မွေးနေ့ အဆုံးအမ ဓမ္မဒေသနာအမြတ်ရတနာ။

မွေးနေ့ အတွက် ချီးမြှင့်သော ဓမ္မဒေသနာအမြတ်ရတနာ။ 

အဆုံးအမပေးသော ဆရာတော်အားကျေးဇူးတင် ဦးချကန်တော့ရင်း အဆုံးအမများကိုပြန်လည်း မျှဝေပါတယ်။

မွေးနေ့မှာ ပျော်ရွှင်မူပေါင်းများစွာကို ရပါစေ၊ နောက်နောင်မှာလဲ မိတ်ဆွေသူငယ်ချင်းတွေနှင့် အတူ ပျော်ရွှင်နိုင်ပါစေလို့ ဦးစွာပထမဆုတောင်းပေးလိုက်ပါတယ်။

ဒီနေ့(၁၆.၅.၂၀၁၂)ကျရောက်လာတဲ့ညခင်းရဲ့လမင်းမွေးနေ့မှာ ဦးဇင်း(လပြည့်ဝန်း) က ဓမ္မဒါနအမြတ် ရတနာလည်းယူရာရောက်အောင် ဓမ္မဒေသနာအမြတ်ရတနာလက်ဆောင်ပေးလိုက်ရပါတယ်။ ညခင်းလည်း စာရေးသူတစ်ယောက်ဖြစ်လေတော့ ဘာသာရေးဆိုင်ရာဗဟုသုတတွေတော်တော်  များများသိပါလိမ့်မယ်၊ သိသည်ဖြစ်စေ မသိသည်ဖြစ်စေ အခုဦးဇင်းပြောမှာကတော့ ပိယင်ဇဟ မထေရ်ပြောခဲ့သော စကားလေးခွန်းပဲဖြစ်ပါတယ်။ 

 

(၁)မြင့်သူတွေရဲ့ကြားထဲမှာ နိမ့်သူအဖြစ်နေပါ။

မြင့်သူတွေရဲ့ကြားထဲမှာဆိုတာက လောကကြီးမှာ သေယျမာန်၊သဒိသမာန်၊ဟီနမာန်တည်းသော မာန်မာနတွေဖြင့် ထောင်လွှာပြီးတော့နေနေတဲ့သူတွေရဲ့ကြားထဲမှာ မာန်မာနမရှိဘဲနိမ့်သူအဖြစ် နေပါလို့ပြောချင်တာပါ။ အဲဒီတော့ သာမန်ပုထုဇဉ်အနေဖြင့် မာန်မာနတွေကတော့ ရှိနေဦးမှာပါပဲ၊ မိမိက အဲဒီလူတွေကြားထဲမှာ သတိသမ္ပဇဉ်စိတ်ဝယ်ဆင်ပြီးနေတတ်ဖို့ပါပဲ။ ဒါဆိုရင် မာန်မာနတွေထူပြောနေတဲ့သူတွေကြားထဲမှာ မာန်မာနမရှိဘဲနေတတ်အောင်နေပါလို့ ရတနာထိုက်သောပထမစကားတစ်ခွန်းဖြင့်တိုက်တွန်းလိုက်ရပါတယ်..။

 

(၂)နိမ့်သူတွေရဲ့ကြားထဲမှာ မြင့်သူအဖြစ်နေပါ။

နိမ့်သူတွေရဲ့ကြားထဲမှာဆိုတာက လောကကြီးမှာ ကိုယ်ကျင့်သီလပျက်ပြားနေတဲ့သူတွေအများကြီးရှိပါတယ်၊ အဲဒီလိုကိုယ်ကျင့်တရားပျက်ပြားသူတွေကြားထဲမှာ မြင့်မြတ်သူတစ်ယောက်အဖြစ်နေတတ်အောင်နေပါလို့ပြောချင်တာပါ။ မိမိဘ၀မှာ သို့မဟုတ် မိမိပတ်ဝန်းကျင်မှာပဲဖြစ်ဖြစ် တွေ့ကောင်းတွေ့ပါလိမ့်မယ်၊ အကျင့်သီလပျက်ပြားနေတဲ့သူတွေကိုပေါ့၊ ဘယ်သူတွေ ဘယ်လိုပျက်ပျက် အဲဒီအထဲမှာ မိမိက မပါသွားဖို့ပဲလိုတယ်။ ဒါဆိုရင် ကိုယ့်ကျင့်တရားပျက်ပြားနေသူတွေကြားထဲမှာ မြင့်မြတ်သူတစ်ယောက်အဖြစ်နေတတ်အောင်နေပါလို့ ရတနာထိုက်သော ဒုတိယစကားတစ်ခွန်း ဖြင့်တိုက်တွန်းလိုက်ရပါတယ်..။

 

(၃)မနေသူတွေကြားထဲမှာ နေသူအဖြစ်နေပါ။

ဒေါသဖြင့်နေသူတွေကြားထဲမှာ မေတ္တာတရားဖြင့်နေပါ။ လူများအစုက ဒေါသဖြင့်နေကြတာဆိုတော့ မေတ္တာတရားဖြင့်နေတဲ့သူကခြားပါတယ်၊ အဲဒီတော့ မေတ္တာတရားဖြင့်မနေနိုင်သူတွေကြားထဲမှာ မေတ္တာတရားဖြင့်နေတတ်အောင်နေဖို့ရယ်၊ ကိလေသာထူပြောနေသူကြားထဲမှာ ကိလေသာ မရှိဘဲနေတတ်ရမယ်။ လူအများစုက ကာမဂုဏ်ချမ်းသာတွေဖြင့်နေတာများပါတယ်၊ အဲဒီလို ကိလေသာကိုမထိန်းနိုင်သူတွေကြားထဲမှာ ကိလေသားကိုပါးအောင်ကျင့်ကြံဖြင့်နေပါလို့ပြောချင်တာပါ။ မလိုတာတွေနဲ့အလုပ်ရူပ်နေတဲ့သူတွေကြားထဲမှာ လိုတာလောက်သာရှားပြီးနေပါ။ အဓိကကတော့ မိမိရရှိထားတဲ့ဘ၀မှာ ရရှိသလောက်လေးဖြင့်တင်တိမ်ရောင်ရဲတတ်အောင်နေပါလို့ပြောချင်တာပါ။ ဒါဆိုရင် ရတနာထိုက်သော တတိယစကားတစ်ခွန်းဖြင့် မနေသူတွေကြားထဲမှာနေသူအဖြစ်နေတတ်အောင်နေပါလို့ တိုက်တွန်းလိုက်ရပါတယ်..။

 

(၄)ပျော်သူတွေရဲ့ကြားထဲမှာ မပျော်သူအဖြစ်နေပါ။

ပျော်သူတွေကြားထဲမှာဆိုတာက ကာမဂုဏ်တွေဖြင့် မူးယစ်ပြီး ဇိမ်ခံစားနေသူတွေရဲ့ကြားထဲမှာ ကာမဂုဏ်အရသာတွေကို တန်းဖိုးရှိရှိအသုံးချပြီး မပျော်သူအဖြစ်နေပါလို့ပြောချင်တာပါ။ ရှေးဆရာတော်ဘုရားကြီးတွေက-“တစ်စ တစ်စ စွန့်ဝံ့မှလျှင်၊ ဘ၀နောက်နောင်ဆက်တိုင်းကောင်းမည်”တဲ့။ အဲဒီတော့ ရရှိထားတဲ့စည်းစိမ်းတွေကို မစွန့်ဝံ့ပဲပျော်ရွှင်စွာခံစား၊ စံစားနေသူတွေကြားထဲမှာ မိမိက လောကအတွက်၊သာသနာအတွက်၊အများအကျိုးအတွက်လှူဒါန်ပြီးတော့နေတာကိုပဲ ပျော်သူတွေကြားထဲမှာ မပျော်သူအဖြစ်နေပါလို့ စတုတ္ထရတနာထိုက်သောစကားလေးတစ်ခွန်းဖြင့်တိုက်တွန်းလိုက်ရပါတယ်..။

