ကောသမ္ဗီပြည် ဥတေနမင်းမှာ သာမာဝတီ၊ မာဂဏ္ဌီ၊ ၀ါသုလဒတ္တဒေ၀ီ ဟု မိဖုရား ၃ယောက်ရှိပါတယ်။ သာမာဝတီသည် ရတနာသုံးပါးကို ကြည်ညိုသူဖြစ်ပါတယ်။ မာဂဏ္ဌီကတော့ မိဖုရားမဖြစ်ခင် ကတည်းက ဘုရားရှင်အပေါ်မှာ ရန်ငြိုးထားခဲ့သော ပုဏ္ဌေးမလေးဖြစ်ပါတယ်။ ထို့ကြောင့်မြတ်စွာဘုရားကို ကြည်ညိုသူ သာမာဝတီအား မာဂဏ္ဌီက အမြဲအပြစ်ရှာနေသူဖြစ်ပါတယ်။ သာမာဝတီကတော့ မေတ္တာတရား အထူးပွားများနေသူဖြစ်ပါတယ်။ ဥတေနမင်းကတော့ မိဖုရား၃ယောက် တို့၏ အဆောင်များဝယ် တစ်လှည့်စီစံစားကာ စောင်းတီးဝါသနာပါသော ဘုရင်တစ်ဦးဖြစ်ပေတယ်။
အခါတစ်ပါးမှာ သာမာဝတီထံ အဆောင်တော်ကူးရန် နီးလေသောအခါ မာဂဏ္ဌီသည် သူ့ဘထွေးထံမှ အဆိပ်ပြင်းသော မြွေကိုမှာ၍ အဆိပ်ကိုဖြေစေလျက် စောင်း ခွက်တွင်းသို့ သွင်းထားလေတယ်။ နောက်ပီိးု ပန်းကုံးနဲ့ ပိတ်ဆို့ပြီး ဘုရင့်ထံသွား၍ အိမ်မက်ရာမက် မကောင်းသောကြောင့် သာမာဝတီအဆောင် မကူဖို့ရန် မိန်းမဥာဏ်ဖြင့် သံတော်ဦးတင်လေတယ်။ ဘုရင်က ဂရုမစိုက်ပဲ သာမာဝတီဆောင် သို့ကူးလေရာ၊ စိတ်မချဟန်ဖြင့် နောက်ကအတင်းလိုက်သွားလေတယ။်
အဆောင်တော်ရောက်လို့ ဆက်သတဲ့ပွဲတော်ကို တည်ပြီးနောက် သလွန်ပေါ်လဲလျောင်းသည့်အခါ မယောင်မလည်နှင့်သူပိတ်ဆို့ထားတဲ့ ပန်းကုးံကို နုတ်လိုက်လေတယ်။ ထိုအခါထည့်ထားတဲ့ မြွေသည် အလွန်စိတ်ဆိုနေရကာ ရှုးခနဲထွက်ခါ ဘုရင့်ဦးခေါင်း အနီးသို့ရောက်လေတယ်။ ထိုအခါ အလွန်ထိတ်လန့် စိုးရိမ်ဟန်ဖြင့် ဘုရင်ကိုပြ၍ သာမာဝတီနှင့် မောင်းမတစ်စုကို ကြိမ်းမောင်းပြီးလျှင် ရှင်ဘုရင်လည်း သူ့စကားကို နားမထောင်သဖြင့် ယခုလိုဖြစ်ရသည်ဟု အပြစ်တင်လေတယ်။
ဥတေနမင်းလည်း မာဂဏ္ဌီ စီစဉ်သမျှကို မသိပဲ လွန်စွာထိတ်လန့်ပြီး မျက်မာန်ရှပြီး ကိုင်နေကျလေးကိုတင်ကာ သာမာဝတီတို့အစုကို စီတန်းစေလျက် ပစ်ဖို့ရန် ကြိမ်းဝါးပါတယ်။ မေတ္တာတရားကို အထူးပွားများသူ သာမာဝတီကတော့ သူ၏ မောင်းမမိဿံများကို အမိတို့...မောင်တော်မင်းမြတ်နှင့် မာဂဏ္ဌီတို့အပေါ်မှာ အနည်းငယ်မျှ စိတ်မကွက်ကြဖို့။ ယခုလို အခါမျိုးမှာ မေတ္တာမှ တစ်ပါးအားကိုးစရာ မရှိပေဘူး။ အမိတို့ပွားများနေကျ ဖြစ်သော မေတ္တာကိုသာ ကြိုးစားပြီးပွားများကြပါလို့ သြ၀ါဒပေးရှာတယ်။
