ရှင်အတူ သေမကွာ နေလိုပါလျှင်

0

ရှင်အတူ သေမကွာ နေလိုပါလျှင်

ခေါင်းစဉ်လေးကတော့ ကောင်းတယ်နော်...လူတို့သည် သံယောဇဉ်ကြိုး အနှောင်အတည်းများဖြင့် ခိုင်မြဲစွာ နေလိုသူများဖြစ်ပါတယ်။ သမုဒယ သံယောဇဉ်တရားကား  ကမ္ဘာအစ၊ လူအစကပင် အထင်ကရ ၀မ်းတွင်းပါ တရားဖြစ်လေသည်။ ဆုတောင်းလျှင်တောင် ငှက်ဖြစ်လျှင် တစ်ကိုင်းတည်း၊ ဆင်ဖြစ်ရင် တကျွန်းတည်း၊ လူဖြစ်ရင် တစ်အိမ်တည်း၊ ကျွဲဖြစ်ရင်လည်း တအိုင်ထဲ စသည်ဖြင့် ဆုတောင်း စကားတွေ ကြွယ်လေ့ရှိကြတယ်။ ခွဲမနေချင်ကြဘူးပေါ့....တစ်စက္ကန့်လေးတောင်ခွဲမနေချင်တဲ့ သီချင်း၊ မျက်တောင်လေးတောင်မခတ်ခြင်တဲ့ သီချင်းတွေလည်း စသည်ဖြင့် ဖွဲဆိုပြီးလွမ်း ကြတယ်နော့်။ 

 ရှင်အတူသေမကွာ ဇာတ်လမ်းများဖြစ်ရပ်မှန်များ မြောက်မြားစွာထဲက ကိန္ဒရာ ၊ ကိန္ဒရီ   တစ်ညတာခွဲခွာရတာ နှစ်ပေါင်း ရ၀၀ ကွဲကွာ သွားရသကဲ့သို့ ခံစားရတဲ့ ဇတ်လမ်းဟာလည်း အားလုံးနည်းပါးသိပြီးကြပြီး ဖြစ်ပါတယ်။ အဲဒီလို မခွဲမခွာ နေလိုကြသူ တွေထဲမှာလည်း ဗုဒ္ဒဘုရားရှင်၏ ခမည်းတော် မယ်တော်များဖြစ်ခဲ့ကြဖူးသော နကုလပိတာ၊ နကုလမာတာ တို့လည်းပါ
ဝင်ခဲ့ကြတယ်။

တရံရောအခါက သံသုမာရဂိရမြို့မှာ နကုလပိတာ၊ နကုလမာတာ ပုဏေားကြီးနှင့် ပုဏေးမကြီးတို့၏ နေအိမ်သို့ မြတ်စွာဘုရား ဆွမ်းဘုဉ်းပေးရန် ကြွသွားတော်မူ ပါတယ်။ထို ပုဏား ဇနှီးမောင်နှံမှာ သစ္စာရှိရှိ မေတ္တာပြည့်ပြည့်ဖြင့် ငယ်စဉ်ဘ၀ကပင် ကြင်နာယုယစွာ ပေါင်းသင်း ဆက်ဆံနေထိုင်ခဲ့ကြသူများဖြစ်သည်။ မြတ်စွာဘုရား ကြွလာတော်မူစဉ်...ဤကဲ့သို့ပင် နောက်နောင်သံသရာ ကျင်လည်ရာဘ၀ များစွာတို့၌ အတူတကွချစ်ခင်ကြင်နာစွာ ရှင်အတူသေမကွာ နေထိုင်လိုကြပါသည်...အရှင်ဘုရား မည်ကဲ့သို့ ကျင့်စဉ်တရားများကို ပွားများ ကျင့်သုံးရမည်နည်း ဟု မြတ်စွာဘုရား ထံ တောင်းပန်လျောက်ထားပါတယ်။

ထိုအခါ မြတ်စွာဘုရားက ယခုဘ၀မှာလည်း အစဉ်အမြဲ နောင်ဘ၀မှာလည်း အစဉ်တွဲနေထိုင် ရမည့် ရှင်အတူသေမကွာ အကြောင်းအရာ  ကျင့်စဉ်ဒေသနာကို ဟောကြားချီးမြှင့်ပေးတော်မူပါတယ်။

(၁)တူညီသော သဒ္ဓါတရားရှိရမည်။
ဇနီးမောင်နှံတို့သည် ရတနာသုံးပါးအပေါ် အကြွင်းမဲ့ ယုံကြည်ခြင်း၊ ကံနှင့်ကံ၏ တရားများကို ယုံကြည်ခြင်းဟူသော သဒ္ဓါတရားတူညီရမည်။

