သွေးမတော် သားမစပ် သူစိမ်းတစ်ရံများဖြစ်ကြသော မိတ်ဆွေသူငယ်ချင်းနှစ်ဦး ကြားတွင် ပေးချင်ကမ်းချင် အကျိုးဆောင်ချင်သော စေတနာမျိုးပေါ်ထွန်း တတ်ကြပေမဲ့ ဖြစ်ပေါ်ရန်ခဲယဉ်း လှသည်။ သို့သော်လောကတွင် တွေ့နိုင်ခဲလှသော မိတ်ဆွေစစ်များလည်း ကံကောင်းထောက်မစွာ တွေ့ဆုံနိုင် ကြပါသည်။
တစ်ခါသော် နောင်တွင် တရားစစ်သူကြီး လက်ျာရံ အဂ္ဂသာဝက ဖြစ်လာမည့် ဥပတိဿသတို့သား သည် တရားရှာရင်း ရှင်အဿဇိမထရ်မြတ်နှင့် တွေ့၍ ယေဓမ္မာ အစချီဂါထာတစ်ပုဒ်ကို နာကြားရသည်။ ထိုဂါထာတွင် အပိုဒ် ၄ပိုဒ်ရှိရာ အစနှစ်ပိုဒ် နာကြားရရုံမျှ နှင့် သောတာပတ္တိမဂ်ကိုရလေသည်။ နောက်နှစ်ပိုဒ် ကို ဆက်နာရသော် သကဒါဂါမ်ဘ၀သို့ ရောက်ရန် အကြောင်းရှိနေသော်လည်း အစနှစ်ပိုဒ်ကို နာပြီးနောက် အရှင် အဿဇိမထေရ်အား နောက်နှစ်ပိုဒ်ကို မဟောပါနှင့်ဦး၊ နောက်မှ ဆက်၍နာပါအံ့ဟု လျောက်ထားကာ ထွက်ခွာသွားလေသည်။
ဤသို့ ဂါထာတစ်ဝက်ကို နာယူပြီး ထွက်သွားသည်မှာ အခြားကြောင့် မဟုတ် သူနာရသော တရားနှစ်ပိုဒ်သည် အလွန်တရာ လေးနက်ကောင်း မွန်ပြီး အနှစ်သာရနှင့် ပြည့်စုံရကာ ထိုတရားကို သူချည်းသာမက သူငယ်ချင်းဖြစ်သူ ကောလိတကို နာစေချင်သော စေတနာသည် ပြင်းပြလွန်ကဲစွာ ဖြစ်ပေါ်လာသောကြောင့်ဖြစ်ပေသည်။
ဥပတိဿသည် သူနာကြားရသော တရားကို သူငယ်ချင်း ကောလိတအား တစ်ဆင့်ပြောဟောလိုသည်ဖြစ်၍ ကောလိတအား မတွေ့တွေ့အောင် အပင်ပန်းခံကာ လှည့်လည် ရှာဖွေလေသည်။ မကြာမီပင် ကောလိတကိုတွေ့၍ သူနာခဲ့ရသော တ၇ားကို တစ်ဆင့် ပြန်လည်ဟောပြရာ ကောလိတလည်း ထိုနေရာ၌ပင် သောတပန် ဖြစ်သွားလေတော့သည်။
ဥပတိဿသည် အကောင်းကို တွေ့ရှိခံစားရလျှင် သူငယ်ချင်းထံ ပေးကမ်းချီးမြှင့်တတ်သူ မိတ်ဆွေကောင်းတစ်ယောက်ဖြစ်သည်။ ထို့ကြောင့် ရှင်အဿဇိထံ မှ ကြားနာရသော တရားကောင်းတစ်ပုဒ်ကို သူ့မိတ်ဆွေ ကောလိတထံ ကြားကြားချင်း မဆိုင်းမတွ သွားရောက်ကာ အကြောင်းကြားပြောပြခဲ့လေသည်။ သူ့ကို မှီ၍ ကောလိတသည် မြင့်မြတ်သော သောတပန်အဖြစ်သို့ ရောက်ရှိခဲ့ရလေသည်။
မိတ်ဆွေအပေါင်းအသင်း အဖြစ် မူလက ပေါင်းသင်းဆက်ဆံစဉ်က ငါ့အကျိုးပြုနိုင်ပါစေဟု ရည်ရွယ် မထားသော်လည်း အရေးတစ်စုံတရာ ရှိလာသောအခါ မိတ်ရင်းဆွေရင်း တို့၏ အကူအညီ ပံ့ပိုးမှုသည် လွန်စွာ တန်ဖိုးရှိလှသည်။ ထို့ကြောင့် အရေးတစ်စုံတစ်ရာ ရှိသောအခါ ကူဖော်လောင်ဖက် ရသော မိတ်ဆွေမှသာ လျှင် မိတ်ဆွေစစ်၊ မိတ်ဆွေမှန် ဖြစ်သည်ဟု ပညာ၇ှိအဆက်ဆက်က အဆိုပြုခဲ့ခြင်း ပင်ဖြစ်ပေတော့သည်။
ညခင်း
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။