ဤသို့တိုက်တွန်းလေတဲ့အခါ ပင်ကိုယဉ်ကျေးပြီးသော မောင်းမများဖြစ်သည့်အတွက် အသက်ဘေးကို အရေးတကြီးမစဉ်းစားပဲ မေတ္တာကိုသာ ပွားကြလေသည်။ ဥတေနမင်းကား အမျက်မပြေနိုင်သေးသဖြင့် ချိန်ရွယ်ထားတဲ့မြားကို တစ်အားကုန် ပစ်လွတ်လိုက်လေရာ မေတ္တာတန်ခိုးကြောင့် မြားအရှိန် ရှေ့မတိုးပဲ ပစ်သူထံ မြားပြန်၍ ခလေသော်အခါ ဥတေနမင်း သတိရပြီး မိဖုရားခြေရင်း ထိုင်ကာ သည်းခံဖို့ရန် တောင်းပန်ရှာလေတယ်။
ဒီဇာတ်တော်မှာ မာဂဏ္ဌီက....သာမာဝတီ အပေါ် ကိုယ်ထက်သာ၍ မနာလိုသော ဣဿာစိတ်၊ ပရိယာယ်ဥာဏ်ဆင်ရတောသာ မာယာစိတ်၊ သေစေလိုသော ဒေါသစိတ်များဖြင့် လုပ်ကြံခြင်းကို ပြုလုပ်ခဲ့တယ်။ ဥတေနမင်း ကတော့ မြွေကို မြင်ရသည်ကစပြီး ဒေါသစိတ်မွန်ကာ မြားပြန်လာတော့မှာ လွန်စွာ ကြောက်ရွံ့သော ဒေါသ ဒေါမနဿစိတ်တွေဖြစ်ရပြန်တယ်။ မင်းတွေရဲ့ အာဃာတ တရားကြီးမားတာကို လည်းတွေ့ရပါတယ်။ မောင်းမများနဲ့ သာမာဝတီမှာတော့ ရန်သူအပေါ်၌ပင် မေတ္တာစိတ်ထားနိုင်တာကို တွေ့ရပါတယ်။
နည်းယူမှတ်သားဖွယ်ကတော့ ယခုကာလ သူတော်ကောင်းစိတ် ဖြင့် အမြင့်တန်းကိုမှန်းထားမယ်ဆိုရင်ဖြင့် သာမာဝတီ ထုံးကို နှလုံးသွင်းလျက် မိမိအပေါ် မတော်မတရား ဣဿာမစ္ဆရိယများကိုပင် လက်တုန့်မပြန်ပဲ ရန်မမူမိစေပဲ မိမိစိတ်ကိုသာ ကောင်းသည်ထက်ကောင်းအောင် ပြုပြင်ကြရမှာ ဖြစ်ပါတယ်။ အကျိုးဆောင်ခွင့် ကြုံလာလျှင်လည်း မိမိကို မလိုလားသူ၏ အကျိုးကိုပင် စိတ်ပါလက်ပါ ဆောင်လျက် အဖိုးတန်လှတဲ့ မေတ္တာလက်နက်ကို အချက်ကျကျသုံးစွဲသင့်ကြောင်း ဒီဇာတ်တော်လေးက သက်သေပြလျက်ရှိပါတယ်။
မေတ္တာ ဟူသည်မှာ တစ်ယောက်ယောက်အပေါ်ဝယ် သူ၏ အကျိုးစီးပွားကို လိုလားသော (ကြီးပွားအောင် စောင့်ရှောက် ကူညီလိုသော) ချစ်ခင်မှုကို မေတ္တာဟု မှတ်သား ရပါတယ်။
မေတ္တာသည် ရေနှင့်တူ၏၊ ဒေါသသည် မီးနှင့်တူ၏။ ရေများလေ မီးငြိမ်းလေ။ ထို့ကြောင့် ဒေါသနည်းအောင် မေတ္တာတိုးပွားဖို့ ကြိုးစားသင့်ကြောင်း သင်ခန်းစာရပါတယ်။
ညခင်း
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။
မေတ္တာနှစ်လုံးကို လူတိုင်းနှစ်လုံးသွင်းခြင်းဖြင့် အားလုံးအေးချမ်းပါစေ ညခင်းလည်း အေးချမ်းပါစေ. . .