အိပ်ရာက ဆတ်ခနဲ လန့်နိုးလာ၏။ နာရီကြည့်လိုက်တော့ ည ၂နာရီတိတိ။ အင်းအိပ်ရာဝင်တာ ၁၂နာရီဆိုတော့ အိပ်တာ ၂နာရီပဲ ရှိသေးတာပဲ။ အိမ်မက်ထဲတွင် အိပ်မက်ဆိုးမြင်မက်ပြီ လန့်နိုးလာခြင်းပင်။ အဲဒီမှာတင် ဆက်အိပ်လို့မရတော့ပါ အတွေးနယ်ချဲ့နေမိလေသည်။
အချစ်ဆိုသည်မှာ အဘယ်နည်း။ လောကတွင် လူတိုဟာ မည်သူ့ကို အချစ်ဆုံးလဲ။ အခြားတစ်စုံတစ်ယောက်ကို အချစ်ဆုံးဟု ဆိုလျှင်တော့ ဒါညာတာ သေချာသည်။ မိမိကိုယ်ကို လောက်ဘယ်သူ့ကို ပိုချစ်နိုင်ပါမည်နည်း။ ဟုတ်သည်။ မိမ်ိကိုယ်ကို မိမိ အချစ်ဆုံး။ဒါကရော သေချာသတဲ့လား။
မနက်က ဖုန်းသတင်းအရ ကျွန်မ ဆွေမျိုးတစ်ဦးနာရေး သတင်းကို ကြားခဲ့ရပါတယ်။ ထိုသူနှင့် ဆက်စပ်မိတဲ့အကြောင်းအရာများဆီအတွေးရောက်သွားပါတယ်။ကျန်းမာရေးပညာပေး ဟောပြောပွဲ များတွင်ပညာပေး ဟောပြောခဲ့ဘူးသ တစ်ဦး အကြောင်းပါ…။
သူပြောခဲ့ဘူးသည့်စကားများကို ပြန်လည်ကြားရောင်မိပါသည်။ အဆုတ်နာရောဂါ ၊ နှလုံးသွေးကြောကျဉ်း၊ နှလုံးပုပ်ရောဂါ ကင်ဆာရောဂါပေါင်းစုံ ရစေတတ်တဲ့အဲဒီလောက် ကြောက်စရာကောင်းလှတဲ့ ဆေးလိပ်ကို လူသတ်ကောင် တစ်ယောက်လို သဘောထားပြီး ဝေးဝေးက ရှောင်ဖို့ လိုမယ်။ အင်း ဒီလိုပြောတော့ ခင်ဗျားတို့က မယ်။ သူများကို ကျတော့ ဒီလိုရှောင်ရမယ်၊ ဟိုလို ရှောင်ရမယ်နဲ့ ဆရာကြီး ကျတော့ ခုနတုန်းက ဟောပြောပွဲ မစခင် တစ်လိပ်ပြီး တစ်လိပ် သောက်နေကျတော့ ဘယ်လို ပြောရမလဲ ဆိုပြီးတော့ပေါ့။ မှန်တယ်။ ကျွန်တော်လည်း သောက်တယ် ငယ်ငယ်ကတည်းက သောက်လာတော့ဖြတ်လို့ မရတော့ဘူး။ အရမ်းစွဲနေပြီ၊ ကျုပ်တင်မကဘူး၊ ဟိုရှေ့နားထောင့်နားက အဘိုးကြီးတွေလည်း ဆေးလိပ်လေးတွေကိုယ်စီ ကိုယ်စီနဲ့ဖင်ထဲက မီးခိုးထွက်အောင် ဖွာရှိုက်နေကြတာ၊ ကိုင်း ကျုပ်တို့ ခင်ဗျားတို့ ဆေးလိပ်ချိုးတွေကတော့ သေမထူးနေမထူးဖြစ်ပြီ၊ အခုမှတော့ဖြတ်လို့လည်းမရတော့ဘူး ၊ သေခါနီးပြီ မဟုတ်လား။ အဲဒီတော့ ဆက်သောက်ကြ၊ ရဲဘော်တို့ ခင်ဗျားတို့ရော ကျုပ်ရော ဒီဆေးလိပ်က ပေးတဲ့ ရောဂါတစ်ခုခုနဲ့ မကြာခင်မှာ မာကလီးယားမှာ သေချာတယ်။ ဒီတော့ အားမလျှော့နဲ့ မသေခင် လေးမှာ အးရပါးရ ဆက်သောက်၊ ဒါပေမဲ့ ဆေးလိပ် မသောက်တတ်သေးတဲ့ လူငယ်လူရွယ်တွေ အားလုံး ဆေးလိပ်ရဲ့ ဘေးဆိုးကြီးတွေကနေ လွတ်အောင် ဆေးလိပ်ကို ဝေးဝေးက ရှောင်ကြဖို့၊ ကျွန်တော်တို့လို မမိုက်မဲကြဖို့ အထူးသတိပေးလိုပါတယ် …။ ကဲ ဒီလို ကျန်းမာရေး ဟောပြောပွဲတွေမှ စိတ်ဝင်စားဖွယ်ပျော်ရွင်ဖွယ် အာဝဇ္ဖန်း ရွှင်ရွှင်နဲ့ ကျန်းမာအောင်၊ အသက်ရှည်အာင် မည်သို့နေထိုင် စားသောက်လေ့ကျင့်ခန်း တွေလုပ်ရမည်ကို အကွက်ကျကျ ဟောပြောခဲ့သူ…။ ထိုကဲ့သို့လူမျိုးပင် ….မိမိအချစ်ဆုံးဆိုသော မိမိကိုယ်ကို မသေသေအောင် သတ်နေတာ မဟုတ်လို့ ဘာလုပ်တာလဲ၊ ဒါဟာ ကိုယ်ကိုယ်ကိုယ် ချစ်တာလား။
ဒီလိုနဲ့ ဆက်တွေးဖြစ်တော့ မေးခွန်းပေါင်းများစွာနဲ့ပေါ…။လူတို့သည် ဘ၀တွင် တစ်ခုမဟုတ်တစ်ခုကိုတော့ စွဲလန်းမိတတ်၏။ စွဲလမ်းရင်းမှ ချစ်သွားကြ၏။ မျက်ကန်းချစ်ဖြင့် တစ်စုံတစ်ရာကို ချစ်သွားကြသည်မှာ မိမိအသက်ကိုတောင် မိမိ မငဲ့ကွက်လောက်အောင်ပင်။ အံ့သြဖို့ မကောင်းဘူးလား။ လောကတွင် သိသည်က တခြား၊ ကျင့်သည်က တစ်ခြား၊ အသိနှင့်အကျင့် တို့ တစ်ထပ်တည်းကျဖို့သည်မျှလောက်အောင်ပင်ခက်ခဲနေသလား။ ပညာတတ်သည်က တစ်ခြား ပညာရှိသည်ကတစ်ခြား၊ ပညာတွေ ဘယ်လောက်တတ်ပါစေ တကယ့်လက်တွေ့ မကျင့်သုံးနိုင် လျှင်ထိုသူကို ပညာရှိသည်ဟု မခေါ်နိုင်ပါ။
သူများတွေကိုတော့ ပြောနေသည်။ မိမိကရော ပညာရှိလား ပညာတတ်လား၊ လောကကြီးသည် ကမောက်ကမ နိုင်၏။သူများကိုကြည့်သည့်မျက်လုံး နှင့် ကိုယ်ကိုယ်ကို ပြန်ကြည့်သည့်မျက်လုံး တူပါ့မလား။ ကိုယ့်ကိုယ်ကိုယ် ကျတော့ အဟုတ်အမှန်ဟုသာ ထင်တတ်သည်။ မိမိကို ဝေဖန်ကြလျှင်လည်း မိမိမှန်ကြောင်း ပညာတတ်ပီပီ လှပသော ဆင်ခြေများကိုလည်း ကတ်သီးကတ်သတ် ပေးတတ်သည် မဟုတ်ပါလား။
တွေးနေ၊ ငေးနေ၊ ရေးနေသည်မှာ ဘယ်လောက်ကြာတယ်မသိဘူး၊ သူအချစ်ဆုံးကတော့ ဆေးလိပ်ပေါ့။ ကျွန်မ အချစ်ဆုံးကရော….။
0 - Comment:
Post a Comment