သားကောင်းတစ်ယောက်

သားကောင်းတစ်ယောက် ဆိုသည်မှာ.....
မိဘ တို့၏ စိတ်နှလုံးကို ပြည့်ဝစေတတ်သောကြောင့် သား ဟု ဆိုပါသည်။

မိဘတို့သည် သားသမီးမွေးမြူလိုမှုနှင့် ပတ်သက်၍ မျှော်လင့်ချက် ငါးချက်ဖြင့် မွေးမြူကြသည်ဟု ဘုရားရှင်က ဟောကြားတော်မူခဲ့ပါသည်။

ယင်းမျှော်လင့်ချက် ငါးချက်မှာ-

(၁) ငါတို့ ကျွေးမွေးခဲ့သလို ငါတို့ အသက်ကြီးသောအခါ အရေးတယူ အလေးမူ၍ ပြန်လည်ကျွေးမွေးလိမ့်မည်။

(၂) ငါတို့၏ အမှုကိစ္စတို့ကို ဆောင်ရွက်လုပ်ကိုင်ပေးလိမ့်မည်။

(၃) ငါတို့၏ အမွေအနှစ်ကို ခံထိုက်အောင် ကျင့်ဆောင် ကြလိမ့်မည်။

(၄) ငါတို့ အမျိုးအနွယ် မပျက်စီးအောင် စောင့်ရှောက်ကြလိမ့်မည်။

(၅) ငါတို့ ကွယ်လွန်သောအခါ ငါတို့ကို ရည်မှန်း၍ ကုသိုလ်ပြုကာ အမျှပေးဝေလိမ့်မည်။

ယင်းငါးချက်တွင် နံပါတ်(၁) အချက်ဖြစ်သော ငါတို့မွေးမြူထားသော သားသမီးသည် ငါတို့အား ပြန်လည်လုပ် ကျွေးကြလိမ့်မည် ဟူသော မိဘ တို့၏ စိတ်နှလုံးအလိုဆန္ဒ မျှော်လင့်ချက်ကိုဖြည့်ကြမှသာလျှင် မိဘတို့၏ ထိုအလိုဆန္ဒအတိုင်းပြန်လည် လုပ်ကျွေးပြုစုကြမှသာလျှင် သားဟု ဆိုရပါသည်။

အသိတိနိပါတ်။ မဟာသုတသောမ ဇာတ်၌ အလောင်းတော် သုတသောမ မင်းက ပေါရိသာဒ၏ မိဖုရားကို ဆုံးမရာ၌-

-လင်ကိုမကြောက်သော မယားသည် မယားမမည်။
-မိဘကို မလုပ်ကျွေးသော သားသမီးသည် သားသမီးမမည်ဟု ဆိုဆုံးမခဲ့သည်။

မိဘကို လုပ်ကျွေးပြုစုသော... မိဘ တို့၏ စိတ်နှလုံးအလိုဆန္ဒ မျှော်လင့်ချက်ကိုဖြည်း ဆည်းသော...သားကောင်း သမီးကောင်းများ...အဖြစ်အောင် ကြိုးစားကြပါစို့လို့ ဆန္ဒပြုရင်း။

ပျော်ရွှင်ကြပါစေ...
ညခင်း