မြတ်စွာဘုရားလက်ထက်တွင်-
တိတ္ထိတို့မှ ဗုဒ္ဓအရှင်ဟာ သတ္တ၀ါတွေအားလုံးပေါ်မှာ မေတ္တာတားတယ်သာ ပြောတာပါ။ တကယ်တမ်း ဦးစားပေးတရားဟောကြား ပြသတာကျတော့ တပည့်သာဝက တွေနဲ့ ဥပါသကာ၊ ဥပါသိကာမတို့ ကိုပဲ ဦးစားပေးဟောတာပဲ။ ဟု စွပ်စွဲ ပြောဆိုခဲ့ကြပါတယ်....ဒီလိုစွပ်စွဲချက်ကို ဘုရားရှင်က အားလုံး သဘောပေါက် နားလည်ကြစေရန် ဒီလို ဥပမာပေးဟောကြားခဲ့ပါတယ်...
မိုးရွာတဲ့အခါမှာ စဥ့်အိုးအကွဲ အပဲ့တွေ နဲ့ ခံနေလျှင် ရေများများရနိုင်မည်မဟုတ်၊ စဥ့်အိုးအကောင်းနဲ့ ခံမှသာလျှင် ရေကိုလုံလောက်အောင် များများရနိုင်မည်ဖြစ်ကြောင်း နှင့် ....ငါဘုရား၏ တပည့်သာဝက များသည် စဥ့်အိုးအကောင်းနှင့်တူကြောင်း၊ ငါ့ဘုရား၏ တရားတော်များ အပေါ် သက်ဝင်ယုံကြည် ကိုးကွယ် ဆည်းကပ်သူ ဥပါသကာ၊ ဥပါသိကာမတို့သည် စဥ့်အိုးအပဲ့ နှင့်တူ သဖြင့် အပြည့်အ၀ မရနိုင်တောင်မှ ရသင့် ရထိုက်သလောက် ရမှာဖြစ်ကြောင်း...
တိတ္ထိတို့အနေနှင့် မည်မျှပင် ဟောကြားပြသနေသော်လည်း စဥ့်အိုးအကွဲ နှင့် ရေခံရသလို တစ်စက်မျှရမှာမဟုတ်ကြောင်း၊ ထို့ကြောင့် ငါဘုရား၏ သာသနာတော်ကိုး ဆက်လက်ထိန်းသိမ်း စောင့်ရှောက် သွားနိုင်ကြမည့်သူများကိုသာ ဦးစားပေး ဟောကြောင်း၊ ဥပမာပြ ဟောကြားခဲ့ပေသည်။
မြတ်ဗုဒ္ဓ၏ သာသနာတော်ကြီး ညိုးမှိန်ပျောက်ကွယ်မသွားစေရန် နှင့် အမြဲ ရှင်သန်နေစေရန်အတွက် သာသနာ့ဝန်ဆောင် ဆရာတော် သံဃာတော်များ ထိန်းသိမ်းစောင့်ရှောက်နေကြသည်မှာ လွန်စွာ ကျေးဇူးတင်စရာကောင်းလှပါတယ်။
အကယ်၍သာ မြတ်ဗုဒ္ဓါ သည် လူ့ရွာထင်ရှား ၊ မပွင့်ငြားက၊ ဤကား ကုသိုလ်၊ အကုသိုလ်နှင့် ထို ထို ဘုံဘ၀၊ မသိရ၊ များလှအပြစ်တွေ။
ယခုခါသော်၊ မြတ်ဇိနော်သည်၊ ပွင့်ပေါ်ထင်ရှား၊ ဟောညွန်ကြား၍၊ ဤကားကုသိုလ်၊ အကုသိုလ်နှင့် ထိုထိုဘုံဘ၀၊ သိကြရ၊ များလှ ကျေးဇူးပေ။
ကျေးဇူးတော်ရင်၊ ဘုရားရှင်၏ များဖြင့် ဒေသနာ၊ အဖြာဖြာကို များစွာ ဗိုလ်လူ၊ သိစိမ့်ဟူ၍ ဆူဆူ ကျမ်းစာ ၊ ဘာသာဋီကာနှင့် စာဝါ အမျိုးမျိုး ကမ္မည်းထိုးခဲ့၊ နောင်အကျိုးကိုမျှော်၊ တို့ဆရာတော်၏ ဂုဏ်တော်ကျေးဇူး၊ အထူးထူးကို ညွတ်နှုးရည်လျက်၊ တို့ဆောင်ရွက်သည် စဉ်ဆက် သာသနာတည်စေသော်-
ဟူ ၍ မဟာဂန္ဓာရုံကျမ်းပြုဆရာတော်ကြီးအရှင်ဇနကာဘိဝံသမှ ဘုရားရှင်၏ ကျေးဇူးတော်ကို ဖော်ညွန်းရေးသားခဲ့ခြင်းဖြစ်ပေသည်။
ဘုရားရှင် မရှိတော့သည့်နောက် ဘုရားသာသနာတော်ကြီး ကွယ်ပျောက်မသွားရခြင်းသည်ကပင်လျှင် စဥ့်အိုးကောင်းနှင့်တူသော တပည့်သာဝကများမှ ဒုက္ခအမျိုးမျိုးခံကာ ထိန်းသိမ်းစောင့်ရှောက်ခဲ့ ခြင်းကြောင့် ဖြစ်ကြောင်းနားလည်သဘောပေါက်ခဲ့ရပါတယ်။
တရားတော်များအပေါ် သက်ဝင်ယုံကြည်ကြသော ဥပါသိကာ ဥပါသိကာမတွေ အနေဖြင့်လည်း ဘုရားရှင်၏ သာသာနာတော်ကြီး အရှည်တည်တံ့စေနိုင်ရန်အတွက် ကြိုးပမ်းနေကြသည်ဖြစ်သလို ဤလောကကြီးတွင် တိုတောင်းလှသော လူ့သက်တမ်းနှင့် မြန်ဆန်လှသော နေ့ည ဖြစ်ပေါ်မှုအပေါ် သတိသံဝေဂ ယူကာ သံသရာခရီးအတွက် ရိက္ခာကောင်းများ ထုပ်ပိုးသယ်ဆောင်နိုင်ကြပါစေဟု...ဆန္ဒပြုရင်း......
ညခင်း
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။
0 - Comment:
Post a Comment