 

ညခင်းရေ..မိမိရဲ့ဘ၀မှာ ဒီရတနာထိုက်သောစကားလေးခွန်းကို ရင်ထဲကိုထည့်ထားစေချင်တယ်။ ဒါမှမိမိဘ၀ကို တန်းဖိုးရှိရှိပိုပြီးတော့ နေတတ်သွားအောင်ပါ။ ဒီစကားလေးခွန်းကတော့ ဦးဇင်းစကားတော့မဟုတ်ဘူး၊ ဒါပေမယ့် ဒီစကားလေးခွန်းဖြင့် ညခင်းရဲ့မွေးနေ့မှာ ဓမ္မဒေသနာမြတ်ရတနာအထူးကုသိုလ်ဖြင့်ဓမ္မဒါနမွေးနေ့လက်ဆောင်အဖြင့် ပေးလိုက်ရပါတော့တယ်။ ယခုမွေးနေ့မှစ၍ နှစ်စဉ်နှစ်တိုင်းပျော်ရွှင်ပါစေလို့ထပ်မံဆုတောင်းလိုက်ရပါတယ်။

လပြည့်ဝန်း(သာစည်)

(16.05.2012)

ဦးကပ်စေးနဲ့ တန်ခိုးရှင်

ဘာနံ့ပါလိမ့်........သြော်လက်စသတ်တော့ လူတစ်ယောက် အိုးကင်းနဲ့ကြော်တဲ့မုန့်ကို ကြော်စားနေတာကိုး။ အင်းးးးဒီအနံလေးရတော့ ငါငယ်ငယ်က မယ်မယ်ကြော်ကျွေးတဲ့ အိုးကင်းကြော်မုန့်လေးစားချင်စိတ်တောင်ပေါက်လာတယ်။ သူဌေးကြီး မစ္ဆရိယ ဆက်လျောက် လာသော်လည်း သူအတွေးတွေက ဆက်လက်ပါလာမြဲပဲ။ အိမ်ရောက်ရင် မိန်းမပြောပြီး လုပ်စားရင်ကောင်းမလား။ ဟင်....ဒါလည်း မဖြစ်သေးပါဘူး ငါအိမ်ကလူတွေက စားချင်နေအုန်းမှာ မုန့်တွေအများကြီးလုပ်ရင် ဆန်၊ ထောပတ်၊ တင်လဲတွေလည်း အများကြီးကုန်မှာ ငါ့အသပြာတွေ ထိခိုက်လိမ့်မယ်။ ပါးစပ်ပိတ်နေလိုက်တာပဲကောင်းမယ်။

ဒီလိုနဲ့အိမ်ရောက်တော့ စားချင်စိတ်က ဖျောက်မရ။ သလွန်ပေါ်မှာ အလူးလူးအလိမ့်လိမ့်နဲ့ သက်ပြင်းတွေချ နေလေရဲ့။ ဒါကို သူ့မိန်းမက မြင်တော့ ရှင်ဘာတွေဖြစ်နေလဲ ကျမကို စိတ်ဆိုးလို့လား၊ အိမ်က အစေအခိုင်းတွေကြောင့်လားမေးပေမဲ့ အဖြေက ထွက်မလာဘူး ပြောလိုက်လို့ ချက်ချင်းထကြော်ပေးရင်လည်း ကုန်ကျစရိတ်ကများမည်ပေါ့။ ဒါကို မိန်းမဖြစ်သူကလည်း လက်မလျော့ပဲဆက်မေးပြန်ပါတယ်။ အဲတော့မှ ငါမှာ ပြင်းပြင်းပြပြ ဆန္ဒတစ်ခုရှိနေတာ ....အကြောင်းစုံကိုပြောပြ လေတော့တယ်။ သူဌေးကြီးစကားအဆုံးကြတော့  မိန်းမဖြစ်သူက ရယ်ပါတယ်။ ရှင်လို ကုဋေရှစ်ဆယ်ကြွယ်ဝတဲ့ သူဌေးကြီးတစ်ယောက်က အိုးကင်းကြော်မုန့်စားချင်တာ ဒီလောက်ထိခက်ခဲနေတာ ရယ်စရာပေါ့။ 

ဒီလောက်ခက်ခဲစရာမလိုပါဘူး ကြော်ကျွေးမယ်။ ဟောဒီ သက္ကာရရွာတစ်ရွာလုံးစားရအောင်ကို ကြော်မယ်။ မလုပ်နဲ့......ဒါဆို လမ်းတစ်လမ်းစာကြော်လိုက်မယ်ရှင်... လက်ကာပီး တားပြန်တယ်။ဒါဆိုလည်း တစ်အိမ်လုံးစာလောက်တော့ ကြော်မယ်နော်....ဒါလည်းနည်းတာမဟုတ်ဘူးတဲ့။ ဒါဆို ရှင်ဘယ်လောက်ကြော်စေချင်တာလည်း သားအမိသားအဖ စားရုံပဲလားဆိုတော့ သားသမီးတွေကို ဘာလို့ ထည့်ကြော်နေမလဲ ...ဒါဆို ၂ယောက်စာ ...၂ယောက်စာရောဘာလုပ်မှာလည်း ရှင်မက ငါလို စားချင်စိတ်ရှိတာမဟုတ်ဘူး ငါတစ်ယောက်တည်းစားဖို့ နည်းနည်းပဲကြော်တဲ့ ဆန်နည်းနည်း ထောပတ်နည်းနည်း၊ တင်လဲ နည်းနည်း ယူပြီး ဘုံ၇ဆင့်ပြဿာဒ်ပေါ်မှာ တက်ကြော်၊ အဲဒီပေါ်မှာပဲ အရသာခံစားတော့မယ် လို့ ပြောပါတယ်။

အိုးကင်းမုန့်ကြော်လေးစားဖို့  ဘုံ၇ဆင့်တက်ပြီး  ပြဿာဒ်တစ်ခါးတွေ အကုန်ပိတ်ပြီး အပေါ်ဆုံးထပ် ပြတင်းပေါက်တစ်ပေါက်သာဖွင့်ပြီး အရသာခံစားဖို့ စောင့်ဆိုင်း နေပါတယ်။  အဲဒီလို စိုင်းပြင်းနေစဉ် မြတ်စွာဘုရားရှင် ကိုယ်တော်မြတ်ကြီးသည် ဇေတ၀န်ကျောင်းတော်၌ သီတင်းသုံးနေတော်မူတယ်။ တန်းခိုးတော် အနန္တ ရှိသည်နှင့်အညီ အဘိညာဉ်တန်ခိုးဖြင့် သူဌေးကြီး၏ အခြင်းအရာကို အဖြစ်အပျက်ကို ဆင်ခြင်သိရှိနေခဲ့လေတယ်။  သို့ဖြစ်၍ တန်ခိုးအရာမှာ ဧတဒဂ်ရသော ရှင်မဟာမော၈္ဂလ္လာန် ကိုယ်တော်မြတ်ကြီးကို ခေါ်ယူလျက်.... အဲဒီ အလွန်ကပ်စေးနဲတဲ့ သူဌေးမစ္ဆရိယ သူတစ်ပါးကို ကျွေးရမှာ စိုးလို့ ဘုံခုနှစ်ဆင့်ပေါ်တက်ကြော်ခိုင်းနေတယ်။ အဲဒီသူဌေးထံအရောက်သွားပြီး သင့်ရဲ့ တန်ခိုးနဲ့ ဆုံးမခဲ့ပါ။ ပြီးတော့ ဇေတ၀န်ကျောင်းတော်ရောက်အောင် သူဌေးလင်မယားနဲ့အတူ ယူဆောင်ခဲ့ပေတော့၊ ငါဘုရားနဲ့ တကွ ရဟန်းငါးရာ အဲဒီ သူဌေးမုန့်နဲ့ပဲ ဆွမ်းစားကြမယ် လို့မိန့်တော်မူလေတယ်။

