အရိပ်ထိုးခြင်း။

 အရိပ်ထိုးခြင်း

လူမိုက်တို့၏ အမှတ်အသား လက္ခဏာ ၃မျိုး ရှိလေသည်။ 

စိတ်ဖြင့် မကောင်း သော အကြံအစည်များကို ကြံစည် တွေးတောလေ့ရှိခြင်း၊ နှုတ်ဖြင့် မကောင်းသော စကားများကိုပြောဆိုလေ့ရှိခြင်း၊ ကိုယ်ဖြင့် မကောင်းသော အမှုကိစ္စများကို ပြုလုပ်လေ့ရှိငြင်း။

ယင်းသည် အမှတ်လက္ခဏာရှိသူ လူမိုက်တို့သည် သေခါနီး ကာလ၌ ဆင်းရဲပင်ပန်းခြင်းကြီး စွာဖြင့် သေဆုံးရလေ၏။ ထိုသူ ပြုလုပ်ခဲ့သော မကောင်းမှု အခြင်းအရာ အရိပ်နိမိတ်တို့သည် သေခါနီးကာလ ဆင်းရဲဝေဒနာ ခံစားလျက်ရှိစဉ် ၌ပေါ်ပေါက်ထင်မြင်လာကြကုန်၏။

ယင်းသို့လျှင် မကောင်းမှု ဒုစရိုက်တို့ ပျံကာဝဲကာ နိမိတ်ထင်လာကြသဖြင့် ထိုသူမိုက်သည် လွန်စွာ ထိတ်လန့်ကြောက်ရွံ့လေ၏။ ငါသည် မကောင်းမှု ဒုစရိုက်တို့ကို ပြုမိလေခြင်း၊ ကောင်းမှု သုစရိုက်တို့ကို မပြုလိုက်ရလေခြင်း ဟု စိုးရိမ်နေတ ဖြစ်လေ၏။

ကြီးမားသော တောင်မြင့်တောင်ထွတ်များသည် နေ၀င်ခါနီးအချိန် ၌ မြေပြင်သို့ အရိပ်ထိုးလာမြဲတည်း။ အရိပ်သည် ပြန့်နှံ့လွှမ်းအုပ်လာ မြဲတည်း။  (ဗာလ ပဏ္ဌိတသုတ်)

လှည်းဘီးသည်ဝန်ဆောင်နွား၏ခြေရာသို့ အစဉ်လိုက်သလို မိမိ၏နောက်ဝယ်ဆင်းရဲခြင်းသည် အစဉ်လိုက်ပေသည်။

ညခင်း 

 တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

[ကံဆိုတာဘာလဲ]

 

[ကံဆိုတာဘာလဲ]

ကံဆိုတာ ကမ္မ= အလုပ်ပါပဲ။ ကိုယ်နဲ့ပြုလုပ်တဲ့ အလုပ်ကို ကာယကံ၊ နှုတ်နဲ့ပြောဆိုပြီး ပြုလုပ်တဲ့ အလုပ်ကို ၀စီကံ၊ စိတ်နဲ့ ကြံစည် ဆင်ခြင်တဲ့အလုပ်ကို မနောကံ လို့ခေါ်တယ်။

အဲဒီ ကံအလုပ်တွေကို ဘယ်သူတွေ ပြုလုပ်နေသလဲ။
...
စိတ်ကပြုလုပ်ပါတယ်။ ကိုယ်နှုတ်တွေက အလိုလို မလှုပ်ရှားနိုင်ကြဘူး၊ စိတ်က စေခိုင်းလို့ လှုပ်ရှားနိုင်ကြတာ။ အဲဒီစိတ်မှာ ဘယ်သူက စေ့ဆော်ပြီး၊ ကြောင့်ကြစိုက်ပြီး အလုပ်ကိုပြုလုပ်သွား သလဲဆိုရင် စေတနာက စေ့ဆော်တိုက်တွန်းပြီး၊ ကြောင့်ကြစိုက်ပြီး လုပ်သွားပါတယ်။ ဒါကြောင့်....

