ကပ်စေးနဲများ အဖွဲ့ချုပ်

9



မြတ်စွာဘုရား သက်တော်ထင်ရှားရှိစဉ်အခါက သာဝတ္တိပြည်မှာ ကပ်စေနဲသူများနဲ့ ပါဝင်ဖွဲ့စည်းထားတဲ့ ဂိုဏ်းတစ်ဂိုဏ်းရှိခဲ့တယ်။ အဖွဲ့ဝင်တွေဟာ ချမ်းသာကြွယ်ဝတဲ့ လူကုံထံတွေ၊ အထက်တန်းလွှာက လူတွေ ဖြစ်ပါတယ်။ ငွေကို မိမိအသက်ထက်ချစ်ခင်မြတ်နိုး တန်ဖိုးထားသူများဖြစ်ကြတယ်။ စားချင်တာကို မစားကြဘူး။ ၀တ်ချင်တာကို မ၀တ်ကြဘူး။ အငတ်ခံပြီး ၊ စုတ်စုတ်ပြတ်ပြတ်နဲ့ ဖြစ်သလိုနေနေကြတယ်။ မသေခင်က ပြိတ္တာဖြစ်နေသူတွေလို့ ဆိုနိုင်ပါတယ်။

အဲဒီ ဂိုဏ်းသားတွေဟာ မနာလို ၀န်တိုစိတ်ရှိသူတွေဆိုတော့ လှူဖို့ တန်းဖို့ ပေးဖို့ကမ်းဖို့ ဆိုတာ ဝေလာဝေး စိတ်ကူးတောင် မရှိကြပါဘူး။ မြတ်စွာဘုရား နဲ့ တပည့်သား သံဃာတွေအပေါ် ကြည်ညိုသူတွေကတော့.... ဆွမ်း၊ ပစ္စည်းလေးပါး၊ တို့နဲ့ သဒ္ဓါတရားထက်သန်စွာ သာသနာတော်ကြီး အဓွန့်ရှည်ကြာအောင် ဆိုတဲ့ ရည်ရွယ်ချက်နဲ့ ငွေကြေးဥစ္စာ အမြောက်အမြား ကို နှမြောတွန့်တိုခြင်း အလျဉ်းမရှိဘဲ၊ နောင်သံသရာအတွက် ကုသိုလ်ထုပ် မြုပ်သည့်သဘော တန်ဖိုးရှိရှိသုံးနေကြတယ်။ ဒါတွေကို မြင်တွေ့နေကြတဲ့ ကပ်စေးနဲ့ ဂိုဏ်းသားတွေကတော့ ငွေကုန်မှာစိုးလို့ မြတ်စွာဘုရားကို မကိုးကွယ်ကြဘူး။ ကျောခိုင်းပြီး ဝေးဝေးနေကြတယ်။ သူတို့ရဲ့ မနာလိုဝန်တိုစိတ်က ကြီးမားလွန်းတာကြောင့် သေလွန်သွားတဲ့အခါ ပြိတ္တာဘ၀ ရောက်ရှိခဲ့ ကြရပါတော့တယ်။

တစ်ခုသော နံနက်ခင်း ဆွမ်းခံချိန်မှာ-
ဇေတ၀န်ကျောင်းတော်က ထွက်ခွာလာတဲ့ ရှင်မောဂ္ဂလာန် ဟာ သာဝတ္တိမြို့တွင်း မရောက်ခင် လမ်းခုလတ်မှာ ခြေချင်းလိမ်နေတဲ့ ပြိတ္တာအုပ်ကြီးနဲ့ ထိပ်တိုက်ရင်ဆိုင်မိတယ်။ အဲဒီအချိန်မှာ အရှင်မောဂ္ဂလာန်ဟာ သပိတ်ပိုက်ပြီး ခေတ္တရပ်တော်မူနေလိုက်တယ်။ပြိတ္တာတွေရဲ့ အသွင်ဟာ အသားအရောင်က နက်ခြောက်ခြောက်၊ မျက်ကွင်းတွေက ဟောက်ပက်ပက်၊ နံရိုးတွေက အပြိုင်းပြိုင်း ပေါ်၊ သွားတွေကလည်း ခေါထွက်နေတယ်။ အ၀တ်မပါ ဗလာနတ္တိ၊ တစ်ချို့ဆို မိမိရဲ့ ဆံပင်အရှည်ကြီးတွေနဲ့ အရှက် မပေါ်အောင်မလုံမလဲဖုံးဖိထားကြတယ်။