ရှင်မဟာမော၈္ဂလ္လာန်ကိုယ်တော်မြတ်ကြီးလည်း တန်းခိုးအစွမ်းဖြင့် ပြဿာဒ်သို့ရောက်သွားပြီး လေသာပြတင်းနားမှာ ဈာန်ဖြင့်ရပ်တော်မူနေတယ်။ သူဌေးရင်ထဲထိတ်ခနဲဖြစ်သွားတယ်။ ငါ့ရဲ့မုန့်ကို တောင်းစားမှာစိုးလို့ အလှူခံမှာ စိုးလို့ ဒီပေါ်မှာ လာပြီးကြော်စားတာတောင် အလွတ်မပေးပါလား ဆိုပြီး ဖျစ်တောက်ဖျစ်တောက်ပြောရင်း သောကတွေပွားနေတာပေါ့။

ကိစ္စမရှိဘူး ရှင်ရဟန်း ကောင်းကင်လေထဲ ရပ်ပြရုံမကလို့ လေထဲမှာ စင်္ကြံလျောက်ပြနေတောင် ကျုပ်ကလှူဖို့ ဝေးသေးတယ်။ ရှင်မဟာမော၈္ဂလ္လာန်ကိုယ်တော်မြတ်ကြီးလဲ လေသာပြတင်းဝ နားလေထဲမှာပင် လူးလာခေါက်ပြန်လျောက်ပြလေတယ်။သင်ခုလို စင်္ကြလျောက်ပြရုံမက လေထဲ တင်ပျဉ်ခွေထိုင်ပြနေလည်း ကျုပ်ကမလှူနိုင်ဘူး ရှင်မဟာမော၈္ဂလ္လာန်ကိုယ်တော်မြတ်သည် သူဌေး ဆိုသည့်အတိုင်း ထိုင်တော်မူနေလိုက်ပြန်တယ်။ ထပ်ပြောပြန်၍ လေသာပြတင်းပေါက်ဘောင်၌ ရပ်လေတယ်။ 

ဒါတင်မကပဲ  မီးခိုးတွေ လွတ်ပြရင်တောင် မလှူရေးချမလှူပါတဲ့။ ရှင်မဟာမော၈္ဂလ္လာန်ကိုယ်တော်မြတ်ကြီး မီးခိုးလုံးတွေ ထုတ်လွတ်လေတော့ မျက်လုံးများ အပ်များဖြင့် ဆွသကဲ့သို့ ခံစား မျက်ရည်တွေကျပြီး မီးခိုးတွေထုတ်လွတ်ပြီး မီးပါ ထတောက်နေရင် ငါအိမ်တစ်အိမ်လုံး ပြာကျကုန်တော့မှာပဲ ဆိုပြီး တစ်ချပ်လောက်တော့လှူမယ် ဒါမှ ဒီကပြန်ကြွမှာ ကဲကဲရှင်မ တစ်ချပ်ကြော်ကွာ မကြီးစေနဲ့။ မုန့်တွေလျော့၊ သေးသေးပဲကြော်။

မုန့်နှစ်အနည်းငယ်ကို ဒယ်အိုးထဲ ထည့်လိုက်သောလည်း မုန့်သည် ရှဲခနဲမြည်ကာ အကြီးကြီးဖြစ်ပြီး ဒယ်အိုးပင်ကျော်လွန်သွားတယ်။ ဟာ...ဒီမိန်းမတော့ ပေး ငါကိုယ်တိုင်မုန့်နှစ်ထည့်မယ် ယောက်မပေး ဆိုပြီးဝင်ကြော်လိုက်တာ စောစောက မုန့်ထက်တောင် ပိုကြီးသွားတယ်။ ဒီလိုနဲ့ မုန့်နှစ်နည်းနည်းထည့်လဲ မုန့်ကပိုပိုကြီးလာကာ သူဌေးကြီး လက်မြှောက်လိုက်ရလေရော။

ကဲ ရှင်မရေ ဘာမှ မလုပ်နဲ့တော့ အဲဒီအကြိးထဲက တစ်ချပ်ကိုသာ လှူလိုက်ပေတော့ဆိုတော့ သူ့ဇနီးက မုန့်တစ်ချပ်ကို တောင်းထဲမှ ယူလေတဲ့အခါ တစ်ခုနှင့်တစ်ခု ခွာမရပဲ ကပ်နေလေတယ်။ သူဌေးကြီးကိုယ်တိုင်ခွာတော့လည်း မုန့် တစ်ချပ်ဘယ်လိုမှ ခွာမရဘူး ၂ယောက်တစ်ယောက်တစ်ဖက် ကိုင်ပြီးခွာသောလည်း မည်သို့မျှခွာမရဘူး။ သူဌေးလည်းတော်တော်လေးစိတ်ပျက်သွားတယ် မုန့်စားချင်စိတ်တောင်ပျောက်သွားတယ်။ တော်ပြီး သင်ကြော်တဲ့မုန့်လည်း မစားချင်တော့ဘူး မုန့်တစ်တောင်းလုံး အဲဒီ ရဟန်းသာ လှူလိုက်တော့။ လို့ ဆိုပါတယ်။

သူဌေးစကားကြောင့် သူ့ဇနီးလည်းအလွန်တရာဝမ်းသာပြီး မုန့်တောင်းကို ယူ၍ အရှင်မောဂ္ဂလ္လာန်ကိုယ်တော်မြတ်ကြီးကို လှူဒါန်းလေတော့တယ်။ အရှင်မြတ်ကြီးလည်း သာဓုခေါ်တော်မူပြီး အလှူဒါနအကျိုးကို ဟောတော်မူတဲ့အခါ မစ္ဆရိယ သူဌေးလည်း ကြည်ညိုသောစိတ်များဖြစ်ပေါ်လာကာ ၀မ်းမြောက်လေတယ်။ အရှင်ဘုရား ဟောဒီ ပြဿဒ်က ပလ္လင်ပေါ်မှာပဲ မုန့်တွေကို ဘုဉ်းပေးတော်မူပါဘုရားလို့လျောက်ထားတော့ ငါတစ်ပါးတည်း ဘုဉ်းမပေဖိုး မသင့်လျော်ဘူး ဘုရားရှင်ကိုယ်တော်မြတ်ကြီးနဲ့ ရဟန်းငါးရာဟာ သင် မစ္ဆရိယ သူဌေးနဲ့သူဌေးကတော်လှူဒါန်းမဲ့ မုန့်ကို ဘုဉ်းပေးသုံးဆောင်ကြဖို့ ဇေတ၀န်ကျောင်းတော်မှာစောင့်နေတယ်။ သင်တို့ ဆန္ဒရှိတယ်ဆိုရင် အဲဒီမုန့်တွေ နို့တွေ ထောပတ်တွေ နဲ့အတူ ဇေတ၀န်ကျောင်းတော်ကို လိုက်ခဲ့ကြပါ။ မုန့်ဆွမ်းကပ်လှူကြပါလို့ မိန့်ပါတယ်။