စေတနာဟံ ဘိက္ခဝေ ကမ္မံဝဒါမိ

စေတနာကို ကံလို့ ငါဘုရား သတ်မှတ်တယ်။

စိတ်ဟာ လက်ဖျစ်တစ်တွက် မျက်စိတစ်မှိတ် ကာလအတွင်းမှာ အကြိမ် ကုဋေ ၁ သိန်းကျော် ဖြစ်ပျက် သွားကြတယ်လို့ အဌကထာမှာ ဆိုထားပါတယ်။ ဒါကြောင့် ခြင်ကိုက်တာကို သည်းမခံနိုင်လို့ သေစေလိုတဲ့ စေတနာနဲ့ ရိုက်လိုက်တဲ့ ကာလအတွင်းမှာ စိတ် ကုဋေပေါင်းများစွာ ဖြစ်ပျက်သွားကြတယ်။ အဲဒီစိတ်တွေဟာ ဒေါသအရင်းခံလို့ အကုသိုလ်တွေ ဖြစ်ကြတယ်။ ဒီစိတ်တွေဟာ ယှဉ်တွဲပါဝင်သွားကြတဲ့ စေတနာ ကုဋေသိန်းပေါင်းများစွာဟာ အကုသိုလ်ကံတွေပါပဲ။

ကံဟာ အကျိုးမပေးပဲမနေပါဘူး၊ အကျိုးပေးဖို့ အလှည့်အခါကိုစောင့်နေတာပါ။

***ပြစ်မှားလိုစိတ်ဖြင့် အကယ်လို့ ပြုလုပ်မိရင် ပြောဆိုမိရင် ကြံစည်မိရင် အဲဒီ ပြုလုပ်ကြံစည်မှုကြောင့် လှည်းဘီးဟာ ၀န်ဆောင်နွားရဲ့ ခြေရာသို့ အစဉ်လိုက်သလို ထိုအတူ ဆင်းရဲဟာ အစဉ်လိုက်တယ်....***(ဓမ္မပဒဂါထာ-၁)

***သန့်ရှင်းကြည်လင်တဲ့ စိတ်ဖြင့် အကယ်လို့ ပြုလုပ်မိရင် ပြောဆိုမိရင် ကြံစည်မိရင် အဲဒီ ပြုလုပ်ပြောဆို ကြံစည်မှုကြောင့် အရိပ်က လူကိုမစွန့်ဘဲ အစဉ်လိုက်သလို ထိုသူနောက်သို့ ချမ်းသာဟာ အစဉ်လိုက်တယ်.....***(ဓမ္မမဒဂါထာ-၂)

ဒါကြောင့် ကုသိုလ်ကံ ၊ အကုသိုလ်ကံတွေ ဟာ စိတ်ကြောင့်ဖြစ်ပေါ်ပြီး စေတနာ၏ စေ့ဆော်မှုကြောင့် ဖြစ်ပေါ်လာခြင်းဖြစ်တယ်။

ဒေါက်တာမင်းတင်မွန် (မြတ်ဓမ္မ)စာအုပ်မှ ကောက်နှုတ်တင်ပြပါသည်။

ညခင်း
တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

ဤကမ္ဘာ

 

လူတို့နေရာ ဤကမ္ဘာ တဏှာ အုပ်စိုးသည်၊
တဏှာစေရာ မနေသာ ဖွေရှာဆက်ရသည်။
ရသည့် ဥစ္စာ ချစ်သူပါ စွန့်ခွာသွားရသည်၊
တကယ့်အရေး တကယ့်ဘေး ဘယ်သွေး ဘယ်သား မကယ်ပြီ။ ( ဆရာတော် အရှင်ဇနကာဘိဝံသ )

ညခင်း
 တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

[သည်းခံခြင်းဟာ အရှုံးမဟုတ်တဲ့ အမြတ်]

[သည်းခံခြင်းဟာ အရှုံးမဟုတ်တဲ့ အမြတ်]

ဘာဘဲလုပ်လုပ်၊ ဘာဘဲ ပြောပြော၊ ဘယ်ကိုပဲသွားသွား ကိုယ့်ဘက် ယဉ်ကျေးသိမ်မွေ့မှု အပြည့်ရှိရမယ်၊ သည်းခံရမယ်၊ ကိုယ်ချင်းစာရမယ်၊ လူ့စ...ည်းကမ်း ၀တ္တရားကို နားလည်ရမယ်ဆိုတဲ့ အချက်တွေကို သတိထားရမယ်။ အဲသည်လို သတိထား ဆက်ဆံ ဆောင်ရွက်နေရင် နေရာတကာမှာ အောင်မြင်လာမှာပဲ၊ သည်းမခံလို့က တော့ အောင်မြင်ဖို့ မပြောနဲ့၊ ကိုယ့်ကိုရှောင်ကျဉ်သွားမယ့် လူတွေက အများကြီးပဲ။