ဒါကို မြင်တွေ့ရတော့ အရှင်မောဂ္ဂလာန်က မေးပါတယ်။ အချင်း ဒါယကာတို့ …အဘယ်သို့များ ဖြစ်နေကြတာလဲ အ၀တ်အစား မပါ၊ ကြောက်မက်ဖွယ်ရာ ရုပ်အဆင်းနဲ့ ပိန်လှီခြောက်ကပ် လို့ ဘယ်သူတွေလဲ…..။

ပြိတ္တာတွေက တစ်ယောက်မျက်နှာ တစ်ယောက်ကြည့်နေကြတယ်။ သူပြန်လျောက်နိုး၊ ငါပြန်လျောက်နိုးစောင့်နေကြတယ်။ ခဏကြာမှ တစ်ယောက်က-

ကိုယ်တော်မြတ်ကြီးဘုရား
တပည့်တော်တို့ဟာ ပြိတ္တာတွေဖြစ်ကြပါတယ်။ ယမမင်းကြီးရဲ့ လက်အောက်က ဒုက္ခဘုံသားတွေဖြစ်ပါတယ်။ လူ့ဘ၀တုန်းက စိတ်ထားမှားပြီးမကောင်းမှုတွေ ပြုလုပ်မိခဲ့ ကြလို့ အခုလိုဘ၀မျိုး ရောက်နေကြရ ပါတယ်ဘုရား…တပည့်တော်တို့သည် လှူထိုက်တဲ့ အလှူခံပုဂ္ဂိုလ်တွေ ပေါများနေပါလျက် ငွေအသပြာပဲဝက် လောက်ဒါန ကိုပင် မပြုခဲ့ဘူးပါ။ နှမြောတွန့်တိုပြီး လှူကြတန်းကြသူတွေ ကိုလည်း ပြစ်တင်ရှုတ်ချ ၊ ကဲ့ရဲ့ ခဲ့ကြပါတယ်။

နောက်တစ်ဖန် ခံစားနေရသောဒုက္ခ များကိုလည်း ရင်ဖွင့်လျောက်ထားကြတယ်။ တပည့်တော်တို့ဟာ ဆင်းရဲတွင်း နက်လှပါတယ်။ ရေငတ်လွန်းလို့ တသွင်သွင်စီးဆင်နေတဲ့ မြစ်နားသွားရောက်ပြီး အငမ်းမရ သောက်မယ်လုပ်လိုက်တဲ့အခါမှာ မြစ်ရေတွေဟာ ရွှံ့နွံအနှစ်တွေ ဖြစ်ကုန်ကြပါတယ်။ ကျောကုန်း တွေမှာခြစ်ခြစ်တောက်အောင် နေပူဒဏ်ခံထား ရလို့ သက်သာရာရအောင် သစ်ပင်ရိပ်ကောင်းအောက် ၀င်ခိုပြန်တော့လည်း သစ်ပင်ရိပ်ပျောက်ပြီး နေပူပြင်းကြီးဖြစ်သွားပြန်ပါတယ်။ တိုက်ခတ်လာ တဲ့ လေတွေကလည်း ပူလောင်လှပါတယ်။ တစ်ကိုယ်လုံးဟာ မီးလောင်မြိုက်နေသလိုခံစားနေရပါတယ်ဘုရား၊ ကိုယ့်အကြောင်းနဲ့ကိုယ်ဆိုတော့ ကြိတ်မှိတ်ခံစားနေရပါတယ်ဘုရား ။ ၀မ်းဗိုက်ဟာ ဆာလောင်မွတ်သိပ် နေတာမို့ ထမင်းလုံးတစ်စေ့၊ ရေတစ်စက်လောက်ရအောင် ခရီးမိုင် ပေါင်းများစွာကို လှည့်လည်သွားလာ ရှာဖွေနေကြရပေမယ့် မရရှိခဲ့ကြပါ။ တချို့ဆို ပင်ပန်းလွန်းလို့ အားပြတ်ပြီး ခရီးမြေပြင်မှာ ဘုန်းဘုန်းလဲကျကာ ဒဏ်ရာအနာတရဖြစ်ကြရပါတယ်။