သူဌေးလည်း များစွာအံ့သြသွားလေတယ်။အဲဒီနောက်  ဘုရားရှင်ကိုယ်တော်မြတ်ကြီးရှိရာ ဇေတ၀န်ကျောင်းသို့  သွားရောက်လှူဒါန်းကြတယ်။ ဘုရားရှင်ကိုယ်တော် မြတ်ကြီးလည်း သိသင့်သော တရားများကို ဟောကြားလေတယ်။ တရားတော်အဆုံးမှာ သူဌေးလင်မယားနှစ်ယောက်စလုံး ပင် သောတပန်များဖြစ်သွားကြတော့သည်။ ထိုအခါမှ စ၍ မစ္ဆရိယ သူဌေးကြီးလည်း နှမြောတွန့်တိုသော အကျင့်ကို စွန့်၍ ချမ်းသာသော ကုဋေရှစ်ဆယ်တို့ကို ဘုရားရှင်သာသနာအတွက် လှူဒါန်းလေတောသည်။

 ညခင်း

 တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

မွေးနေ့အတွက် အဆုံးအမတရား (၁)

                        (မေ-၁၆ရက်နေ့မွေးဖွားသူများအတွက် အမှတ်ရ မွေးနေ့လက်ဆောင်)

အသက်ထက်ဆုံး မမေ့ကောင်းရာ
စာမိတ်ဆက်

ဧရာဝတီစာကြည့်တိုက်၏ ဘလော့ဂါ စာရေးဆရာ (May16) တစ်ယောက်က မေလ ၁၆ ရက်နေ့ဟာ သူမရဲ့ မွေးနေ့ဖြစ်ပါတယ်၊ မွေးနေ့အတွက် ဆုံးမစာလေးတစ်ပုဒ်လောက် ရေးပေးပါဟု လျှောက်ထားလာသည်၊ စာရေးသူလဲ ဘာရေးရမှန်းမသိ၊ ဒီလိုနဲ့ ညနေပိုင်း အလုပ်အားချိန်လေး စာလေးတွေ လျှောက်ဖတ်ရင်းက သူ့အတွက် မွေးနေ့ပို့စ်လေးတစ်ပုဒ် အစောတလျင် ဖန်တီးလိုက်ရသည်၊ မနက်ဖန်ဆို မေ ၁၆ ရက် ဖြစ်နေတာကိုးး။ လောကမှာ လူတွေ အများစုက ကိုယ့်ရဲ့ မွေးနေ့ကို အမှတ်ရစမြဲ ဖြစ်ကြပါတယ်။ ဘယ်ပုံ ဘယ်လိုနည်းတွေနဲ့ အမှတ်ရနေသင့်သနည်း?????? လောကမှာ အမြဲတမ်း အမှတ်ရထိုက်တဲ့ နေရာ သုံးနေရာရှိတယ်ဆိုတာလေးနဲ့ပဲ May16အတွက် မွေးနေ့ပိုစ်လေးကို အစပြုလိုက်ပါသည်။

တိုင်းပြည်ဘုရင်၏ တစ်သက်တာမှတ်တမ်း

(၁) တိုင်းပြည်မင်းလုပ် အုပ်ချုပ်နေတဲ့ ဘုရင်သည်သူ၏ မွေးဖွားရာ အချိန်ကို ဘယ်တော့မှ မမေ့သင့်ပါဘူး ဘယ်နေ့ ဘယ်အချိန် ဘယ်နက္ခတ်နဲ့ ယှဉ်ပြီးမွေးခဲ့တယ်ဆိုတာ မမေ့သင့် မမေ့အပ်၊ အမြဲတမ်း အမှတ်ရနေရမည်။ မွေးနေ့ မွေးရက်သည် ပထမ အချက်အနေနဲ့ တစ်သက်တာမှတ်တမ်း ဖြစ်နေရမည်။ (၂) ဒုတိယအချက်အနေနဲ့ ဘယ်နေ့ ဘယ်အချိန်မှာ တိုင်းပြည်ရဲ့ အာဏာကို လက်ခံပြီး ဘုရင်အဖြစ် ခံယူသလဲဆိုတာကိုလဲ တစ်သက်တာ မှတ်တမ်းအဖြစ် ရှိနေရပါမည်။ (၃) တတိယ အချက်ကတော့ ဘုရင့်ရဲ့ အောင်ပွဲခံတဲ့နေ့ဖြစ်ပါတယ်၊ ရန်သူကို တွန်းလှန်နိုင်တဲ့ နေ့ကို တစ်သက်တာ မှတ်တမ်းအဖြစ် ရှိနေရပါမည်။

ရဟန်းတော်၏ တစ်သက်တာမှတ်တမ်း

ထိုနည်းတူစွာ ရဟန်းတော်တွေမှာလဲ တစ်သက်တာမှတ်တမ်းအဖြစ် ရှိနေရမည်မှာ--(၁) ရဟန်းတော်များသည် ဘယ်နေ့ ဘယ်အချိန် ဘယ်မှာ ရဟန်းဖြစ်တယ်ဆိုတာကို တစ်သက်တာမှတ်တမ်း (ရဟန်း ရက်ချုပ်) ရှိနေရမည်၊ ဘယ်တော့မှ ရဟန်းဖြစ်သည့် နေ့ ရက်တို့ကို မမေ့အပ်။ (၂) အသိဥာဏ် အထူး ရသည့်အချိန်သည် ရဟန်းတော်များအတွက် တစ်သက်တာ မှတ်တမ်းဖြစ်သည်။ ဘယ်နေ့ ဘယ်အချိန်မှာ ဘယ်နေရာမှာ ငါ သစ္စာ (အမှန်) တရားကို သိပြီဆိုတာကို မမေ့အပ်။ (၃) အလားတူပဲ ဘယ်အချိန် ဘယ်နေရာမှာ စိတ်ညစ် စိတ်ရိုင်း (ကိလေသာ) တွေ အားလုံး ရှင်းသွားပြီဆိုတာသည် တတိယအနေနဲ့ ရဟန်းတော်တွေအတွက် တစ်သက်တာ မှတ်တမ်းဖြစ်သည်။