ဘ၀ဒဿန တွေးခေါ်ရှင် ...ဖရင်ကလင်က...သည်းခံနိုင်စွမ်းရှိသည်နှင့်အမျှ လူ၏ အလိုဆန္ဒ ပြည့်ဝနိုင်တယ်...လို့ဆိုတယ်။

သည်းခံခြင်းဟာ အလွန်မြင့်မားတဲ့ ပညာ တစ်ရပ်ပါပဲ။ သည်းခံခြင်းဟာ မျှော်လင့်ချက်ရဲ့ အတတ်ပညာပါ။ သည်းခံခြင်းဟာ ခါးသည်းတယ်၊ ဒါပေမဲ့ သူ့ရဲ့ အသီးအပွင့်ဟာချိုမြိန်တယ်။

ဒါတွေကို မသိလို့လား....မဟုတ်ကြဘူးနော်...မိနစ် စက္ကန့်နှင့်အမျှ ပြေးနေတဲ့ စိတ်ရဲ့ ခေါ်ဆောင်ရာကို လိုက်ပါမိကြပြီး သည်းခံဖို့ ဝေးစွ...ဒေါသ၊ မာန၊ အတ္တတရားတွေနဲ့ တုံ့ပြန်မိတတ်ကြတယ်။

ကျမတို့ လက်သုံးစကားလေးတစ်ခုကိုလည်း လက်ကိုင်ထားမိတယ် ပတ်ဝန်းကျင်က လူ့စိတ်ကို ပြုပြင်တယ်တဲ့။ ဒါဟာ မမှန်ပါဘူး သေချာစဉ်းစားကြည့်တော့ သင်ကောင်းလျှင် ကျွန်ုပ်ကောင်းဖို့ ၀န်မလေးပါ ဆိုတဲ့။ တုံ့ပြန်မှုစကားလိုပဲ အတ္တတရားတွေ ပါနေပါတယ်။ အမှန်တကယ်ထားရှိရမဲ့ စိတ်က ဘယ်သူကောင်းကောင်း မကောင်းကောင်း ကျွန်ုပ်ကောင်းရမည်ဆိုတာပါပဲ။

ဒီကနေ့ တွေ့ကြုံလာရသော အဖြစ်အပျက်လေးနှင့် တိုက်ဆိုင်စွာ ခံစားမိခြင်းဖြစ်ပါသည်။

ညခင်း

တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။

ဖူး၍မကုန်သော ဂုဏ်ရည်

ဖူး၍မကုန်သော ဂုဏ်ရည်
By ညခင်း

(၂၀၀၃ခုနှစ်က ရန်ကုန်တက္ကသိုလ်က ဂုဏ်ထူးဆောင် စာပေပါရဂူ (D.Litt) ဖြင့် ပူဇော်စဉ်)

  

သဗ္ဗညုမြတ်စွာဘုရား၏ အတုမဲ့ သာသနာတော်သည် နှစ်ပေါင်း ၂၅၀၀ ကျော် ကြာညောင်းလာပါသော်လည်း မြတ်စွာဘုရား၏ အဆုံးအမများကို မြေ၀ယ်မကျ မြတ်နိုးယုယကြသည့် သာသနာ အာဇာနည် သားကောင်း သမီးကောင်း ရဟန်းရှင်လူအပေါင်းတို့၏ ထိန်းသိမ်းစောင့်ရှောက် ပျိုးထောင် ဖြန့်ဝေမှုကြောင့် ယနေ့တိုင်အောင် ကမ္ဘာတ၀န်းတွင် ဖူးပွင့်ဝေဆာ တင်မောလှပလျက်ပင် ရှိပါသေးသည်။

ထိုကဲ့သို့ သာသနာ့တော်၏ ဂုဏ်ကျက်သရေ တက်နေ၀န်းပမာ တင့်ဖြိုးဝေဆာအောင် စွမ်းဆောင်ခဲ့ကြသော သာသနာ့အာဇာနည်များသည် ခေတ်အဆက်ဆက် အစဉ်မပြတ် ပေါ်ထွန်းလာခဲ့ကြရာ ယနေ့ခေတ်တွင့် ကျမတို့ ဖူးမြော်ကြည်ညိုခွင့်ရကြပါသည်။ ထိုအာဇာနည်များစွာထဲမှာ ယနေ့ခေတ် သာသနာပြုလုပ်ငန်းလုပ်ဆောင်မှုများ အံ့သြလောက်အောင် စွမ်းဆောင်သည့် သာသနာ့အာဇာနည်တစ်ပါးမှာ ဒေါက်တာ အရှင်ဥာဏိဿရ သီတဂူဆရာတော်ပင် ဘုရားဖြစ်ပါသည်။