ဝဋ်ကြွေးရှိသမျှခံစားပြီး ၀ဋ်ကြွေးကုန်လို့ လူ့ဘ၀ပြန်ရောက်လာခဲ့ရင် တပည့်တော်တို့ဟာ သူတော်ကောင်း တွေရဲ့အဆုံးအမကို နာယူပါ့မယ်။ သီလစောင့်ထိန်းကာ ဒါနအစရှိတဲ့ ကုသိုလ်ကောင်းမှုတွေကို ပြုကြပါမယ် ဘုရား လို့ အစရှိတာတွေကို လျှောက်ထားပြီး ရိုသေစွာ လမ်းဖယ်ပေးကြပါတယ်။

အရှင်မောဂ္ဂလာန်ဟာ မြင်တွေ့ခဲ့သမျှကို မြတ်စွာဘုရားထံ ချဉ်းကပ်ကာ လျှောက်တင်လိုက်တော့ မြတ်စွာဘုရားက ၀န်တို မစ္ဆေရစိတ်အားကြီးလို့ ပြိတ္တာဖြစ်ခဲ့ရသူတွေအကြောင်းကို ပရိသတ်တို့အား ဟောကြားပေးတော်မူခဲ့ပါတယ်။

မစ္ဆေရရဲ့ သဘောသဘာဝဟာ နှမြော ၊တွန့်တို ၀န်တိုမှု ဖြစ်ပါတယ်။ မစ္ဆေရဟာ လှူဒါန်းပေးကမ်းမှုနဲ့ ဖြောင့်ဖြောင့်ကြီး ဆန့်ကျင်နေပါတယ်။ ကပ်စီးနဲများ အဖွဲ့ချုပ်က ဂိုဏ်းဝင်တွေဟာ ကျွန်ုပ်တို့ကို သင်ခန်းစာပေး နမူနာပြသွားခဲ့ကြပြီဖြစ်ပါတယ်။ ဒါကြောင့် ကြောက်စရာကောင်းတဲ့ မစ္ဆေရစိတ်ကို မိမိတို့ရဲ့ စိတ်သန္တာန်မှာ ဖြစ်ပေါ်မလာနိုင်အောင် ဆင်ခြင်ပယ်သတ်ကြရမှာ ဖြစ်ပါတယ်။


ရွှင်လန်းချမ်းမြေ့ကြပါစေ။
ညခင်း

9 - Comment:

  • September 9, 2009 at 1:48 AM

    ကြောက်ဖို့ကောင်းတယ်နော် ...

  • September 9, 2009 at 1:52 AM

    ခုဘ၀မှာ လှူစရာရှိတာလှူကြပါ မတွန့်တိုပါနဲ့ တွန့်တိုရင် ကြောက်စရာကြီး
    ဒီတော့ ညခင်းမှာရှိတာတွေလည်း လှူသာလှူခဲ့ပါ အားလုံးပေးမယ်ဆိုလည်း ၀မ်းသာပါတယ် :P

  • September 9, 2009 at 2:02 AM

    ကျွန်မတို့လည်း ဂိုဏ်းတစ်ဂိုဏ်း ထောင်ပါ့မယ်.. ဂိုဏ်းချုပ်ကတော့ ညခင်းပါ.. လိုက်ပါမယ့် အဖွဲ့ဝင်များ ညခင်းနဲ့လမင်းမှာ အမြန်စာရင်းပေးကျပါ :P

  • September 9, 2009 at 2:31 AM

    သမီးမညခင်းရေ...

    သည်ပို့စ်လေးကြောင့် စာဖတ်သူတွေ နှမျောဝန်တိုမှုတွေ ကို သံဝေဂ ရ ကြပါလိမ့်မယ်။
    ထိမိတဲ့စကားလုံးလေးတွေ နဲ့တရား တွေရင်ထဲကိန်းသွားစေတဲ့ သမီးကို အံတီက လေးစားစွာ သာဓုခေါ်ဆိုသွားပါတယ်။
    သာဓု-သာဓု-သာဓု

    သစ္စာအလင်း

  • September 9, 2009 at 7:46 AM

    အေးဗျာ အဲလိုပြိဿာလည်း မဖြစ်ချင်ဘူး။ မရှိလို့မလှူ မလှူလို့ မရှိလည်း မဖြစ်ချင်ပါဘူးဗျာ။ ရှမ်းသီချင်းထဲကလိုပေါ .. တစ်မူးရှိလို့ တစ်ပဲလှူ ဆိုတာမျိုးပဲ ကောင်းမယ်ထင်တယ်

  • September 9, 2009 at 10:05 AM

    လှူတန်းဖို့ အရေးကြီးကြောင်း မှတ်သားသွားပါတယ်ဗျာ


    ခင်မင်စွာဖြင့်
    သီဟသစ်

  • September 9, 2009 at 8:11 PM

    ကပ်စေးနဲများ အဖွဲ့ချုပ် ဆိုလို့

    ဘယ်မှာများလည်းလို့ လာဖတ်တာ...

