လူထဲက လူတစ်ယောက်ပါဘုရား

တစ်ခါသော် ဘိုးတော်ဦးဝိုင်းနှင့် မိဖုရားခေါင်ကြီးတို့သည် ဧရာဝတီမြစ်ကမ်းရှိ ရွှေကြက်ယက်၊ ရွှေကြက်ကျဘုရား သို့ သွားရောက်ဖူးမြှော်ရာ ဦးပေါ်ဦးသည် ပါရှိ၍ လာလေသည်။

ဤတွင် ပျော်ရွှင်လိုသောကြောင့် အပျော်တော်ဝန် ဦးပေါ်ဦးအား ခေါ်တော်မူလျက် ဧရာဝတီမြစ်ရေပြင်ကို လက်ညှိုးထိုးပြပြီး... နင်ဒီမြစ်ကို ဟိုဘက်ရောက်အောင် ကူးနိုင်ပါ့မလား ဟုမေးတော်မူလေ၏။

ထိုအခါ ဦးပေါ်ဦးက သွက်လက်စွာဖြင့် မှန်လှပါ...သည်မျှကျယ်သောမြစ်ကို မဆိုထားနှင့် သည့်ထက် ကျယ်သော မြစ်ကိုပင် ကူးနိုင်ပါကြောင်း ဟု လျှောက်တင်လိုက်လေသည်။

ဒါဖြင့် ကူးပြစမ်းဟု မိန့်တော်မူလိုက်သောအခါ ဦးပေါ်ဦးသည် ရုတ်တရက် ထိုင်ရာမှ ထပြီး ပုဆိုးကို ခါးတောင်းကျိုက်ကာ မြစ်ကမ်းသို့ ဆင်းသွားလေသည်။

ဘုရင်နှင့်တကွ ပရိသတ်အပေါင်းသည်လည်း ဦးပေါ်ဦး တကယ်ပင် ရေကူးတော့မည်ဟု ယုံမှတ်ကာ အာရုံစုလျှက် ကြည့်ရှုနေကြလေသည်။

ဦးပေါ်ဦးသည် ရေစပ်တွင် အထက်သို့ပြေးလိုက် အောက်သို့ပြေးလိုက်ဖြင့် အတန်ကြာစွာလုပ်နေရာမှ ဘိုးတော် ဦးဝိုင်းက မင်းချင်းတစ်ယောက်ကို လွှတ်၍ ခေါ်လိုက်လေသည်။

ပေါ်ဦး ၊ နင်ဟိုဘက်ကမ်း ကူးမလို့ဆို....မှန်လှပါ ကူးမလို့ ပါဘုရား.....

ဒါဖြင့်ကူးလေဟယ်၊ ဘာကြောင့် ဟိုပြေး သည်ပြေးလုပ်နေတာလဲ.....

လှေရှာနေတာပါဘုရား...

ဘယ့်နှယ့်မောင်မင်း....

လှေရှာနေတာပါဘုရား...

အခု နင်ပြောတုန်းကတော့ ဒီမြစ်လောက် မဆိုထားနဲ့ ဒီထက်ကျယ်တဲ့မြစ်ရေကိုတောင်မှ မောင်မင်းကူးနိုင် တယ်ဆို....

မှန်လှပါ လှေနဲ့သာ ကူးနိုင်တာပါ ဘုရား...

ဟဲ့ ....နင်လိုတော့ လူတိုင်းကူးနိုင်တာပေါ့ ဟဲ့....ဟု ဘုရင်ကြီးက မိန့်တော်မူလေသည်။

ထိုအခါ ဦးပေါ်ဦးက

မှန်လှပါ ၊ ကျွန်တော်မျိုး ငပေါ်ဦးလဲ လူထဲက လူတစ်ယောက်သာဖြစ်လို့ သူများနည်းတူသာ ကူးနိုင်ကြောင်းပါဘုရား ဟု လျှောက်တင်လိုက်လေရာ ဘုရင် မိဖုရားနှင့်တကွ အားလုံးသော ပရိသတ် တို့မှာ ရယ်ကြရလေသည်။

အားလုံးပြုံးပျော်နိုင်ပါစေ။