သီတဂူဆရာတော်ဘုရားသည် သူလိုရဟန်း၊ သူလိုအာဇာနည်၊ သူလို ဥာဏ်ကြီးရှင်၊ သူလိုပညာတတ်အကျော်၊ သူလို သြ၀ါဒါစရိယ၊ သူလိုစွမ်းနိုင်သူ၊ သူလိုစံပြ ပုဂ္ဂိုလ် စသည့် ရှုထောင့်မျိုးစုံမှ အမျိုးမျိုးအဖုံဖုံ ချီးကျူးဂုဏ်ပြုထိုက်သော အထူးလေးစားကြည်ညိုဖွယ်ကောင်းသည့် ဆရာတော်တစ်ပါးဖြစ်ပါသည်။

ဆရာတော်ဘုရားသည် မိမိ၏ ကျန်းမာမှု ကိုယ်ပင်ပန်းမှု တို့ကို မငဲ့ကွက်ပဲ ပရိယတ်- ပဋိပတ်အလုပ်တို့နှင့်သာ တချိန်လုံး ဘ၀ကိုမြှုပ်နှံထားတော်မူသည်။ သတ္တ၀ါအားလုံးတို့အပေါ်တွင် မေတ္တာ၊ ကရုဏာထား၍ ကိုယ်ကျိုးကိုစွန့်လျှက် သူတစ်ပါးတို့၏အကျိုး သာသနာတော်၏ အကျိုးကို သယ်ပိုးထမ်းရွက်တော်မူသည်။ ဆရာတော်ဘုရားသည် တရားဓမ္မများဟောကြားရာတွင်လည်း ကျမ်းဂန်အဖုံဖုံ မှ အနှစ်သာရအစုံစုံ၊ ခေတ်နှင့်အညီ ခေတ်ပညာနှင့်အညီ တိတိကျကျပြတ်ပြတ်သားသား ဟောကြားတော်မူသဖြင့် ဆရာတော်၏ တရားတော်များမှာ လိုက်နာကျင့်သုံးရန် ဗဟုသုတစုံလင်လှသည်။ ထို့ကြောင့် နာကြားရသူများကလည်း အားမရ နိုင် အောင်ဖြစ်ရသလို ဓမ္မစာစောင်များ ၊ အွန်လိုင်း ဓမ္မဖြန်ဖြူးရေး ၀က်ဆိုဒ်များ မှလည်း ဆရာတော်၏ ဟောတရားများကို အလုအယက်ဖော်ပြကြသည်။

ရဟန်းတော် ယောကျားပရိသတ်၊ ရဟန်း မိန်းမပရိတ်သတ်၊ ဥပါသကာ ပရိသတ်၊ ဥပါသိကာ ပရိသတ်ဟူသော ပရိသတ်လေးပါးလုံးပင် အရှင်အာနန္ဒာ မထေရ်ကို ဖူးမြင်ရလျှင် ပျော်ရွှင်ကြ၊ အရှင်အာနန္ဒာ၏ တရားတော်ကို နာကြားရပြန်လျှင် ရွှင်လန်းနှစ်သက်ကြသည်။ တရားနိဂုံးအဆုံးသတ်သည့် အခါတွင် ပရိသတ်သည် အားရကျေနပ်မှု မဖြစ်သေးပဲ ဆက်လက်ကာ နာကြားလိုကြ၏။ ဤသည်မှာ အရှင်အာနန္ဒာ၏ အံ့သြဖွယ်အချက်ဟု ဘုရားရှင် ဟောတော်မူခဲ့သည်။