သာမန်လူသားများ တစ်သက်တာ မှတ်တမ်း

(၁) ထိုနည်းတူစွာ စာရေးသူတို့လို သာမန် လူသားတွေလဲ တစ်သက်တာ မှတ်မိနေရမည့် အချက်များ ရှိပါသည်။ နံပတ် (၁)က ကိုယ့်ရဲ့ မွေးနေ့ပါပဲ၊ လူတိုင်းက ကိုယ့်ရဲ့ မွေးနေ့ မွေးရက် မွေးလကို တသက်တာမှတ်တမ်းအဖြစ် မှတ်ထားကြစမြဲဖြစ်ပါသည်။ ကိုယ့်ရဲ့မွေးနေ့ကို ပုံစံအမျိုးမျိုး ပုံဖော် မှတ်မိစေခဲ့ကြသည်။ တချို့ကတော့ မွေးနေ့အတွက် ပါတီပွဲတွေ ပြုလုပ်ပြီး ပုံဖော် အမှတ်ရစေကြပါတယ်၊ တချို့ကတော့ မွေးနေ့ပွဲကို သူငယ်ချင်းတွေ စုစည်းပြီး ပါတီပွဲလေးလုပ်ပြီး အမှတ်ရစေကြပါတယ်။ တချို့ကြတော့ ရိုးရာဓလေ့လေးတွေနဲ့ မွေးပွဲကို ဆင်နွဲ အမှတ်ရစေကြပါတယ်။ တချို့ကြပြန်တော့ ပေးကမ်းခြင်း စွန့်လွတ်ခြင်းတွေနဲ့ မွေးနေ့ပွဲကို အမှတ်ရစေကြပါတယ်၊ ဘုန်းကြီးကျောင်းသွားပြီး ဆွမ်းကပ်မယ်၊ မနက်စောစော သံဃာတွေ ဆွမ်းလောင်းမယ်၊ ဘိုးဘွားရိပ်သာ သွားပြီး အဘိုးအဘွားတွေကို ပြုစုမယ် လှူမယ်၊ ခိုကိုးရာမဲ့ မိဘမဲ့ဂေဟာတွေမှာ သွားပြီး အလှူပေးမယ်၊ ဆင်းရဲနွမ်းပါးတဲ့ သူတွေကို ပေးကမ်းမယ်။ တချို့ကြတော့ ဘုရားသွားပြီး အဓိဌာန်ပုတီးစိပ်တာတို့ ပရိတ်ရွတ်တာတို့ ပဋ္ဌာန်းရွတ်တာတို့ ဘုရားသန့်ရှင်းရေးလုပ်တာတို့ ဘုရားရှင်အား ပန်း ရေ မီး လှူတာတို့ ပြုလုပ်လေ့ရှိကြတယ်၊ တချို့ကြတော့ ငှက်ကလေးတွေကို အသက်စေ့ဝယ်ပြီး လွတ်ကြတယ်၊ တချို့ကတော့ ငါးကန်သွားပြီး ငါးလွတ်ကြတယ်၊ ဤနည်းအားဖြင့် ပုံစံအမျိုးမျိုးနဲ့ မိမိရဲ့ မွေးနေ့ကို ပုံဖော် အမှတ်တရ ဖြစ်စေကြသည်။ တချို့ကတော့ ကြာကြာစံရအောင် ကြာဇံတောင် တိုက်ကြသေးတယ်။ ဘလော့ဂါ စာရေးဆရာကိုယ်တိုင်က May16 ဆိုတဲ့ ကလောင်ကို အသုံးပြုပြီး သူ၏ မေ ၁၆ရက် မွေးနေ့ကို ပုံဖော် အမှတ်တရဖြစ်စေခဲ့သည်။ ဘာပဲဖြစ်ဖြစ် ကိုယ့်ရဲ့မွေးနေ့လေးကို အရက်ဝိုင်း၊ ကေတီဗီ (KTV) တွေ ညကလပ် (Night-club) တွေမှာ သွားပြီး အပျော်အပါးတွေနဲ့ မွေးနေ့ပွဲကို ဆင်နွဲမဲ့အစား မိမိရဲ့စိတ်ကလေးတွေ အေးချမ်းပြီး ကိလေသာကင်းတဲ့ စိတ်နဲ့ ကောင်းမှု ကုသိုလ်များဖြင့် မွေးနေ့ပွဲကို အမှတ်တရ ဖြစ်စေတာ အကောင်းဆုံး ဖြစ်ပါတယ်။

(၂) နောက် ဒုတိယတစ်ခုက သာရဏီဓမ္မလို့ ခေါ်တဲ့ တစ်သက်တာ အမှတ်ရစေရမည့် အလုပ်တွေကို အမှတ်ရဖို့လိုသည်။ ထိုအလုပ်တွေဆိုတာ ကာယကံ ၀စီကံ မနောကံတို့ဖြင့် ပြုလုပ်အပ်သော ကောင်းမှုများပင်ဖြစ်သည်။ စာပေက သာရဏီယ-တစ်သက်တာအမှတ်ရစေရမည့် အရာများကို ဤသို့ဆိုတယ်။ (က) မိတ်ဆွေ အပေါင်းအသင်းတွေ အပေါ် ကာယကံမေတ္တာ ထားခြင်း၊ ကိုယ့်အိမ်ရောက်လာတဲ့ ရဟန်းသဃာပဲ ဖြစ်ဖြစ်၊ ခရီးသွားဧည့်သည်ပဲ ဖြစ်ဖြစ် မေတ္တာရှေ့ရှုပြီး နွေးထွေးစွာ ကြိုဆို၊ နေရာထိုင်ခင်းပေး၊ ရေပူ ရေအေးပေး စသည်ဖြင့် ကိုယ်နဲ့ပြုလုပ်ရမည့် အလုပ်မှန်သမျှကို မေတ္တာဖြင့် ၀န်ဆောင်မှုပေးခြင်းသည် တစ်သက်တာ အမှတ်ရစေရမည့် (သာရဏီယဓမ္မ) အလုပ်ဖြစ်သည်၊ (ခ) မေတ္တာဖြင့် သူတော်ကောင်းစကား ပြောဆိုခြင်း၊ ဘုရားသွားမယ် ကျောင်းသွားမယ်၊ ကောင်းမှုပြုမယ် သီလဆောက်တည်မယ် စသည်ဖြင့် နှုတ်ဝစီဖြင့် ပြောဆိုခြင်းမျိုးကို တစ်သက်တာ အမှတ်ရစေမည့် တရားဖြစ်သည်။ အရက်ဆိုင်သွားမယ် ကေတီဗီသွားမယ် နှိုက်ကလပ်သွားမယ် ဆိုတဲ့ စကားမျိုးကား ထိုသာရဏီယ၏ လုံးဝဆန့်ကျင်ဘက်ဖြစ်သည်။ (ခ) မေတ္တာစိတ် နှလုံးသွင်းခြင်းသည်လည်း ဘ၀မှာ တစ်သက်စာ အမှတ်ရစေမည့် တရားဖြစ်သည်။ အားလုံးသော သတ္တ၀ါတွေ ကျန်းမာပါစေ ချမ်းသာပါစေ ကိုယ်ဆင်းရဲခြင်း စိတ်ဆင်းရဲခြင်း ကင်းဝေကြပါစေဆိုတဲ့ စိတ်ဖြင့်ပွားများသည့် အလုပ်သည် တစ်သက်စာ အမှတ်ရစေမည့် သာရဏီယဓမ္မဖြစ်သည်။ (ဂ) ရလာတဲ့ စည်းစိမ်ဥစ္စာများကိုလဲ ကိုယ်တစ်ယောက်တည်း မသုံးဘဲ သူတပါးထံမှ ဘာမှ မျှော်လင့်ချက်မထားဘဲ မျှဝေသုံးစွဲသည့် စာဂ-စွန့်ကြဲဝေငှခြင်းသည်လည်း တစ်သက်စာ အမှတ်ရစေမည့် တရားဖြစ်သည်။ (ဃ) ကိုယ့်ရဲ့ မကျိုး မပေါက်သည့် သီလသည်လည်း ဘ၀အတွက် အမှတ်တရ ဖြစ်စေမည့် တရားဖြစ်သည်။ (စ) ဂုဏ်ပကာသနတွေကြောင့် တစ်ယောက်နှင့် တစ်ယောက် အထင်သေး အမြင်သေးခြင်းမရှိဘဲ တန်းတူညီမျှ ပေါင်းသင်း ဆက်ဆံခြင်းသည်လည်း တစ်သက် အမှတ်ရစေမည့် အမှတ်တရ ဖြစ်သည်။

