လက်ခံပါ၏...။ကောင်းစွာ နှလုံးသွင်းပြီးပြီဖြစ်ပါသည်။ သံသရာဘ၀များစွာမှတော်စပ်ခဲ့သော ခင်ပွန်းကြီးများနှင့် ယခု ပစ္စုပ္ပန် ၌တော်စပ်လျက်ရှိသော ခင်ပွန်းကြီးတို့ အား အပြစ်ကြီးအပြစ်ငယ်တို့ ယခုပစ္စုပ္ပန်၌သော်၎င်း၊ အနာဂတ်သံသရာ၌သော်၎င်း ဆိုးကျိုးများပေးခြင်းမှ လွတ်ကင်းလိုသော အကျိုးငှာ (ယနေ့မှစ၍) ကောင်းစွာနှလုံးသွင်း ယုံကြည်စွာဖြင့် နေ့စဉ် တနေ့လျှင် အနည်းဆုံးတစ်ကြိမ် မပျက်မကွက် အသက်ထက်ဆုံး မှတ်ဥာဏ် မပျက်စီးသရွေ့ ၀န်ချတောင်းပန်ခြင်းပြုမည် ဖြစ်ပါကြောင်း လျှောက်ထား အဓိဌာန်တင်ပါသည်ဘုရား။

ခင်ပွန်းကြီး (၁၀)ပါး…ပါဌိလို ကန်တော့ရန် ဂါထာ။

ဗုဒ္ဒ္ဒ္စါ ပစ္စေက ဗုဒ္ဒ္စါစ
အရဟာ အဂ္ဂ သာဝကာ
မာတာပိတု ဂုရုသတ္တာ
ဓမ္မဒေသကာ စ ဒါယကာ
က္ကုမေ တေစ မဟာဂုဏေ
အဟံ ၀ိန္ဒာမိ သဗ္ဗဒါ။
ကန်တော့ ၀န်ချတောင်းပန်နည်း။

အနှိုင်းမဲ့ ဥာဏ်တော်နှင့် ပြည့်စုံတော်မူသော( မြတ်စွာဘုရား )….တပည့်တော်/မသည်သံသရာ ဘ၀ပေါင်းများစွာ ၌သော် ၄င်း၊ ယခု ပစ္စုပ္ပန် ဘ၀ ၌သော် ၄င်း၊( မြတ်စွာ ဘုရားအဆူဆူ)တို့ အပေါ် ၌ သိ၍ဖြစ်စေ၊ မသိ၍ ဖြစ်စေ ကာယကံ ၀စီကံ မနောကံ တို့ဖြင့် ပြစ်မှား စော်ကားခြင်းရှိခဲ့ပါလျှင်၊ ကျေးဇူးကန်းခြင်းရှိခဲ့ပါလျှင်၊ ထို ကျူးလွန်ခဲ့သော အပြစ်ကြီး အပြစ်ငယ်များကို ယခုအခါကောင်းစွာ နှလုံးသွင်း ယုံကြည်စွာဖြင့် ၀န်ခံ ပါ၏ ၊ ၀န်ချပါ၏ ၊ တောင်းပန်ပါ၏ ၊ ကန်တော့ပါ၏ ၊ဘုရားတပည့်တော်/ မ အားသည်းခံခွင့်လွတ်ပါရန် တောင်းပန်အပ်ပါသည်။ ၀န်ချတောင်းပန်ခြင်းမှန်သော စွမ်းအားကြောင့် ဆိုးကျိုးပေးဆဲ ဆိုးကျိုးပေးလတ္တံ သော စွမ်းအား သတ္တိတို့သည် ယခုပင်ပျက်ပြယ်ရန့်တန့်၍ ကောင်းကျိုး ချမ်းသာ အလုံးစုံ ခံစား ရရှိပါစေသတည်း။

လှူဒါန်းရန်။

(၁) ဖယောင်းတိုင် ၁၀တိုင် (သို့မဟုတ်) တစ်ပေါင်းတစ်စု ၁၀ပါးအတွက် တစ်တိုင်။
(၂) အမွေးတိုင်။
(၃) နှစ်သက်ရာ ဆွမ်းဘောဇဉ်ငါးပါးမှ တစ်ပါး (သို့မဟုတ်)ငါးပါးလုံး။
(ဆွမ်း ထမင်း၊ အသားဟင်း၊ ငါးဟင်း၊ ဂျုံနှင့်လုပ်သောမုန့်၊ ဆန်နှင့်လုပ်သောမုန့်)
(၄) ခဲဖွယ် ( အသီးအနှံအမျိုးမျိုး၊ အဥ အဖု၊ အညွန့်အတက်၊ အမြစ်အမျိုးမျိုး)
(၅) တိရိစ္ဆာန်များအားအစာကျွေးခြင်း၊
(၆) မိတ်သင်္ဂဟများ (သို့မဟုတ်) ခင်ပွန်းကြီးများ သက်ရှိထင်ရှားရှိပါက အာဟာရ ဒါနမှ အစစွမ်းနိုင်သော ဒါနများ ပြုရန်။
(၇) ကုသိုလ်အဖို့ဘာဂ ကို အမျှပေးဝေရန်။

ခင်ပွန်းကြီး၁၀ပါး အကြောင်း အကျိုးအပြစ်ကို ပိုစ့်တစ်ခု ရေးခဲ့ပြီးပါပြီ။

(http://www.nyahkinyaelamin.com/2008/12/blog-post_4710.html)

ရေးခဲ့ပြီးနောက်ပိုင်းလည်း နေ့စဉ် ခင်ပွန်းကြီး(၁၀)ပါးအား ဦးချ ကန်တော့ဖြစ်ပါတယ်။ကဲ.... ဒါကတော့ ညခင်းရဲ့ မွေးနေ့ အတွက် အစီအစဉ်လေးပါ။ လိုအပ်တဲ့ ပစ္စည်းတွေ ၀ယ်ဖို့ ဈေးကို သွားအုံးမယ်နော်။မနက်ဖြန်ကျရင် ညခင်းတို့အိမ်မှာ...ထမင်းပေါင်း နဲ့ အအေး တိုက်မယ်။ လာခဲ့နော်။

လိပ်စာကတော့......www.nyahkinyaelamin.com ဆိုရောက်ပါတယ်။  ဟဲဟဲ

ရွှင်လန်းချမ်းမြေ့ကြပါစေ။

ညခင်း