(၂)တူညီသော သီလရှိရမည်။
ခါးဝတ်ပုဆိုးကဲ့သို့ မြဲမြံစွာ စောင့်ထိန်းအပ်သည့် ငါးပါးသီလ၊ အသက်မွေးဝမ်းကျောင်း မှန်ကန်မှုအဓိကထားသော အာဇီဝဋ္ဌမကသီလ( ကာယကံသုံးပါး၊ ၀စီကံလေးပါးနှင့် သမ္မအာဇီဝဟူသော ရှစ်ပါးသီလ) ၊ ဥပေါသထ သီလဟူသော ရှစ်ပါး၊ ကိုးပါးဥပုသ်သီလများ စောင့်ထိန်းရာ၌လည်း တူညီရမည်။

(၃)တူညီသော စာဂဒါနရှိရမည်။
အလှူဒါနစာဂဟူသမျှကို စိတ်တူကိုယ်တူ ကြည်ဖြူစွာ ပြုရမည်။ မေပးကမ်းစွန့်ကြဲ ပြုကြရမည်။

(၄) တူညီသော ပညာရှိကြရမည်။
ဇနီးမောင်နှံနှစ်ဦးသည်  အတူတကွ တရားနာယူရမည်မှတ်သားရမည်။တရားဆွေးနွေးရမည်။ သူတော်ကောင်းများကို အတူတကွ ဆည်းကပ်ရမည်။ မသိတာ ကို မေးမြန်းရမည်။ အတူတကွ တရားမှတ်ရမည် တရားအားထုတ်ရမည်။

ဤ သဒ္ဓါ၊ သီလ၊စာဂ ပညာဟူသော အကြောင်းလေးဖြာ ဓမ္မဒေသနာကို သေချာစွာကျင့်ကြံလိုက်နာ အတူတကွအားထုတ်ကြပါက ရှင်အတူသေမကွာ နေကြရမှာ ဖြစ်ကြောင်း ဟောကြားတော်မူခဲ့လေသည်။
 ဆောင်ပုဒ်

-ဇနီးမောင်နှံ၊ ရာသက်ပန် ၊မြဲမြံနေလိုငြား။
-သဒ္ဓါ၊ သီလ၊ ကျင့်စာဂ၊ ဥာဏ(ပညာ)တူအောင်ထား။
-ခုရောနောင်ပါ၊ တူမကွာ၊ မေတ္တာမပျက်ပြား။
-သမဇီဝီ၊ သုတ္တန်မှီ ကျမ်းညီ မှတ်စေသား။
ညခင်း

တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

0 - Comment:

နှုတ်ခွန်းဆက်ရန်....

လူအခြေခံကျင့်ဝတ်တရားတို့၊ ပျက်ပြားနေကြကမ္ဘာမြေ။ ဟိုတိုင်းဒီပြည် ရန်စစ်ခင်းလို့၊ လူနဲ့လူချင်း သတ်ခါနေ၊ ငြိမ်းချမ်းပါစေ အာသီသနဲ့၊ စွမ်းနိုင်ရာက ကူညီသလေ။ ကျင့်ဝတ်တရား၊ သီလငါး၊မှတ်သားကျင့်သုံးစေ၊ အဖိုးတန်တဲ့ ၊ဗုဒ္ဓ၀ါဒ ကမ္ဘာကသိပါစေ။
ကံအကျိုးပေးကွဲပုံ - သူ့ကိုသတ်ဖြတ်၊ သက်တိုလတ်၊ မသတ်အသက်ရှည်။ -ညှင်းဆဲသူက အနာများ၊ သနားကျန်းမာသည်၊ -ဒေါသမီးလျှံ၊ အကျည်းတန်၊ သည်းခံလှပသည်။ - မနာလိုမှာ ၊ ခြွေရံကွာ၊ ကြည်သာခြွေရံစည်။ - မပေးလှူက ၊မွဲပြာကျ၊ လှူမှ ပေါကြွယ်သည်။ - မရိုမသေ၊ မျိုးယုတ်ချေ၊ ရိုသေ မျိုးမြတ်သည်။ - မမေးမမြန်း၊ ဥာဏ်မြင်ကန်း၊ စုံစမ်း ဥာဏ်ကြီးသည်။ - ဆိုးတာပြုက၊ ဆိုးတာရ ၊ ကောင်းမှ ကောင်းစားသည်။ - ဆိုးကောင်းနှစ်တန်၊ ကံစီမံ၊ ခံစံကြရသည်။

Followers