    အတော်ကြောက်စရာ ကောင်းပါတယ်...

    ကိုယ့်ရဲ့ နှမြောမှုကြောင့် ပြိတ္တာဖြစ်ကြရတယ်ဆိုတော့...

    ကိုယ့်ကိုယ်ကို မချစ်တတ်တဲ့သူတွေလို့ ပြောရမှာပေါ့...။

    ရေးသားတင်ပြပုံကောင်းတယ် ဒါကြောင့် မတွန့်တိုရဲတော့ဘူး...

    သူတော်ကောင်းတို့လည်း မတွန့်တိုကြနဲ့တော့...

    အားလုံး ဆင်းရဲဒုက္ခချုပ်ငြိမ်းကြပါစေ...
    ဦးလောကနာထ

  • September 10, 2009 at 2:38 AM

    တကယ်အကျိုးရှိတဲ. ပို.စ်လေးပါဘဲဗျာ ....
    နောင်လည်း အများကြီးဆက်ရေးပေးပါအုံး ခင်ဗျ

  • September 10, 2009 at 2:18 PM

    အစ်မရေ.. အစ်မစာလေးဖတ်ရင်း စကားလေးတစ်ခုနားထဲကကြားယောင်မိပါတယ်..
    လူ့ဘ၀ရဲ့တန်ဖိုးကို အပါယ်လေးဘုံရောက်မှ သိလိမ့်မယ်ဆိုတဲ့ စကားလေးပါပဲ..
    မှန်ပါတယ်နော်.. လူ့ဘ၀မှာ တတ်နိုင်သလောက် ဒါန၊ သီလ၊ ဘာဝနာတွေ များသထက် များအောင်စုဖို့ လိုအပ်တယ်ဆိုတာ အစ်မပိုစ့်လေးက မီးမောင်းထိုးပြလိုက်တာပါ။ ဘုရားအဆုံးအမအတိုင်း လိုက်နာကျင့်ကြံနိုင်ပါစေအစ်မ.. စိတ်ချမ်းသာ ကိုယ်ကျန်းမာပါစေ..

နှုတ်ခွန်းဆက်ရန်....

လူအခြေခံကျင့်ဝတ်တရားတို့၊ ပျက်ပြားနေကြကမ္ဘာမြေ။ ဟိုတိုင်းဒီပြည် ရန်စစ်ခင်းလို့၊ လူနဲ့လူချင်း သတ်ခါနေ၊ ငြိမ်းချမ်းပါစေ အာသီသနဲ့၊ စွမ်းနိုင်ရာက ကူညီသလေ။ ကျင့်ဝတ်တရား၊ သီလငါး၊မှတ်သားကျင့်သုံးစေ၊ အဖိုးတန်တဲ့ ၊ဗုဒ္ဓ၀ါဒ ကမ္ဘာကသိပါစေ။
ကံအကျိုးပေးကွဲပုံ - သူ့ကိုသတ်ဖြတ်၊ သက်တိုလတ်၊ မသတ်အသက်ရှည်။ -ညှင်းဆဲသူက အနာများ၊ သနားကျန်းမာသည်၊ -ဒေါသမီးလျှံ၊ အကျည်းတန်၊ သည်းခံလှပသည်။ - မနာလိုမှာ ၊ ခြွေရံကွာ၊ ကြည်သာခြွေရံစည်။ - မပေးလှူက ၊မွဲပြာကျ၊ လှူမှ ပေါကြွယ်သည်။ - မရိုမသေ၊ မျိုးယုတ်ချေ၊ ရိုသေ မျိုးမြတ်သည်။ - မမေးမမြန်း၊ ဥာဏ်မြင်ကန်း၊ စုံစမ်း ဥာဏ်ကြီးသည်။ - ဆိုးတာပြုက၊ ဆိုးတာရ ၊ ကောင်းမှ ကောင်းစားသည်။ - ဆိုးကောင်းနှစ်တန်၊ ကံစီမံ၊ ခံစံကြရသည်။

Followers