(၃) သတ္တ၀ါ အားလုံး မွေးပြီးရင် သေကြရမည်ဆိုတာကို သိပြီး လူအချင်းချင်း မာန်မာနကင်း ဣဿာရှင်းပြီး မေတ္တာ မုဒိတာ ကရုဏာစိတ်များ သွင်းကြရမည် ဖြစ်သည်။ ထို့ကြောင့် တတိယအနေနဲ့ တစ်သက်တာ အမှတ်ရစေရမည် အရာသည် သေခြင်းတရားပဲ ဖြစ်သည်။ သတ္တ၀ါတွေဟာ မွေးပြီး မုချသေရမည်၊ သူတို့ရဲ့ အသက်ရှင်တည်နေမှုဆိုတာ မမြဲ (မရဏံ မေ ဘ၀ိဿတိ၊ ဇီဝိတံ မေ အဒ္ဓုဝံ) ဟုသော မရဏဿတိ ဘာဝနာသည်လည်း ဘ၀မှာ တတိယ အနေနဲ့ အမှတ်ရစေရမှာ ဖြစ်သည်။ ထိုသို့ အမှတ်ရနေမှသာလျှင် လူလူချင်း စာနာ စိတ်ရှိပြီး မေတ္တာစိတ်ဖြင့် အချင်းချင်း ကူညီရိုင်းပင်ကြမည် ဖြစ်သည်။ သတ္တ၀ါတွေသည် သေရမည်ဆိုတာကို မေ့နေကြပြီး ဂုဏ်တူဂုဏ်ပြိုင် မာနတွေ၊ တစ်ယောက်၏ ကြီးပွားမှု အောင်မြင်မှု ပြည့်စုံမှုတွေကို မလိုလား မနှစ်သက် ဖျက်ဆီးသည့် ဣဿာတွေ ဖြစ်နေကြသည်။

နိဂုံး

ထို့ကြောင့် အားလုံးသော မွေးနေ့ရှင်တို့သည် မိမိတို့၏ မွေးနေ့ကို အမှတ်တရဖြစ်စေပြီး ကောင်းမှုကုသိုလ်များဖြင့် မွေးနေ့ကို ပုံဖော် အမှတ်တရ ဖြစ်စေနိုင်ကြပါစေ။ သာရဏီယတရားဟု ခေါ်ဆိုသည့် ကာယကံ မေတ္တာ ၀စီကံမေတ္တာ မနောကံ မေတ္တာ သီလစတဲ့ ကောင်းမှုများကိုလည်း အမှတ်တရဖြစ်စေဖို့လိုပါသည်။ နောက်ဆုံး ငါသည် နှစ်တစ်ရာအတွင်း သေရမှာပါလားဆိုတဲ့ အသိစိတ်ဖြင့် တိုတောင်းလှတဲ့ အသက်ရှင်နေသမျှကာလလေးမှာ ကောင်းမှုပါရမီများ ပြုလုပ်ပြီး ဘ၀ရဲ့ အစ အဆုံးကို အမှတ်တရ ဖြစ်နိုင်ကြပါစေကုန်သတည်းးးးးးးးးးးးးးးးး

မွေးနေ့ရှင် May16 သည် “မေလ ၁၆ ရက်နေ့” ရာပေါင်းများစွာ ပိုင်ဆိုင်ပါစေ။
ယနေ့မှ သည် နှစ်များစွာ ပျော်ရွှင် ချမ်းမြေ့ပါစေ၊
“ဟတ်ပီး ဘာ့သဒေး တူ ယူ” ဟူ၍ မြန်မာအသံနဲ့ ဆုတောင်းပေးလိုက်ပါတယ်။

ရွှင်လန်းချမ်းမြေ့ပါစေ
သီတဂူစတား
၁၅-၅-၂၀၁၂

ညခင်း 

တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

ခေတ်မှာ အသာစီးရအောင်

 လောက၌ အချို့သော လူတို့သည် ကုသိုလ်ကံကောင်း ၍ မိဘကောင်း၊ ဆရာကောင်း၊ ရဟန်းကောင်းများနှင့် တွေ့ရ၏။ ထို မိဘကောင်း၊ ဆရာသမားကောင်း၊ ရဟန်းကောင်းများထံမှ ရရှိသော အဆုံးအမ သြ၀ါဒဖြင့် မိမိကိုယ်ကို ယဉ်ကျေးအောင် ပြုပြင် ထိန်းသိမ်းခြင်းကြောင့် စိတ်ဓာတ်ယဉ်ကြေးလာကြသည်။ စိတ်ဓာတ်ယဉ်ကျေးလာတဲ့အခါ ပြောဆိုမှု နှုတ်လည်းယဉ်ကျေးလာသည်။ အသွားအလာ အလုပ်အကိုင် ကိုယ်အမူအရာလည်း ယဉ်ကျေးလာ၏။ မိဘကောင်း ဆရာသမားကောင်းများ သွန်သင်ဆုံးမမှုကြောင့် စဉ်းစားတွေးခေါ်တတ်သော အသိဥာဏ်လည်း ရှိလာသဖြင့် အသက်ရှင်နေစဉ် ကျန်းမာရေးကောင်းစဉ် တိုတောင်းလှသော အချိန်ကာလအတွက်သာ မကြည့်ဘဲ မိမိဘ၀အတွက် ရှည်ရှည်ဝေးဝေး ကြည့်ရှုလာတတ် မြင်တတ်လာ၏။

တမလွန်ဘ၀များ ကောင်းစားရေးအတွက်ပါ ထည့်သွင်းစဉ်းစားလာတတ်၏။ ထို့ကြောင့်ခေတ်မှာ အသာစီးရအောင် မမှန်သည်ကို အမှန်လုပ်ပြီး မပြောမိ အောင် ရှာင်ကြဉ်၏။ မိမိကိုယ်ကျိုးကိုသာ ဦးစားပေးလျက် အသက်ရှင်နေစဉ် ချမ်းသာရေးအတွက် မလုပ်သင် သောအလုပ်များကို မလုပ်မိအောင် အထူးသတိထားရှောင်ကြဉ်၏။ အရာရာမှာ အပြစ်ကင်းအောင်နေ၏။ သည်းခံ၏ ခွင့်လွတ်၏ ရန်သူများအပေါ် မေတ္တာပွား၏။

လူ့ဘ၀သည် မသိမှုအ၀ိဇ္ဖာ၊ လိုချင်မှု တဏှာစသော ကိလေသာတရားများဖြင့် ဖွဲ့စည်းဖြစ်ပေါ်နေ၏။ ထို့ကြောင့် အချို့လူသားသည် မိဘကောင်း၊ ဆရာကောင်း ၊ရဟန်းကောင်းမှား နှင့် မတွေ့ရသဖြင့် အဆုံးအမသြ၀ါဒများကို မရရှိနိုင်ကြပေ။ အချို့ အဆုံးအမသြ၀ါဒများကို ရရှိသော်လည်း တန်ဖိုးမထားခြင်းကြောင့် မိမိစိတ်ကို ယဉ်ကျေးအောင် မဆုံးမနိုင် မထိန်းသိမ်းနိုင်ကြပေ၊ စိတ်ဓာတ်မယဉ်ကေးခြင်းကြောင့် မူလ စိတ်မိုက်စိတ်ရိုင်းအတိုင်း ဘ၀ကို ကာမဂုဏ်ခံစားနိုင်ရေးအတွက်သာ အသုံးချနေကြ၏။ သွားလာလှုပ်ရားနေ နေကြ၏။