သီတဂူဆရာတော်ဘုရားသည်လည်း အရှင်အာနန္ဒာမထေရ်ကဲ့သို့ပင် အံ့ဖွယ်ရာများရှိ၏။ ရဟန်းရှင်လူတို့သည် ဆရာတော်ကို ဖူးမြင်ရသောအခါ ကြည်ရွင်အားရ၊ တရားတော်ကိုနာကြားရသောအခါ ၀မ်းသာရွှင်လန်းကြ၊ တရားတော်ပြီးဆုံးသောအခါတွင်လည်း အားမရကြပဲ ဆက်လက်နာကြားလိုကြသည်။ ဆရာတော်၏ မေတ္တာဓာတ်၊ သည်ကြီးမားလှသည်။ ဆရာတော်သည် လက်တွေ့ ကျင့်ကြံနေထိုင်အားထုတ်မှုဖြင့် ရဟန်းရှင်လူအပေါင်းတို့အား အကောင်းဆုံး ကျင့်ကြံနေထိုင်နည်း တရားလမ်းစဉ်ကို မိမိကို စံနမူနာပြု၍ ညွန်ကြား ဆုံးမတော်မူသည်။

ဆရာတော်၏ ထူးခြားပြောင်မြောက်သည် ဂုဏ်ရည်များကြောင့် နိုင်ငံတော်အစိုးရက အောက်ပါ ဘွဲ့ထူးများကို ချီမြင့်ပူဇော်ထားသည်ကို ကြည်ညိုရသည်။
၁။ အဂ္ဂမဟာသဒ္ဓမ္မ ဇောတိကဓဇ
၂။ အဂ္ဂမဟာပဏ္ဍိတ
၃။ အဂ္ဂမဟာဂန္ထ၀ါစကပဏ္ဍိတ
၎။ မဟာဓမ္မကထိက ဗဟုဇနဟိတဓရ ဘွဲ့များ ချီးမြှင့်ခဲ့သလို…..
နိုင်ငံတကာတက္ကသိုလ်များကလည်း အောက်ပါက် ပါရဂူဘွဲ့ (Ph.D)များကို ပူဇော်ထားသည်။
၁။ ရန်ကုန်တက္ကသိုလ် (မြန်မာ)
၂။ မဟာချူလာလောင်ကွန်တက္ကသိုလ် (ထိုင်း)
၃။ မဟာမကုဋ် တက္ကသိုလ် (ထိုင်း)
၎။ နာလန္ဒတက္ကသိုလ် (အိန္ဒိယ)
တက္ကသိုလ် ၄ ခုက ချီးမြှင့်ပေးခဲ့ပါတယ်။

ထိုကဲ့သို့ အမျိုးဘာသာ သာသနာ အကျိုးကို စွမ်းစွမ်းတမံ ထမ်းဆောင်နေသော ဒေါက်တာ သီတဂူဆရာတော်ဘုရား၏ (၇၆)နှစ်မြောက် မွေးနေ့ မင်္ဂလာ ပူဇော်ရေးသားမှု၌ ဆရာတော်၏ ဂုဏ်ရည်များကို ချီးကျူးပူဇော်ခွင့်ရသည့်အတွက် ၀မ်းမြောက် ဂုဏ်ယူမဆုံးပါ။

ဘုရားရှင်၏ဂုဏ်ကို ဘုရားတစ်ဆူက ပြော၍မကုန်သလို ဆရာတော်ကြီးကို ကြီးညိုလေးစားသော သာမန်တပည့်တစ်ယောက်အနေနဲ့ ဆရာတော်ကြီး၏ဂုဏ်ရည်တို့ကား ဖော်၍မကုန် ပြော၍မကုန်နိုင်လောက်ပင် ကြီးကျယ်မြင့်မြတ်သည် ဖြစ်ပေမဲ့ ဆရာတော်ကြီး၏ မွေးနေ့ကို ပူဇော်လိုသော ကြီးမားသောဆန္ဒဖြင့် ကိုယ်တတ်သမျှလေးဖြင့်ပင် ပူဇော်လိုက်ရပါသည်ဘုရားးး။ ဆရာတော်ကြီးကို အသက် ခန္ဓာ ကျန်းမာလျှက် လူမျိုး ဘာသာ သာသနာအတွက် ဆထက် တန်ဖိုးတိုး၍ ဆောင်ရွက်နိုင်ပါစေကြောင်း မေတ္တာပို့၊ ရှိခိုးဦးတင်လျှက်ပါ ဘုရားးးးး။

 

တပည့်
ညခင်း 

 တရားအစစ်-အမှန်ချစ်-နှစ်ခြိုက်ကျင့်သုံးနိုင်ပါစေ။