ပြည့်ပြည့်စုံစုံချမ်းချမ်းသာသာဖြင့် ကာမဂုဏ်ခံစားနိုင်ရေးအတွက် မိမိက အသာစီးရလိုသဖြင့်
 သတ်ခွင့်ကြုံလာလျှင် မိမိက လက်ဦးမှုရအောင်သတ်၏။ ခိုးခွင့်ကြုံလာလျှင်လည်း ခိုး၏။ လု၏။ အခွင့်သာလျှင် ကာမဂုဏ်လည်း ဖောက်ပြန်၏။ မိမိအမှား မိမိအပြစ်ကို ဖုံးကွယ်လျက် အပြစ်မရှိပါဘဲ သူတစ်ပါးသိက္ခာကျအောင် မမှန်မကန်လုပ်ကြံ ပြောဆို၏ ၀ါဒဖြန့်၏။ သူအသာစီးရအောင် ပတ်ဝန်းကျင်ကို စည်းရုံး၏။

သံကြိုးဖြင့် ငုတ်တိုင်မှာ ချည်နှောင်ထားသော ခွေး၏ လှုပ်ရှား မှုမျိုးဖြင့် သူ၏ လှုပ်ရှားမှုကို ဗုဒ္ဓက ချိန်ထိုးပြတော်မူခဲ့၏။ ငုတ်တိုင်မှာ သံကြိုးဖြင့် ချည်နှောင်ခံရသော ခွေးသည် သံကြိုး၏ နယ်နိမိတ် အတွင်း၌သာ ဣရိယာပုတ်လေးမျိုးလုံး မှာ သွားလာလှုပ်ရှားနိုင်သကဲ့သို့ မိဘ ကောင်း၊ ဆရာကောင်း၊ ရဟန်းကောင်းများထံမှ နာယူမှတ်သားအပ်သော အကြားအမြင် သုတမရှိသူမှာ အာရုံငါးပါး ၌ငြိတွယ်နေသော တဏှာ နယ်နိမိတ်အတွင်း ၌သာ သွားလာလှုပ်ရှားနိုင်၏။ ပြောဆိုလုပ်ကိုင်နိုင်၏ ဟုမိန့်တော်မူခဲ့၏။


ဗုဒ္ဓ၏ အောင်မြင်ရေးနည်းလမ်းများ စာအုပ်မှ ကောက်နှုတ်ဖော်ပြပါသည်။
အရှင်ခေမိန္ဒ ပုသိမ်မြို့၊ ပစ္ဆိမာရုံကောင်းတိုက်

ညခင်း

တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

ညောင်ရေသွန်းပွဲ

ညောင်ရေသွန်းပွဲတော်ဖြစ်ပေါ်လာရခြင်း

ဗုဒ္ဓဘာသာ မြန်မာလူမျိုးတို့သည် ညောင်ရေသွန်းပွဲတော်ကို နှစ်စဉ်နှစ်တိုင်း ကဆုန်လပြည့်နေ့၌ ကျင်းပပူဇော်လေ့ရှိကြသည်။ ထိုသို့ကျင်းပပူဇော်ရခြင်းမှာ-

မြတ်ဗုဒ္ဓသည် ကဆုန်လပြည့်၊ သောကြာနေ့၌ ဖွားမြင်တော်မူ၍ ကဆုန်လပြည့်၊ ဗုဒ္ဓဟူးနေ့၌ ဘုရားအဖြစ်ကိုရောက်တော်မူပြီး ကဆုန်လပြည့်၊ အင်္ဂါနေ့၌ ပရိနိဗ္ဗာန်စံတော်မူခဲ့သည်။ထို့ကြောင့် ကဆုန်လပြည့်နေ့သည် ဗုဒ္ဓဘာသာဝင်တို့အတွက် အလေးအမြတ်ထားအပ်သော နေ့ထူးနေမြတ်ဖြစ်ခဲ့သည်။

ထို့ပြင် မြတ်ဗုဒ္ဓသည် မဟာဗောဓိညောင်ပင်အောက်၌ မဟာသက္ကရာဇ် ၁၀၃ခု၊ ကဆုန်လပြည့်၊ ဗုဒ္ဓဟူးနေ့ နေမ၀င်မီ မာရ်နတ်မင်းနှင့် စစ်သည်အပေါင်းကို သစ္စာပါရမီအဓိဌာန်ဖြင့် အောင်တော်မူ၍ မိုးသောက်ယံ၌ ဘုရားအဖြစ်သို့ရောက်တော်မူခဲ့သည်။ ထို့ကြောင့် ဗောဓိညောင်ပင်သည်လည်း ဗုဒ္ဓဘာသာဝင်တို့အတွက် အလေးအမြတ် ပူဇော်ရာ ဌာနတစ်ခုဖြစ်ခဲ့ပေသည်။

ထို့ကြောင့် ဗုဒ္ဓဘာသာ မြန်မာလူမျိုးတို့သည် နှစ်စဉ်ကဆုန်လပြည့်နေ့သို့ရောက်တိုင်း  မြတ်ဗုဒ္ဓ၏ ရန်သူအပေါင်းကို အောင်နိုင်ရာ သစ္စာ၎ပါး ကိုသိမြင်ရာ၊ ဘုရားအဖြစ်သို့ရောက်တော်မူရာ ဌာနဖြစ်သော မဟာဗောဓိညောင်ပင်ကို ရည်မှန်းပြီး မိမိတို့ ကိုးကွယ်ဆည်းကပ်ရာ ကျောင်းကန်ဘုရားများ၌ စိုက်ပျိုးပူဇော်ထားအပ်သော ညောင်ပင်များကို ရေသွန်းဖျန်း ပူဇော်လေ့ရှိကြသည်။

အဓိက ရည်၇ွယ်ချက်မှာ ဗောဓိပင်များ မညှိုးနွမ်း မခြောက်သွေ့စေလိုရေးနှင့် မြတ်ဗုဒ္ဓကို အမှတ်ရစေလိုရေးပင်ဖြစ်သည်။

ဤကဲ့သို့ ဗောဓိညောင်ပင်များကို ရေသွန်းဖျန်းပူဇော်ခြင်းကို ညောင်ရေသွန်းပွဲတော်ဟု ခေါ်တွင်ကာ မြန်မာတို့ ၏ ၁၂လရာသီပွဲတော်အဖြစ် ပုဂံ၊ ပင်းယ၊ အင်းဝ၊ ကုန်းဘောင်ခေတ်များမှ ယနေ့ခေတ်အထိ စဉ်လာမပျက် ကျင်းပပူဇော်ခဲ့ကြပေသည်။ဤသည်မှာ ညောင်ရေသွန်းပွဲတော်ဖြစ်ပေါ်လာရခြင်း ၏ အခြေခံအကြောင်းပင်ဖြစ်သည်။

ညောင်ရေသွန်းပူဇော်ရကျိုး

ညောင်ရေသွန်းပူဇော်ရသည့် အကျိုးကို ပိဋိကတ်သုံးပုံတို့တွင် ခုဒ္ဒကနိကာယ်၊ သုတ္တန္တပိဋကထေရာအပဒါန် ပါဠိတော်၌  ဘုရားရှင်လက်ထက်တော် က ရဟန္တာမထေရ်ကြီးများကိုယ်တိုင် မိမိတို့၏ ဘ၀ဖြစ်စဉ်များကို ပြန်လည်ဟောကြားထားသည်တို့ကို တွေ့ရှိကြည်ညိုရပေသည်။

ဂန္ဓောဒကိယ ရဟန္တာမထရ်

ပဒုမုတ္တရာ မြတ်စွာဘုရားလက်ထက်တော်၍ သူကြွယ်တစ်ဦးသည် မြတ်ဗုဒ္ဓ ပွင့်တော်မူရာ ထင်းရှုး ဗောဓိပင် ပူဇော်ပွဲ ပြုလုပ်သောအခါ လှပဆန်းကြယ်သော အိုးဖြင့် နံ့သာရည်တို့ကို ထည့်ယူကာ သွန်းလောင်းပူဇော်ခဲ့လေသည်။ ထိုသို့ပူဇော်နေစဉ် မိုးသည်းထန်စွာ ရွာသွန်းပြီး မိုးကြိုးထိမှန်ကာ သေဆုံးခဲ့လေသည်။

ထိုဘ၀မှာသေလွန်ပြီးနောက် ညောင်ရေသွန်းရသော ကောင်းမှုကြောင့် နတ်ပြည်သို့ရောက်ကာ ဘုံအဆင့်တစ်ရာရှိသော နတ်ဗိမာန်၌ နတ်သမီးတစ်သိန်း ခြံရံခစားပြီး အနာရောဂါမရှိ စိုးရိမ်ပူပန်မှုမရှိ ဘဲ နတ်သက်ကုန်သည့်တိုင်အောင် ခံစားစံစားခဲ့ရလေသည်။

နတ်ပြည်မှ စုတေပြီးနောက် ဤကမ္ဘာပေါင်း နှစ်ထောင်ရှစ်ရာအထက်၌ လူပြည်ဝယ် ရတနာခုနှစ်ပါးနှင့် ပြည့်စုံပြီး များပြားသော စစ်သည်ဗိုလ်ပါအင်အားရှိသော သံဝသိတ မည်သော စကြ၀တေးမင်း ဖြစ်ခဲ့ရလေသည်။

ဂေါတမမြတ်စွာဘုရားပွင့်တော်မူသော အခါ ဂန္ဓောဒကိယမထေရ် အမည်ဖြင့် ပဋိသမ္ဘိဒါလေးပါး၊ ၀ိမောက္ခရှစ်ပါး၊ အဘိညာဉ်ခြောက်ပါးတို့ကို ရရှိပိုင်ဆိုင်ကာ အာသဝေါကုန်ခမ်း ရဟန္တာဖြစ်တော်မူခဲ့လေသည်။ ဤသည်မှာ ရဟန္တာမထေရ်မြတ်ကြီးကိုယ်တိုင် ဟောတော်မူခဲ့သော ဘ၀ဖြစ်စဉ်ဖြစ်ပေသည်။

ဗောဓိသိဉ္စက ရဟန္တာမထေရ်

ဝိပဿီမြတ်စွာဘုရားလက်ထက်တော်က ရဟန်းတော်တစ်ပါးသည် မြတ်စွာဘုရားပွင့်တော်မူရာ ဗောဓိပင်ညောင်ပင်ပူဇော်ပွဲ ကျင်းပသောအခါ ဗောဓိပင်သို့သွားရောက်ပြီး-

ကိုယ်တော်တိုင် ၀ဋ်ဆင်းရဲမှ လွတ်မြောက်တော်မူပြီးသော မြတ်စွာဘုရားသည် ငါတို့ကိုလည်း ၀ဋ်ဆင်းရဲမှ လွတ်မြောက်နိုင်ပါစေသတည်း၊ ကိုယ်တော်တိုင် ဆင်းရဲဒုက္ခမှ ငြိမ်းအေးတော်မူပြီးသော မြတ်စွာဘုရားသည် ငါတို့ကိုလည်း ဆင်းရဲဒုက္ခမှ ငြိမ်းအေးနိုင်ပါစေသတည်း ဟု နှလုံးသွင်းဆုပန်ကာ ပန်းတို့ဖြင့် ထုံမွှမ်းထားသော ရေဖြင့် ဗောဓိပင်ကို သွန်းလောင်း ပူဇော်ခဲ့လေသည်။

ထိုကောင်းမှုကြောင့် ဤကမ္ဘာမှ အထက် ကိုးဆယ်တစ်ကမ္ဘာကာလပတ်လုံး အပါယ်ငရဲသို့ မကျရောက်ရဘဲ လူ့ပြည်၊ နတ်ပြည်၌ သာကျင်လည်ခဲ့ရပေသည်။

ဤ ကမ္ဘာမှ အထက် သုံးဆယ်သုံးကမ္ဘာသို့ရောက်သောအခါ လူ့ပြည်၌ ဥဒကသေစနမည်သော စကြ၀တေးမင်းစည်းစိမ်ကို ရှစ်ကြိမ်တိုင်တိုင်ခံစားစံစားရခဲ့လေသည်။

ဂေါတမမြတ်စွာဘုရားပွင့်တော်မူသောအခါ ဗောဓိသိဉ္ဓက မထေရ်အမည်ဖြင့် ပဋိသမ္ဘိဒါလေးပါး၊ ၀ိမောက္ခရှစ်ပါး၊ အဘိညာဉ်ခြောက်ပါးတို့ကို ရရှိပိုင်ဆိုင်ကာ အာသဝေါကုန်ခမ်း ရဟန္တာဖြစ်တော်မူခဲ့လေသည်။ ဤသည်မှာ ရဟန္တာမထေရ်မြတ်ကြီးကိုယ်တိုင် ဟောတော်မူခဲ့သော ဘ၀ဖြစ်စဉ်ဖြစ်ပေသည်။ 

တိုက်တွန်းလွှာ

 အထက်ပါ မထေရ်မြတ်ကြီးများနည်းတူ ဗောဓိပင်ကို စိုက်ပျိုးပူဇော်ခဲ့သော အသနဗောဓိယ ရဟန္တာမထေရ်၊ ဗောဓိပင်ကို ရှိခိုးပူဇော်ခဲ့သော ဗောဓိဝန္ဒက ရဟန္တာ မထေရ်မြတ်ကြီး တို့သည် လည်း ထိုကဲ့သို့သော အကျိုးထူးအကျိုးမြတ်များကို ရရှိခဲ့ဘူးကြပေသည်။

ထို့ကြောင့် ဗောဓိညောင်ပင်ကို ရေသွန်းလောင်းသောါအခါ ယတြာကျေရုံ၊ ဂြိုလ်ပြေ၊ နံပြေရုံ၊ အပျော်တမ်းဖြစ်ရုံသက်သက်သာ မသွန်းလောင်ဘဲ မြတ်ဗုဒ္ဓသည် ဤနေရာဌာန၌ပင် မာရ်စစ်သည်အပါင်းကို အောင်မြင်ပြီး၊ ဤနေရာဌာန၌ပင် သစ္စာလေးပါးကို သိမြင်ကာ၊ ဤနေရာဌာန၌ပင် ဘုရားအဖြစ်သို့ ရောက်တော်မူခဲ့လေသည် ဟု မြတ်ဗုဒ္ဓ၏ ဂုဏ်တော်တို့ကို လေးလေးနက်နက် အာရုံယူကာ သံသရာဝဋ်ဆင်းရဲမှ ထွက်မြောက်ရန် ဆုပန်ပြီး ရှေးက ရဟန္တာမထေရ်မြတ်ကြီးများကို အတုယူကာ သွန်းလောင်းပူဇော်သင့်ကြပေသည်ဟု တိုက်တွန်းရင်း ဤညောင်ရေသွန်းပွဲ စာစုလေးကို နိဂုံးသတ်လိုက်ပါသည်။

အရှင်နာဂ၀ံသ

မောင်ကံကော်(ကျုံပျော်)

သဒ္ဓမ္မသီတဂူသာသနာရိပ်သာ

တောရကျောင်းတိုက်

ထံမှ တဆင့်ကူးယူ ဓမ္မဒါနပြုပါသည်။

ညခင်း 

 တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။